ఏపీ టెట్ హాల్ టికెట్లు విడుదల.. డెరెక్ట్‌ లింక్‌తో ఇక్కడి నుంచి డౌన్‌లోడ్ చేసుకోండి

ఏపీలో ఉపాధ్యాయ అర్హత పరీక్షల(AP TET)కు హాల్ టికెట్లు విడుదల అయ్యాయి. అధికారిక వెబ్‌సైట్ నుంచి టెట్ హాల్ టికెట్లు డౌన్‌లోడ్(AP TET Hall Ticket Download) చేసుకోవచ్చు.

Published on: Dec 3, 2025, 19:38:59 IST

By Anand Sai

Prefer HTon Google

Share via

Copy link

ఆంధ్రప్రదేశ్ పాఠశాల విద్యా శాఖ ఏపీ టెట్ హాల్ టికెట్(AP TET Hall Ticket) 2025ను విడుదల చేసింది. ఆంధ్రప్రదేశ్ ఉపాధ్యాయ అర్హత పరీక్షకు హాజరు కావాలనుకునే అభ్యర్థులు AP DSC అధికారిక వెబ్‌సైట్ tet2dsc.apcfss.in ద్వారా అడ్మిట్ కార్డ్‌ను డౌన్‌లోడ్ చేసుకోవచ్చు.

ప్రధాన పరీక్షలు డిసెంబర్ 10, 2025 నుండి జరుగుతాయి. పరీక్ష రెండు సెషన్లలో జరుగుతుంది - సెషన్ 1 ఉదయం 9.30 నుండి మధ్యాహ్నం 12 గంటల వరకు, సెషన్ 2 మధ్యాహ్నం 2.30 నుండి సాయంత్రం 5 గంటల వరకు ఉంటుంది. అన్ని ప్రశ్నలు బహుళైచ్ఛిక ప్రశ్నలు (MCQలు)గా ఉంటాయి, ప్రతి ఒక్కటి ఒక మార్కును కలిగి ఉంటాయి. ఈ పరీక్ష అన్ని జిల్లా ప్రధాన కార్యాలయాలు / మునిసిపాలిటీలు / రెవెన్యూ డివిజన్లు / మండలాల్లో ఆన్‌లైన్ విధానంలో నిర్వహిస్తారు.

అక్టోబర్ 24 నుంచి నవంబర్ 23వ తేదీ దాకా దరఖాస్తులు స్వీకరించారు. పాఠశాల విద్యా శాఖ తన అధికారిక ప్రెస్ నోట్‌లో మొత్తం 2,41,509 మంది అభ్యర్థులు రెండు పేపర్లకు కలిపి 2,71,692 దరఖాస్తులను చేశారు. అభ్యర్థులు తమ AP TET హాల్ టికెట్ 2025తో పాటు చెల్లుబాటు అయ్యే ఐడీ ప్రూఫ్‌ను తమ పరీక్షా కేంద్రానికి తీసుకెళ్లాలి. అడ్మిట్ కార్డ్ ద్వారా, అభ్యర్థులు తమ ఎగ్జామ్ సెంటర్, సెషన్ సమయాలను తెలుసుకుంటారు.

జనవరి 2వ తేదీన ఏపీ టెట్ ప్రాథమిక కీలు విడుదలవుతాయి. జనవరి 2 నుంచి 9వ తేదీ వరకు ప్రాథమిక కీలపై అభ్యంతరాలను స్వీకరిస్తారు. జనవరి 13వ తేదీన ఫైనల్ కీని ప్రకటిస్తారు.జనవరి 19వ తేదీన తుది ఫలితాలను ప్రకటిస్తారు.

ఏపీ టెట్ హాల్ టికెట్లు ఇలా డౌన్‌లోడ్ చేయాలి

AP DSC అధికారిక వెబ్‌సైట్ tet2dsc.apcfss.in ని సందర్శించండి.

హోమ్ పేజీలో అందుబాటులో ఉన్న AP TET హాల్ టికెట్ 2025 లింక్‌పై క్లిక్ చేయండి.

అభ్యర్థులు క్యాండిడేట్ లాగిన్‌ మీద క్లిక్ చేసి వివరాలను నమోదు చేయాలి.

యూజర్ నేమ్, పాస్‌వర్డ్, క్యాప్చా కోడ్‌లను ఎంటర్ చేయాలి.

సైన్ ఇన్ మీద క్లిక్ చేయండి, మీ అడ్మిట్ కార్డ్ కనిపిస్తుంది.

అడ్మిట్ కార్డును తనిఖీ చేసి డౌన్‌లోడ్ చేసుకోండి. తర్వాతి అవసరాల కోసం దాని హార్డ్ కాపీని ఉంచుకోండి.

ఈ లింక్ క్లిక్ చేసి మీరు హాల్‌టికెట్ డౌన్‌లోడ్ చేసుకోవచ్చు.

ABOUT THE AUTHOR
Anand Sai
ఆనంద్ సాయి మాదాసు ప్రస్తుతం హిందుస్తాన్ టైమ్స్ తెలుగులో డిప్యూటీ చీఫ్ కంటెంట్ ప్రొడ్యూసర్‌గా బాధ్యతలు నిర్వర్తిస్తున్నారు. డిజిటల్ మీడియాలో 9 ఏళ్లకుపైగా అనుభవం ఉంది. హెచ్‌టీ తెలుగులో చేరడం కంటే ముందు ఏబీపీ దేశంలో డిజిటల్ కంటెంట్ ప్రొడ్యూసర్‌గా పని చేశారు. మెుదట నవతెలంగాణ అనే దినపత్రికలో సబ్ఎడిటర్‌గా జర్నలిజం కెరీర్ మెుదలుపెట్టారు. ఆ తర్వాత కరీంనగర్‌లో ఈనాడు దినపత్రికలో కొంతకాలం సబ్‌ఎడిటర్‌గా బాధ్యతలు చూసుకున్నారు. కాకతీయ యూనివర్సిటీలో 2015-2017 పీజీ మాస్ కమ్యూనికేషన్ అండ్ జర్నలిజం చేశారు. ఈ సమయంలో మేడారం సమ్మక్క-సారలమ్మ జాతర కోసం ప్రత్యేకంగా క్యాంపస్ నుంచి పంపించిన టీమ్‌లో ఉన్నారు. పీజీ చదివే సమయంలోనే క్యాంపస్ రిక్రూట్‌మెంట్‌లో భాగంగా ఈటీవీ భారత్‌కు సెలక్ట్ అయ్యారు. అక్కడ ఆంధ్రప్రదేశ్‌ డెస్క్‌లో పని చేశారు. అంతేకాదు కొన్ని ప్రత్యేక స్టోరీలు కూడా ఈటీవీ భారత్ వెబ్‌సైట్ కోసం రాసేవారు. 2019 ఎన్నికల్లో ఎలక్షన్ డెస్క్‌ టీమ్‌లో ఉన్న నలుగురిలో ఆనంద్ సాయి ఒకరు. ఆ తర్వాత అక్కడ నుంచి ఏబీపీ దేశంలోకి వెళ్లి కొంతకాలం పని చేశారు. ఈ సమయంలో కూడా డిజిటల్ మీడియాకు తగినట్టుగా అనేక ప్రత్యేక కథనాలు రాశారు. హిందూస్తాన్ టైమ్స్‌ తెలుగులో 2022లో చేరారు. ఇక్కడ గతంలో నేషనల్, బిజినెస్, లైఫ్‌స్టైల్, ఎంటర్‌టైన్‌మెంట్‌, స్పోర్ట్స్‌ సెక్షన్లకు పనిచేశారు. ప్రస్తుతం ఆంధ్రప్రదేశ్, తెలంగాణ సెక్షన్లకు వార్తలు రాస్తున్నారు. అన్ని సెక్షన్లకు డిజిటల్ కంటెంట్ రైటర్‌గా పని చేసిన అనుభవం ఆయనకు ఉంది. అంతేకాదు ఈటీవీ భారత్, ఏబీపీ దేశం, హిందుస్తాన్ టైమ్స్ వెబ్‌సైట్స్ లాంచ్ టీమ్‌లో ఈయన ఉన్నారు. ప్రస్తుతం ఆంధ్రప్రదేశ్, తెలంగాణ రాజకీయ పరిణామాలు, విశ్లేషణలు, విద్య, ఉద్యోగ సమాచారంతో పాటు ఆసక్తికరమైన కథనాలను అందిస్తారు. ప్రభుత్వ పథకాలు, ఉద్యోగ నోటిఫికేషన్లు, ఇతర సమాచారం ప్రజలకు సులభంగా అర్థమయ్యే రీతిలో, వీలైనంత త్వరగా కథనాలను ఇవ్వటంలో ప్రత్యేక శైలి కలిగి ఉన్నారు. అనేకసార్లు హిందుస్తాన్ టైమ్స్ సంస్థ నుంచి ఇన్‌స్టా అవార్డులు అందుకున్నారు. డిజిటల్ మీడియాలో ఎక్కువకాలం పని చేసిన అనుభవం ఉంది. యూజర్లకు ఉపయోగపడే వార్తలను అందించడంలో ముందుంటారు.Read More

Home/Andhra Pradesh/ఏపీ టెట్ హాల్ టికెట్లు విడుదల.. డెరెక్ట్‌ లింక్‌తో ఇక్కడి నుంచి డౌన్‌లోడ్ చేసుకోండి