E-Paper
AP MPTC ZPTC Election Results 2026 : ఎంపీటీసీ, జెడ్పీటీసీ ఎన్నికల తుది ఫలితాలు విడుదల - పార్టీల వారీగా లిస్ట్ ఇదే
జెడ్పీటీసీ, ఎంపీటీసీ ఎన్నికల తుది ఫలితాలను రాష్ట్ర ఎన్నికల సంఘం అధికారికంగా విడుదల చేసింది. టీడీపీ, వైసీ, జనసేన, భాజపాలు సాధించిన స్థానాల పూర్తి వివరాలను పేర్కొంది. తెలుగుదేశం పార్టీ అత్యధికంగా 406 జెడ్పీటీసీలను కైవసం చేసుకుంది.
Prefer HTon Google
AP MPTC ZPTC Election Results 2026 : ఆంధ్రప్రదేశ్ స్థానిక సంస్థల పోరులో అధికార కూటమి ప్రభంజనం సృష్టించింది. ఇటీవల నిర్వహించిన పరిషత్‌ (జెడ్పీటీసీ, ఎంపీటీసీ) ఎన్నికలకు సంబంధించిన తుది ఓట్ల లెక్కింపు ఫలితాలను రాష్ట్ర ఎన్నికల సంఘం ఆదివారం అధికారికంగా విడుదల చేసింది.
రాష్ట్రవ్యాప్తంగా శనివారం నిర్వహించిన ఓట్ల లెక్కింపు ప్రక్రియ ముగియడంతో పార్టీల వారీగా విజేతల వివరాలను ఈసీ వెల్లడించింది. జెడ్పీటీసీ ఫలితాల్లో తెలుగుదేశం పార్టీ అత్యధిక స్థానాలను కైవసం చేసుకుంది.
రాష్ట్రంలో మొత్తం 582 జడ్పీటీసీ స్థానాలకు పోలింగ్ నిర్వహించగా, తెలుగుదేశం పార్టీ అత్యధిక స్థానాలను కైవసం చేసుకుని ఏకపక్ష విజయాన్ని నమోదు చేసింది. ఇక ప్రతిపక్ష వైసీపీ 76 స్థానాలను గెలుచుకుంది. ఇక కూటమిలో భాగమైన జనసేన పార్టీ… 73 స్థానాల్లో, బీజేపీ 20 స్థానాల్లో పాగా వేసింది.
- తెలుగుదేశం పార్టీ : 406 స్థానాలు
- వైఎస్సార్ కాంగ్రెస్ పార్టీ (YCP): 76 స్థానాలు
- జనసేన పార్టీ: 73 స్థానాలు
- భారతీయ జనతా పార్టీ: 20 స్థానాలు
- స్వతంత్రులు: 06 స్థానాలు
- సీపీఐ (ఎం): 01 స్థానం
ఎంపీటీసీ స్థానాల్లోనూ కూటమి జోరు..
రాష్ట్రవ్యాప్తంగా పోలింగ్ జరిగిన 7,768 ఎంపీటీసీ స్థానాల్లోనూ అధికార పార్టీలు తమ బలాన్ని నిరూపించుకున్నాయి. తెలుగుదేశం పార్టీ 4 వేలకుపైగా స్థానాలను గెలుచుకోగా… ప్రతిపక్ష వైసీపీ 1711 స్థానాలను కైవసం చేసుకుంది.
- తెలుగుదేశం పార్టీ: 4,806 స్థానాలు
- వైఎస్సార్ కాంగ్రెస్ పార్టీ: 1,711 స్థానాలు
- జనసేన పార్టీ: 938 స్థానాలు
- భారతీయ జనతా పార్టీ: 117 స్థానాలు
- స్వతంత్రులు: 169 స్థానాలు
- సీపీఐ (ఎం): 15 స్థానాలు
- కాంగ్రెస్ పార్టీ: 09 స్థానాలు
- బహుజన్ సమాజ్ పార్టీ (BSP): 03 స్థానాలు
గ్రామీణ ప్రాంతాల్లో ప్రజలు కూటమి పాలన పట్ల పూర్తి విశ్వాసం వ్యక్తం చేశారని పార్టీ ముఖ్య నేతలు వ్యాఖ్యానించారు. ఫలితాల ప్రకటన అనంతరం విజేతలు, ఆయా పార్టీల మద్దతుదారులు సంబరాలు జరుపుకున్నారు.
