ఆంధ్రప్రదేశ్ రాజకీయాల్లో మరో కొత్త పార్టీకి బీజం పడింది. మాజీ రాజ్యసభ సభ్యుడు వి. విజయసాయిరెడ్డి నూతన రాజకీయ ప్రస్థానానికి శ్రీకారం చుట్టారు. గత కొంతకాలంగా మారుతున్న పరిణామాల మధ్య ఆయన సొంతంగా కొత్త రాజకీయ పార్టీని ఏర్పాటు చేస్తున్నట్లు ప్రకటించారు. తన నూతన రాజకీయ వేదికకు 'పరివర్తన రాజనీతి పార్టీ' (Parivarthana Rajaneethi Party - PRP) అని పేరు నిర్ణయించినట్లు వెల్లడించారు.
రాష్ట్రంలో ప్రస్తుతం ఉన్న రాజకీయ వాతావరణం, ప్రజల ఆకాంక్షలకు అనుగుణంగా నూతన విధానాలతో ముందుకు సాగేందుకే ఈ పార్టీని స్థాపిస్తున్నట్లు విజయసాయిరెడ్డి స్పష్టం చేశారు. 'పరివర్తన' అనగా మార్పు అని….. ప్రజలకు జవాబుదారీగా ఉండే నిజమైన రాజనీతిని అందించడమే తమ పార్టీ ప్రధాన ఉద్దేశమని ఆయన పేర్కొన్నారు.
జెండా గుర్తు విడుదల…
కాషాయం, తెలుపు రంగుల సమ్మేళనంతో రూపొందించిన పార్టీ జెండా మధ్యలో ధర్మచక్రం గుర్తును పార్టీ ప్రాథమిక చిహ్నంగా విజయసాయిరెడ్డి వెల్లడించారు. దేశభక్తి, ప్రజల సంక్షేమం, ధర్మబద్ధమైన రాజనీతికి సంకేతంగా ఈ చిహ్నాన్ని ఎంచుకున్నట్లు వివరించారు.
"జనం కోసం.. జన హితం కోసం" అనే ప్రధాన నినాదంతో ప్రజాక్షేత్రంలోకి అడుగుపెడుతున్నట్లు విజయసాయిరెడ్డి స్పష్టం చేశారు. రాష్ట్రంలో ప్రస్తుతం ఉన్న రాజకీయ కూటములు, సాంప్రదాయ పార్టీల తీరుకు భిన్నంగా ప్రజలకు బలమైన మూడో ప్రత్యామ్నాయ శక్తిగా నిలబడటమే తమ పార్టీ ప్రధాన లక్ష్యమని ప్రకటించారు.
{{/usCountry}}"జనం కోసం.. జన హితం కోసం" అనే ప్రధాన నినాదంతో ప్రజాక్షేత్రంలోకి అడుగుపెడుతున్నట్లు విజయసాయిరెడ్డి స్పష్టం చేశారు. రాష్ట్రంలో ప్రస్తుతం ఉన్న రాజకీయ కూటములు, సాంప్రదాయ పార్టీల తీరుకు భిన్నంగా ప్రజలకు బలమైన మూడో ప్రత్యామ్నాయ శక్తిగా నిలబడటమే తమ పార్టీ ప్రధాన లక్ష్యమని ప్రకటించారు.
{{/usCountry}}నూతన పార్టీ ఆవిర్భావం సందర్భంగా విజయసాయిరెడ్డి మాట్లాడుతూ.. రాష్ట్రంలో జెన్-జీ (Gen Z) యువతను రేపటి రాజకీయ నాయకులుగా తీర్చిదిద్దే ఒక కార్యాచరణ ఫ్యాక్టరీలా తమ పార్టీ పనిచేస్తుందని పేర్కొన్నారు. కుల, మత రాజకీయాలకు అతీతంగా పాలన సాగించడమే ధ్యేయంగా పనిచేస్తామన్నారు.
వైఎస్సార్‌సీపీలో సుదీర్ఘకాలం పాటు అత్యంత కీలక నేతగా, పార్లమెంటరీ పార్టీ నేతగా బాధ్యతలు నిర్వర్తించిన విజయసాయిరెడ్డి… కొద్ది నెలలక కిందటే పార్టీకి మరియు రాజ్యసభ సభ్యత్వానికి రాజీనామా చేసిన సంగతి తెలిసిందే. ఆ నిర్ణయం తర్వాత ఆయన రాజకీయ భవిష్యత్తుపై రకరకాల ఊహాగానాలు రాగా…. వాటన్నింటికీ తెరదించుతూ నేరుగా కొత్త పార్టీ ప్రకటన చేయడం ఏపీ రాజకీయ వర్గాల్లో చర్చనీయాంశంగా మారింది.
తమ కొత్త పార్టీ ప్రధాన ఉద్దేశం ఆంధ్రప్రదేశ్ రాష్ట్రం, ఇక్కడి ప్రజల ప్రయోజనాలను కాపాడటమేనని విజయసాయిరెడ్డి చెప్పారు. ఢిల్లీలో కేంద్రంలో ఏ పార్టీ అధికారంలో ఉన్నప్పటికీ…. కేంద్ర ప్రభుత్వంతో సమర్థవంతంగా సమన్వయం చేసుకుంటూ ఏపీ ప్రజలకు దక్కాల్సిన న్యాయాన్ని, నిధులను రాబట్టడానికి తమ పార్టీ నిరంతరం కృషి చేస్తుందని వివరించారు.
ఒకప్పుడు వైఎస్సార్‌సీపీలో అత్యంత కీలక నాయకుడిగా వెలుగొందిన విజయసాయిరెడ్డి…. మాజీ ముఖ్యమంత్రి వైఎస్ జగన్ మోహన్ రెడ్డికి అత్యంత సన్నిహితుడిగా వ్యవహరించేవారు. అయితే ఆ పార్టీతో విభేదించి బయటకు వచ్చిన ఆయన…. ఇప్పుడు సొంతంగా రాజకీయ పార్టీని ప్రకటించి ముందుకు వెళ్తున్నారు.