ఆంధ్రప్రదేశ్‌లోని పట్టణ స్థానిక సంస్థల ఎన్నికలకు సంబంధించి కీలక ఘట్టం ఆసన్నమైంది. రాష్ట్రవ్యాప్తంగా 13 మున్సిపల్ కార్పొరేషన్లు, 79 మున్సిపాలిటీలు మరియు నగర పంచాయతీల్లో పడిన ఓట్ల లెక్కింపు ప్రక్రియకు రాష్ట్ర ఎన్నికల సంఘం (SEC) పకడ్బందీగా ఏర్పాట్లు పూర్తి చేసింది.
ఉదయం 8 నుంచి కౌంటింగ్…
ఇవాళ ఉదయం 8:00 గంటల నుంచే లెక్కింపు ప్రక్రియ ప్రారంభం కానుంది. మరోవైపు… ఫలితాల వెల్లడి వేళ ఎలాంటి అవాంఛనీయ సంఘటనలు జరగకుండా మరియు కౌంటింగ్ కేంద్రాల వద్ద అప్రమత్తంగా ఉండాలని అధికార కూటమి సమాయత్తమవ్వగా, ప్రతిపక్షం కూడా తమ కౌంటింగ్ ఏజెంట్లకు, పార్టీ శ్రేణులకు కీలక సూచనలు చేస్తూ అలెర్ట్ చేసింది.
మొత్తం 92 పురపాలికల్లో పోలింగ్ ప్రక్రియ ముగియగా, ఓట్ల లెక్కింపు పారదర్శకంగా జరిగేందుకు అధికారులు రాష్ట్రవ్యాప్తంగా 138 కౌంటింగ్ కేంద్రాలను సిద్ధం చేశారు. వీటి పరిధిలో 556 కౌంటింగ్ హాళ్లను నిర్మించి, మొత్తం 6,831 కౌంటింగ్ టేబుళ్లను అందుబాటులోకి తెచ్చారు. లెక్కింపు ప్రక్రియను సజావుగా నిర్వహించేందుకు భారీ ఎత్తున మానవ వనరులను వినియోగిస్తున్నారు.
- కౌంటింగ్ పర్యవేక్షణకు సూపర్‌వైజర్లు : 6,831 మందిప్రధాన
- కౌంటింగ్ సిబ్బంది: 13,662 మంది
- కౌంటింగ్ సహాయకులు (అసిస్టెంట్లు): 27,324 మంది
మొత్తంగా 47,817 మంది అధికారులు, సిబ్బంది ఈ కౌంటింగ్ పర్వంలో పాల్గొంటున్నారు. మున్సిపాలిటీలు మరియు నగర పంచాయతీల పరిధిలోనే 2,805 టేబుళ్లను ప్రత్యేకంగా కేటాయించారు.
రాష్ట్రవ్యాప్తంగా 13 కార్పొరేషన్లలోని 922 డివిజన్లకు గానూ 118 స్థానాలు ఏకగ్రీవమయ్యాయి. ఇక మున్సిపాలిటీల్లోని 3,020 వార్డుల్లో 637 స్థానాలు ఏకగ్రీవంగా మారాయి. ఏకగ్రీవాల అనంతరం మిగిలిన 2,382 వార్డుల్లో తీవ్ర పోటీ నెలకొంది. ఈ స్థానాల్లో విజయం సాధించేందుకు మొత్తం 10,262 మంది అభ్యర్థులు బరిలోకి దిగారు. వీరి రాజకీయ భవితవ్యం కొన్ని గంటల్లోనే తేలనుంది.
రీపోలింగ్ అనంతరం ప్రకటించిన వివరాల ప్రకారం…. ఏపీలో పట్టణ స్థానిక సంస్థల ఎన్నికలలో మొత్తం 62.16 శాతం పోలింగ్ నమోదైనట్లు ఎస్ఈసీ స్పష్టం చేసింది. రాష్ట్రవ్యాప్తంగా నమోదు అయిన 96,89,061 మంది ఓటర్లలో 60,22,411 మంది ఓటర్లు తమ ఓటు హక్కును వినియోగించుకున్నారు. అయితే ఈ ఎన్నికల్లో ఒక ఆసక్తికర అంశం వెలుగు చూసింది. విజయవాడ, విశాఖపట్నం, గుంటూరు వంటి పెద్ద నగరాలతో పోలిస్తే చిన్న మున్సిపాలిటీలు, నగర పంచాయతీల్లోనే ఓటర్లు భారీగా తరలివచ్చి అత్యధిక శాతం ఓటింగ్ నమోదు చేశారు.
{{/usCountry}}రీపోలింగ్ అనంతరం ప్రకటించిన వివరాల ప్రకారం…. ఏపీలో పట్టణ స్థానిక సంస్థల ఎన్నికలలో మొత్తం 62.16 శాతం పోలింగ్ నమోదైనట్లు ఎస్ఈసీ స్పష్టం చేసింది. రాష్ట్రవ్యాప్తంగా నమోదు అయిన 96,89,061 మంది ఓటర్లలో 60,22,411 మంది ఓటర్లు తమ ఓటు హక్కును వినియోగించుకున్నారు. అయితే ఈ ఎన్నికల్లో ఒక ఆసక్తికర అంశం వెలుగు చూసింది. విజయవాడ, విశాఖపట్నం, గుంటూరు వంటి పెద్ద నగరాలతో పోలిస్తే చిన్న మున్సిపాలిటీలు, నగర పంచాయతీల్లోనే ఓటర్లు భారీగా తరలివచ్చి అత్యధిక శాతం ఓటింగ్ నమోదు చేశారు.
{{/usCountry}}