గుంటూరు నుంచి తిరుచానూరుకు వన్‌వే స్పెషల్ ట్రైన్ - టైమింగ్స్, రూట్ వివరాలివే!

పండుగల వేళ ప్రయాణికుల రద్దీ ఎక్కువగా ఉంటోంది. అయితే రద్దీని తగ్గించేందుకు వీలుగా గుంటూరు నుంచి తిరుచానూరుకు అక్టోబర్ 13న ప్రత్యేక రైలు నడుపనున్నట్లు సౌత్ కోస్ట్ రైల్వే ప్రకటించింది.

పండుగ సీజన్‌లో సొంతూర్లకు వెళ్లే ప్రయాణికులు, తిరుమల శ్రీవారి దర్శనానికి వెళ్లే భక్తుల సౌకర్యార్థం దక్షిణ కోస్తా రైల్వే మరో కీలక నిర్ణయం తీసుకుంది. గుంటూరు డివిజన్ పరిధి నుంచి తిరుచానూరుకు ఒక ప్రత్యేక వన్‌వే సర్వీస్‌ను అందుబాటులోకి తెచ్చింది.ఈ ప్రత్యేక రైలు 2026 అక్టోబర్ 13వ తేదీ మంగళవారం సాయంత్రం గుంటూరులో బయలుదేరుతుంది. మరుసటి రోజు ఉదయం తిరుచానూరు చేరుకుంటుంది.

గుంటూరు నుంచి తిరుచానూరుకు వన్‌వే స్పెషల్ రైలు

టైమింగ్స్ వివరాలు…

రైలు నంబర్ 07227 ప్రత్యేక రైలు అక్టోబర్ 13న సాయంత్రం 19:15 గంటలకు గుంటూరు జంక్షన్‌లో బయలుదేరుతుంది. ఈ రైలు పల్నాడు, ప్రకాశం, వైఎస్సార్ కడప, అన్నమయ్య, తిరుపతి జిల్లాల మీదుగా ప్రయాణించి అక్టోబర్ 14వ తేదీ ఉదయం 07:30 గంటలకు తిరుచానూరు చేరుకుంటుంది.

• నరసరావుపేట: వచ్చిచేరు వేళ 20:00 / బయలుదేరు వేళ 20:01
• వినుకొండ: 20:29 / 20:30
• దొనకొండ: 20:59 / 21:00
• మార్కాపురం రోడ్: 21:24 / 21:25
• కంభం : 21:49 / 21:50
• గిద్దలూరు: 22:24 / 22:25
• నంద్యాల: 00:30 / 00:35
• బనగానపల్లె: 00:59 / 01:00
• కోయిల్ కుంట్ల: 01:11 / 01:12
• జమ్మలమడుగు: 02:03 / 02:05
• ప్రొద్దుటూరు: 02:23 / 02:25
• ఎర్రగుంట్ల: 02:48 / 02:50
• కమలాపురం: 03:13 / 03:15
• కడప: 03:43 / 03:45
• నందలూరు: 04:18 / 04:20
• రాజంపేట: 04:33 / 04:35
• కోడూరు: 04:58 / 05:00
• రేణిగుంట జంక్షన్: 05:58 / 06:00
• తిరుచానూరు: 07:30 (గమ్యస్థానం)

ఈ ప్రత్యేక రైలులో మొత్తం 22 కోచ్‌లను ఏర్పాటు చేశారు. అందులో 8 ఏసీ కోచ్‌లు 8 స్లీపర్ క్లాస్ కోచ్‌లు, 4 జనరల్ సెకండ్ క్లాస్ కోచ్‌లు మరియు 2 ఎస్‌ఎల్‌ఆర్ కోచ్‌లు అందుబాటులో ఉంటాయి. ప్రయాణికులు తమ ప్రయాణాన్ని ప్రారంభించే ముందు అధికారిక రైల్వే పోర్టల్స్ లేదా విచారణ కేంద్రాల ద్వారా టికెట్ల లభ్యత, రైలు వేళలను సరిచూసుకోవాలని అధికారులు సూచించారు.