వృద్ధులలో ఆరోగ్య సమస్యలను ముందస్తు దశలోనే గుర్తించేందుకు ఏపీ ప్రభుత్వం కీలక నిర్ణయం తీసుకుంది. అవసరమైన వైద్య సేవలను అందించేందుకు అక్టోబర్లో ఆంధ్రప్రదేశ్ వ్యాప్తంగా ప్రత్యేక వైద్య కార్యక్రమాలను నిర్వహిస్తామని ఆరోగ్య, వైద్య, కుటుంబ సంక్షేమ శాఖ మంత్రి సత్యకుమార్ యాదవ్ తెలిపారు.
అక్టోబర్ 1న అంతర్జాతీయ వృద్ధుల దినోత్సవం సందర్భంగా ఒక ప్రకటనలో మంత్రి మాట్లాడుతూ.. వృద్ధులు ఆసుపత్రులకు వచ్చే వరకు వేచి ఉండకుండా ఆరోగ్య బృందాలు వారి ఇళ్ల వద్దకే చేరుకుంటాయని తెలిపారు. ఈ బృందాలు వైద్య సేవలు, ఆరోగ్య పరీక్షలు, ఫిజియోథెరపీ, పునరావాస సేవలను అందిస్తాయి.
ప్రతి ఫ్రంట్లైన్ ఆరోగ్య కార్యకర్త ప్రతి వారం కనీసం ఐదుగురు వృద్ధుల ఇళ్లను సందర్శించి ఫిజియోథెరపీ, ఇతర సేవలను అందించేలా చర్యలు తీసుకుంటున్నామని మంత్రి చెప్పారు. Comprehensive Geriatric Assessment(CGA) సాధనాన్ని ఉపయోగించి ప్రతి జిల్లా, ప్రాంతీయ ఆసుపత్రిలో కనీసం 1,000 మంది వృద్ధుల నుండి ప్రశ్నావళి ఆధారిత మదింపుల ద్వారా ఆరోగ్య సమాచారాన్ని సేకరిస్తామని తెలిపారు. సేకరించిన సమాచారం ఆధారంగా తగిన చికిత్స, సంరక్షణ అందిస్తామని అన్నారు.
ఆరోగ్యకరమైన వృద్ధాప్యం, వ్యాధులను ముందుగానే గుర్తించడం, అధిక రక్తపోటు, మానసిక ఆరోగ్యం, ఫిజియోథెరపీ, పునరావాసం, వృద్ధులకు ప్రత్యేక ఆరోగ్య సంరక్షణ వంటి అంశాలపై కూడా అవగాహన కార్యక్రమాలు నిర్వహించనున్నట్టుగా మంత్రి వెల్లడించారు. ప్రతి గురువారం ప్రాథమిక ఆరోగ్య కేంద్రాలలో వృద్ధులకు ప్రత్యేక వైద్య సేవలు అందుబాటులో ఉంటాయని తెలిపారు.
గత అక్టోబర్లో రాష్ట్రవ్యాప్తంగా ప్రభుత్వం గుర్తించిన 74 వృద్ధాశ్రమాలను ప్రత్యేక వైద్య బృందాలు సందర్శించాయి. ఈ సందర్శనల సందర్భంగా 18.8 శాతం మంది వృద్ధులలో డిప్రెషన్ లక్షణాలు, 9.8 శాతం మంది తరచుగా కింద పడిపోవడం, 7.5 శాతం మందికి జ్ఞాపకశక్తికి సంబంధించిన సమస్యలు, 2.1 శాతం మందికి జ్ఞాపకశక్తి సమస్యలు, డిప్రెషన్ రెండూ, 6.4 శాతం మందికి ఒకటి కంటే ఎక్కువ వయస్సు సంబంధిత ఆరోగ్య సమస్యలు ఉన్నట్లు నిపుణులు గుర్తించారు.
{{/usCountry}}గత అక్టోబర్లో రాష్ట్రవ్యాప్తంగా ప్రభుత్వం గుర్తించిన 74 వృద్ధాశ్రమాలను ప్రత్యేక వైద్య బృందాలు సందర్శించాయి. ఈ సందర్శనల సందర్భంగా 18.8 శాతం మంది వృద్ధులలో డిప్రెషన్ లక్షణాలు, 9.8 శాతం మంది తరచుగా కింద పడిపోవడం, 7.5 శాతం మందికి జ్ఞాపకశక్తికి సంబంధించిన సమస్యలు, 2.1 శాతం మందికి జ్ఞాపకశక్తి సమస్యలు, డిప్రెషన్ రెండూ, 6.4 శాతం మందికి ఒకటి కంటే ఎక్కువ వయస్సు సంబంధిత ఆరోగ్య సమస్యలు ఉన్నట్లు నిపుణులు గుర్తించారు.
{{/usCountry}}వంట చేయడం, కిరాణా సామాను కొనడం, ప్రయాణం చేయడం లేదా ఇంటి బయటకు వెళ్లడం, దినచర్యలను స్వతంత్రంగా నిర్వహించుకోవడం వంటి నిత్యావసర దైనందిన కార్యకలాపాలలో ఇబ్బందులను కూడా ఈ బృందాలు గుర్తించాయి. సర్వే ద్వారా గుర్తించిన వారికి కౌన్సెలింగ్, చికిత్స, ఇతర సహాయక సేవలు అందించినట్లు మంత్రి సత్యకుమార్ తెలిపారు.