శ్రీవేంకటేశ్వర స్వామివారి దివ్యక్షేత్రమైన తిరుమలలోని ప్రధాన జలాశయాల్లో నీటి నిల్వలు క్రమంగా పెరుగుతున్నాయి. కొండపైన ఉన్న ఐదు ప్రధాన డ్యామ్‌లలోకి శుక్రవారం నాటికి మొత్తం 61.68 లక్షల గ్యాలన్ల నీరు కొత్తగా వచ్చి చేరిందని తిరుమల తిరుపతి దేవస్థానం (తితిదే) జలమండలి అధికారులు వెల్లడించారు.
స్వామివారి దర్శనార్థం తిరుమలకు విచ్చేసే వేలాది మంది భక్తుల తాగునీటి, ఇతర అవసరాలను తీర్చడానికి తిరుమలలోని పాపవినాశనం, గోగర్భం, ఆకాశగంగ, కుమారధార, పసుపుధార జలాశయాలే ప్రధాన ఆధారం. శుక్రవారం ఉదయం నాటికి లెక్కించిన నివేదికల ప్రకారం.. ఈ ఐదు డ్యామ్‌లలో కలిపి ఒకే రోజు 21.60 లక్షల గ్యాలన్ల నీటిని వివిధ అవసరాలకు వినియోగించగా, ఇంకా 40.08 లక్షల గ్యాలన్ల నీరు అదనంగా నిల్వ ఉంది.
పాపవినాశనం డ్యామ్ :
తిరుమలలోనే అతిపెద్దదైన పాపవినాశనం డ్యామ్ పూర్తి నిల్వ సామర్థ్యం 5,240.00 లక్షల గ్యాలన్లు.
- నిన్నటి వరకు ఉన్న నిల్వ: 2,667.39 లక్షల గ్యాలన్లు
- ప్రస్తుతం ఉన్న నీటి నిల్వ: 2,688.35 లక్షల గ్యాలన్లు
- పెరిగిన నీరు: 20.96 లక్షల గ్యాలన్లు
- రోజువారీ వినియోగం: 14.10 లక్షల గ్యాలన్లు
- వినియోగం పోగా మిగులు నీరు: 6.86 లక్షల గ్యాలన్లు
గోగర్భం డ్యామ్ :
- గోగర్భం జలాశయం పూర్తి నిల్వ సామర్థ్యం 2,833.10 లక్షల గ్యాలన్లు.
- నిన్నటి వరకు ఉన్న నిల్వ: 499.06 లక్షల గ్యాలన్లు
- ప్రస్తుతం ఉన్న నీటి నిల్వ: 508.31 లక్షల గ్యాలన్లు
- పెరిగిన నీరు: 9.25 లక్షల గ్యాలన్లు
- రోజువారీ వినియోగం: 7.50 లక్షల గ్యాలన్లు
- వినియోగం పోగా మిగులు నీరు: 1.75 లక్షల గ్యాలన్లు
ఆకాశగంగ డ్యామ్ :
- పవిత్రమైన ఆకాశగంగ జలాశయం నిల్వ సామర్థ్యం 685.00 లక్షల గ్యాలన్లు.
- నిన్నటి వరకు ఉన్న నిల్వ: 24.07 లక్షల గ్యాలన్లు
- ప్రస్తుతం ఉన్న నీటి నిల్వ: 30.40 లక్షల గ్యాలన్లు
- పెరిగిన నీరు: 6.33 లక్షల గ్యాలన్లు
- రోజువారీ వినియోగం: 0.00 లక్షల గ్యాలన్లు
- మిగులు నీరు: 6.33 లక్షల గ్యాలన్లు
కుమారధార డ్యామ్ :
- కుమారధార జలాశయం నిల్వ సామర్థ్యం 4,259.01 లక్షల గ్యాలన్లు.
- నిన్నటి వరకు ఉన్న నిల్వ: 338.84 లక్షల గ్యాలన్లు
- ప్రస్తుతం ఉన్న నీటి నిల్వ: 363.98 లక్షల గ్యాలన్లు
- పెరిగిన నీరు: 25.14 లక్షల గ్యాలన్లు
- రోజువారీ వినియోగం: 0.00 లక్షల గ్యాలన్లు
- మిగులు నీరు: 25.14 లక్షల గ్యాలన్లు
పసుపుధార డ్యామ్ :
- పసుపుధార జలాశయం నిల్వ సామర్థ్యం 1,287.54 లక్షల గ్యాలన్లు.
- నిన్నటి వరకు ఉన్న నిల్వ: 24.38 లక్షల గ్యాలన్లు
- ప్రస్తుతం ఉన్న నీటి నిల్వ: 24.38 లక్షల గ్యాలన్లు
- పెరిగిన నీరు: 0.00 లక్షల గ్యాలన్లు
- రోజువారీ వినియోగం: 0.00 లక్షల గ్యాలన్లు
- మిగులు నీరు: 0.00 లక్షల గ్యాలన్లు
మొత్తంగా ఐదు జలాశయాల్లో కలిపి ఒకే రోజులో 61.68 లక్షల గ్యాలన్ల నీరు పెరగ్గా, అందులో 21.60 లక్షల గ్యాలన్ల నీటిని వినియోగించారు. ప్రస్తుతం 40.08 లక్షల గ్యాలన్ల నీరు మిగులుగా ఉంది. ఆకాశగంగ డ్యామ్ పరిధిలో 8 మిల్లీమీటర్ల వర్షపాతం నమోదైంది.
{{/usCountry}}మొత్తంగా ఐదు జలాశయాల్లో కలిపి ఒకే రోజులో 61.68 లక్షల గ్యాలన్ల నీరు పెరగ్గా, అందులో 21.60 లక్షల గ్యాలన్ల నీటిని వినియోగించారు. ప్రస్తుతం 40.08 లక్షల గ్యాలన్ల నీరు మిగులుగా ఉంది. ఆకాశగంగ డ్యామ్ పరిధిలో 8 మిల్లీమీటర్ల వర్షపాతం నమోదైంది.
{{/usCountry}}శ్రీవారి సాలకట్ల బ్రహ్మోత్సవాల సమయంలో 7.02 లక్షల గ్యాలన్లు, నవరాత్రి బ్రహ్మోత్సవాల సమయంలో 148.48 లక్షల గ్యాలన్ల నీరు అదనంగా జలాశయాల్లోకి వచ్చి చేరింది. అక్టోబర్ 23వ తేదీ నాటికి తిరుమల జలాశయాల్లో మొత్తం 244.46 లక్షల గ్యాలన్ల నీరు అదనంగా చేరింది.
బ్రహ్మోత్సవాల వేళ తిరుమలతో పాటు పరిసర ప్రాంతాల్లో కుండపోత వర్షాలు కురిశాయి. దీంతో డ్యామ్ ల్లోకి అదనంగా వచ్చి నేరు చేరటంతో నీటి మట్టం పెరిగింది. ఎల్ నినో వంటి సమయంలో నీటిమట్టం పెరగటంపై అధికారులతో పాటు భక్తులు హర్షం వ్యక్తం చేస్తున్నారు.