కొడుకును కూతురిలా చూసుకునే డిఫరెంట్ ఫాదర్, రాజమౌళిలా అతనికి అన్ని క్రాఫ్ట్స్‌పై పట్టుంది: రాజీవ్ కనకాల కామెంట్స్

తెలుగులో నటుడిగా మంచి పేరు తెచ్చుకున్నారు రాజీవ్ కనకాల. టాలీవుడ్‌లో ఎన్నో సినిమాలతో మెప్పించిన ఆయన నటించిన మరో లేటెస్ట్ మూవీ లవ్ ఓటీపీ. రాజీవ్ కనకాల ప్రధాన పాత్ర పోషించిన లవ్ ఓటీపీ మూవీ ట్రైలర్‌ను ఇవాళ రిలీజ్ చేశారు. ఈ సందర్భంగా నిర్వహించిన ఈవెంట్‌లో రాజీవ్ కనకాల ఇంట్రెస్టింగ్ కామెంట్స్ చేశారు.

శ్రీమతి. పుష్ప మణిరెడ్డి సమర్పణలో భావప్రీత ప్రొడక్షన్స్ బ్యానర్ మీద విజయ్ ఎం రెడ్డి నిర్మించిన సరికొత్త తెలుగు సినిమా లవ్ ఓటీపీ. ఈ సినిమాలో అనీష్ హీరోగా చేయడంతోపాటు స్వీయ దర్శకత్వం వహించారు. అలాగే, లవ్ ఓటీపీ సినిమాలో ప్రముఖ నటుడు రాజీవ్ కనకాల ప్రధాన పాత్రలో నటించారు.

కొడుకును కూతురిలా చూసుకునే డిఫరెంట్ ఫాదర్, రాజమౌళిలా అతనికి అన్ని క్రాఫ్ట్స్‌పై పట్టుంది: రాజీవ్ కనకాల కామెంట్స్

లవ్ ఓటీపీ ట్రైలర్ లాంచ్ ఈవెంట్

వీరితోపాటు జాన్విక, నాట్య రంగ వంటి వారు కీలక పాత్రల్ని పోషించారు. లవ్ ఓటీపీ సినిమాను నవంబర్ 14న థియేటర్లలో రిలీజ్ చేయనున్నారు. ఈ మేరకు బుధవారం అంటే ఇవాళ (అక్టోబర్ 22) ‘లవ్ ఓటీపీ’ ట్రైలర్‌ను రిలీజ్ చేశారు. ఈ క్రమంలో నిర్వహించిన లవ్ ఓటీపీ ట్రైల్ లాంచ్ ఈవెంట్‌లో నటుడు రాజీవ్ కనకాల ఇంట్రెస్టింగ్ కామెంట్స్ చేశారు.

పగలబడి నవ్వుకునేలా ఉంటుంది

రాజీవ్ కనకాల మాట్లాడుతూ .. "‘లవ్ ఓటీపీ’ చిత్రాన్ని తెలుగు, కన్నడ భాషల్లో చిత్రీకరించాం. ఈ ప్రయాణంలో నన్ను అనీష్, అతని టీం మెంబర్స్ ఎంతో సపోర్ట్ చేశారు. ఇందులో నేను తండ్రి పాత్రను పోషించాను. కొడుకుని కూతురిలా చూసుకునే ఓ డిఫరెంట్ ఫాదర్ కారెక్టర్‌ను చేశాను. థియేటర్లో అందరూ ఎంజాయ్ చేసేలా, పగలబడి నవ్వుకునేలా ఈ చిత్రం ఉంటుంది" అని అన్నారు.

జాన్వికకి మంచి ఫ్యూచర్

"భావప్రీత బ్యానర్ మీద విజయ్ గారు ఈ మూవీని భారీ ఎత్తున నిర్మించారు. అనీష్ గారు తెలుగు ఇండస్ట్రీలోకి అడుగు పెట్టారు. జాన్వికకి తెలుగులో మంచి ఫ్యూచర్ ఉంటుంది. ఆనంద్ గారి మ్యూజిక్ చాలా బాగుంటుంది. నా సినిమాలకు, రోషన్ చిత్రాలకు మ్యూజిక్ చేసే అవకాశాన్ని ఆనంద్‌కు ఇస్తానని మాటిస్తున్నాను" అని రాజీవ్ కనకాల చెప్పారు.

బాబా భాస్కర్‌లో చాలా ఎనర్జీ

"హర్ష గారి విజువల్స్ అద్భుతంగా వచ్చాయి. ప్రవీణ్ గారు ఈ మూవీని చాలా బాగా మార్కెటింగ్ చేస్తున్నారు. నాట్య రంగ అద్భుతమైన నటుడు. బాబా భాస్కర్‌లో చాలా ఎనర్జీ ఉంటుంది. అనీష్ ఈ మూవీని ఇష్టపడి, కష్టపడి చేశాడు" అని నటుడు రాజీవ్ కనకాల తెలిపారు.

అన్ని క్రాఫ్ట్‌ల మీద పట్టు

"రాజమౌళిలా అన్ని క్రాఫ్ట్‌ల మీద పట్టున్న అనీష్‌కు మంచి పేరు రావాలి. నవంబర్ 14న ఈ చిత్రం రాబోతోంది. అందరూ తప్పకుండా లవ్ ఓటీపీ సినిమా చూసి సక్సెస్ చేయాలని కోరుకుంటున్నాను" అని తన స్పీచ్ ముగించారు రాజీవ్ కనకాల.

లవ్, మాస్ సాంగ్స్ బాగుంటాయి

ఇదే ఈవెంట్‌లో నటుడు, కొరియోగ్రాఫర్ బాబా భాస్కర్ మాట్లాడుతూ .. "‘లవ్ ఓటీపీ’లో నన్ను నమ్మి అవకాశం ఇచ్చిన అనీష్ గారికి థాంక్స్. నిర్మాత గారు మాకు ఎంతో సపోర్ట్ చేశారు. ఇందులో లవ్, మాస్ సాంగ్స్ ఇలా అన్నీ బాగుంటాయి. ఈ చిత్రం చాలా బాగా వచ్చింది. నవంబర్ 14న ఈ మూవీ రాబోతోంది. అందరూ చూసి సపోర్ట్ చేయండి" అని అన్నారు.