బంగాళాఖాతంలో అర్నబ్ అతి తీవ్ర తుపానుగా మారి ఏపీ, ఒడిశా తీరప్రాంతాల వైపు వేగంగా దూసుకొస్తోంది. ఈ నేపథ్యంలో ప్రయాణికుల అత్యవసర భద్రతను దృష్టిలో ఉంచుకుని దక్షిణ కోస్తా రైల్వే పలు కీలక రైలు సర్వీసులను రద్దు చేయడంతో పాటు కొన్ని రైళ్లను పాక్షికంగా రద్దు చేసినట్లు ప్రకటించింది. తీరప్రాంతాల్లో గంటకు 100 నుండి 140 కిలోమీటర్ల వేగంతో ప్రచండ గాలులు వీచే అవకాశం ఉండటంతో, ప్రమాదాలు జరగకుండా ముందస్తు భద్రతా చర్యలలో భాగంగా ఈ నిర్ణయం తీసుకున్నారు.
రద్దయిన రైళ్ల పూర్తి వివరాలు
రైలు నంబర్ 18515 (విశాఖపట్నం - కిరండూల్ నైట్ ఎక్స్‌ప్రెస్): అక్టోబర్ 29, 2026 నుండి నవంబర్ 04, 2026 వరకు రద్దు చేశారు.
రైలు నంబర్ 18516 (కిరండూల్ - విశాఖపట్నం నైట్ ఎక్స్‌ప్రెస్): అక్టోబర్ 29, 2026 నుండి నవంబర్ 04, 2026 వరకు రద్దు అయ్యింది.
రైలు నంబర్ 58538 (విశాఖపట్నం - కొరాపుట్ ప్యాసింజర్): అక్టోబర్ 27, 2026 నుండి అక్టోబర్ 30, 2026 వరకు సర్వీసులు రద్దు.
రైలు నంబర్ 58537 (కొరాపుట్ - విశాఖపట్నం ప్యాసింజర్): అక్టోబర్ 28, 2026 నుండి అక్టోబర్ 31, 2026 వరకు రద్దు చేశారు.
రైలు నంబర్ 18512 (విశాఖపట్నం - కొరాపుట్ ఇంటర్‌సిటీ ఎక్స్‌ప్రెస్): అక్టోబర్ 30, 2026న నడిచే సర్వీసు రద్దు.
రైలు నంబర్ 18511 (కొరాపుట్ - విశాఖపట్నం ఇంటర్‌సిటీ ఎక్స్‌ప్రెస్): అక్టోబర్ 31, 2026న నడిచే సర్వీసు రద్దు చేశారు.
రైలు నంబర్ 58501 (విశాఖపట్నం - కిరండూల్ ప్యాసింజర్): అక్టోబర్ 27, 2026 నుండి అక్టోబర్ 30, 2026 వరకు రద్దు అయ్యింది.
రైలు నంబర్ 58502 (కిరండూల్ - విశాఖపట్నం ప్యాసింజర్): అక్టోబర్ 27, 2026 నుండి అక్టోబర్ 30, 2026 వరకు పూర్తిగా రద్దు చేశారు.
పలు రైళ్లలో మార్పులు
{{/usCountry}}రైలు నంబర్ 58502 (కిరండూల్ - విశాఖపట్నం ప్యాసింజర్): అక్టోబర్ 27, 2026 నుండి అక్టోబర్ 30, 2026 వరకు పూర్తిగా రద్దు చేశారు.
పలు రైళ్లలో మార్పులు
{{/usCountry}}రైలు నంబర్ 18447(భువనేశ్వర్ - జగదల్‌పూర్ హీరాఖండ్ ఎక్స్‌ప్రెస్): అక్టోబర్ 27, 2026 నుండి అక్టోబర్ 30, 2026 మధ్య బయలుదేరే ఈ రైలు రాయగడ వరకు మాత్రమే నడుస్తుంది(రాయగడలోనే నిలిపివేస్తారు).
రైలు నంబర్ 18448 (జగదల్‌పూర్ - భువనేశ్వర్ హీరాఖండ్ ఎక్స్‌ప్రెస్): అక్టోబర్ 28, 2026 నుండి అక్టోబర్ 31, 2026 వరకు ఈ రైలు కొరాపుట్‌కు బదులుగా రాయగడ నుండే తన ప్రయాణాన్ని ప్రారంభిస్తుంది.
తుపాను తీవ్రత దృష్ట్యా ప్రయాణికులకు కలిగిన అసౌకర్యానికి రైల్వే యాజమాన్యం విచారం వ్యక్తం చేసింది. ప్రయాణికులు ఈ మార్పులను గమనించి తమ ప్రయాణ ప్రాణాళికలను మార్చుకోవాలని సూచించింది. ప్రయాణానికి ముందు రైళ్ల సమయాలు, స్టేటస్‌ను సరిచూసుకోవడానికి ప్రయాణికులు 139కు కాల్ చేసి సమగ్ర సమాచారాన్ని పొందవచ్చు.