APPSC : నిరుద్యోగులకు అలర్ట్ - గ్రూప్ 1 సహా పలు ఉద్యోగాల దరఖాస్తు గడువు పొడిగింపు!

ఏపీపీఎస్సీ గ్రూప్-1 తో పాటు సహాయ పర్యావరణ ఇంజినీర్, ఉద్యాన అధికారి, హాస్టల్ వెల్ఫేర్ ఆఫీసర్ పోస్టుల దరఖాస్తు గడువును నవంబరు 11 వరకు పొడిగించారు. ఈ మేరకు ఏపీపీఎస్సీ ఆదేశాలిచ్చింది.

నిరుద్యోగ అభ్యర్థులకు ఏపీ పబ్లిక్ సర్వీస్ కమిషన్ (APPSC) ముఖ్యమైన అప్డేట్ అందించింది. గ్రూప్-1తో పాటు వివిధ శాఖల్లోని పలు ఉద్యోగ నియామకాలకు సంబంధించి ఆన్‌లైన్ దరఖాస్తుల స్వీకరణ గడువును నవంబరు 11 వరకు పొడిగిస్తున్నట్లు కమిషన్ తాజాగా ఒక ప్రకటనలో వెల్లడించింది.

ఏపీపీఎస్సీ

వివిధ సాంకేతిక కారణాలు, వ్యక్తిగత వినతుల దృష్ట్యా దరఖాస్తు గడువును పెంచాలని రాష్ట్రవ్యాప్తంగా ఉన్న వేలాది మంది అభ్యర్థుల నుంచి ఏపీపీఎస్సీకి విజ్ఞప్తులు వచ్చాయి. అభ్యర్థుల ఇబ్బందులను, వినతులను సానుకూలంగా పరిశీలించిన కమిషన్, వారందరికీ మరొక అవకాశం కల్పిస్తూ ఆన్‌లైన్ సబ్‌మిషన్ గడువును పెంచుతూ నిర్ణయం తీసుకుంది. అర్హత కలిగిన అభ్యర్థులు ఎలాంటి ఆలస్యం చేయకుండా వెంటనే ఏపీపీఎస్సీ అధికారిక వెబ్‌సైట్ ద్వారా తమ దరఖాస్తులను సమర్పించాలని అధికారులు సూచించారు.

దరఖాస్తు గడువు పొడిగించిన వాటిలో గ్రూప్ 1 తో పాటు సహాయ పర్యావరణ ఇంజినీర్ , ఉద్యాన అధికారి, వసతిగృహ సంక్షేమ అధికారి గ్రేడ్-2 , సహాయ గిరిజన సంక్షేమ అధికారి,సహాయ సాంఘిక సంక్షేమ అధికారి ఉద్యోగ నోటిఫికేషన్లున్నాయి.

దరఖాస్తు చేసుకోవాలనుకునే నిరుద్యోగులు గడువు తేదీ ముగిసేవరకు వేచి చూడకుండా, ఆఖరి నిమిషం వెబ్‌సైట్ ( https://portal-psc.ap.gov.in/ ) రద్దీని నివారించడానికి వీలైనంత త్వరగా తమ దరఖాస్తు ప్రక్రియను పూర్తి చేయాలని ఏపీపీఎస్సీ సూచించింది.

యథావిధిగా గ్రూప్ 1 ప్రిలిమినరీ పరీక్ష…

గ్రూప్-1 పోస్టులకు అభ్యర్థుల ఎంపిక మూడు దశల్లో జరుగుతుంది. స్క్రీనింగ్ టెస్ట్ (ప్రిలిమ్స్ - ఆఫ్‌లైన్ OMR ఆధారిత), మెయిన్స్ పరీక్ష (డిస్క్రిప్టివ్ తరహా), ఇంటర్వ్యూ ద్వారా సెలక్షన్ ఉంటుంది. మెయిన్స్, ఇంటర్వ్యూలో సాధించిన మార్కుల ఆధారంగా మెరిట్ జాబితా రూపొందిస్తారు.