AP Crop Insurance 2026 :c ఆంధ్రప్రదేశ్లోని ఖరీఫ్ సాగుదారులకు రాష్ట్ర వ్యవసాయశాఖ మరోసారి ముఖ్యమైన సూచన చేసింది. ఈ ప్రస్తుత ఖరీఫ్ సీజన్కు సంబంధించిన పంటల బీమా (Crop Insurance) నమోదు ప్రక్రియ కొనసాగుతోందని తెలిపింది. జూలై 31వ తేదీలోగా ప్రతి ఒక్క రైతు తప్పనిసరిగా పూర్తి చేసుకోవాలని స్పష్టం చేసింది. ఈ మేరకు మంత్రి అచ్చెన్నాయుడు పలు వివరాలను వెల్లడించారు.
అనూహ్యంగా వచ్చే ప్రకృతి వైపరీత్యాలు, అకాల వర్షాలు, వరదలు, కరువు కాటకాలు వంటి విపత్కర పరిస్థితుల్లో పంట నష్టం వాటిల్లితే రైతు కుటుంబానికి కొండంత అండగా నిలిచేది కేవలం పంటల బీమా మాత్రమేనని ఆయన స్పష్టం చేశారు. ఖరీఫ్ పంటలకు బీమా నమోదు గడువు ఈ నెల 31వ తేదీతో ముగియనుందని, అందుకే ఒక్క రైతు కూడా ఈ సువర్ణ అవకాశాన్ని చేజార్చుకోవద్దని కోరారు. చాలామంది రైతులు చివరి రోజు వరకు వేచి చూసే అలవాటు ఉంచుకుంటారని, కానీ ఆఖరి నిమిషంలో సాంకేతిక సమస్యలు లేదా రద్దీ వల్ల ఇబ్బందులు తలెత్తే ప్రమాదం ఉందని హెచ్చరించారు.
గడువు దాటిన తర్వాత నమోదు చేసుకునేందుకు ఎలాంటి అవకాశం ఉండదని… అందుకే ప్రతి ఒక్కరూ ముందస్తుగానే అప్రమత్తంగా వ్యవహరించి ఈ ప్రక్రియను ముగించాలని సూచించారు. రైతు ఏడాది పొడవునా రక్తాన్ని చెమటగా మార్చి పడే శ్రమకు…. పెట్టుబడికి రక్షణ గోడలా నిలిచే ఏకైక మార్గం పంటల బీమా మాత్రమేనని మంత్రి పునరుద్ఘాటించారు.
నమోదు ఎంతో సులభం
రైతన్నలు ఎలాంటి ఇబ్బందులు పడకుండా బీమా నమోదు ప్రక్రియను ప్రభుత్వం అత్యంత పారదర్శకంగా, సులభతరంగా మార్చిందని మంత్రి వివరించారు. స్మార్ట్ఫోన్ ఉపయోగిస్తున్న రైతులు నేరుగా 'PMFBY Crop Insurance Farmer App' ద్వారా స్వయంగా తమ పంటలను నమోదు చేసుకోవచ్చని తెలిపారు. ఒకవేళ యాప్ వినియోగం తెలియకపోతే దగ్గరలోని కామన్ సర్వీస్ సెంటర్లు (CSC), సంబంధిత బ్యాంకు శాఖలు, ప్రాథమిక వ్యవసాయ సహకార సంఘాలు (PACS) లేదా గ్రామ, మండల వ్యవసాయ శాఖ అధికారులను సంప్రదించి సహాయం పొందవచ్చని చెప్పారు.
కావాల్సిన పత్రాలు ఇవే!
బీమా నమోదుకు వెళ్లే సమయంలో రైతులు తమ వద్ద భూమి వివరాలు (పహాణీ/పాస్ బుక్), ఆధార్ కార్డు, బ్యాంక్ పాస్ బుక్, పంట సాగుకు సంబంధించిన వివరాలను సిద్ధంగా ఉంచుకోవాలని మంత్రి సూచించారు. నమోదు ప్రక్రియ పూర్తయిన వెంటనే ఇచ్చే రసీదు (Receipt) లేదా ధ్రువీకరణ ప్రతిని జాగ్రత్తగా దాచుకోవాలని కోరారు.
{{/usCountry}}బీమా నమోదుకు వెళ్లే సమయంలో రైతులు తమ వద్ద భూమి వివరాలు (పహాణీ/పాస్ బుక్), ఆధార్ కార్డు, బ్యాంక్ పాస్ బుక్, పంట సాగుకు సంబంధించిన వివరాలను సిద్ధంగా ఉంచుకోవాలని మంత్రి సూచించారు. నమోదు ప్రక్రియ పూర్తయిన వెంటనే ఇచ్చే రసీదు (Receipt) లేదా ధ్రువీకరణ ప్రతిని జాగ్రత్తగా దాచుకోవాలని కోరారు.
{{/usCountry}}కూటమి ప్రభుత్వం రైతు సంక్షేమానికి అత్యున్నత ప్రాధాన్యత ఇస్తోందని మంత్రి అచ్చెన్నాయుడు స్పష్టం చేశారు. రాష్ట్రంలో అర్హులైన ప్రతి రైతునూ పంటల బీమా పరిధిలోకి తీసుకురావడమే ప్రభుత్వ లక్ష్యమని చెప్పారు. ఈ విషయమై వ్యవసాయ శాఖ అధికారులకు ఇప్పటికే స్పష్టమైన ఆదేశాలు ఇచ్చామని, క్షేత్రస్థాయిలో విస్తృత ప్రచారం నిర్వహించి రైతులను చైతన్యపరచాలని స్పష్టం చేశారు. "రైతు పడే ఏడాది శ్రమను కాపాడేది పంటల బీమా. కాబట్టి జూలై 31 ముగిసేలోగా నమోదు చేసుకుని తమ పంటలకు భద్రత కల్పించుకోవాలి" అని మంత్రి మరోసారి విజ్ఞప్తి చేశారు.