ఓటీటీలోకి ఇవాళ వచ్చేసిన తెలుగు లవ్ ఎమోషనల్ మూవీ- మనసుకు హత్తుకునేలా తండ్రికొడుకుల బంధం, మధ్యలో అమ్మాయి ప్రేమ-ఎక్కడంటే?

ఓటీటీలోకి ఇవాళ తెలుగు లవ్ ఎమోషనల్ డ్రామా చిత్రం రైడర్ స్ట్రీమింగ్‌కు వచ్చేసింది. మనసుకు హత్తుకునేలా తండ్రి కొడుకుల బంధం మధ్యలోకి ఓ అమ్మాయి వస్తే ఎలా ఉంటుందనే కాన్సెప్ట్‌తో రైడర్ తెరకెక్కింది. అతి తక్కువ నిడివితో వచ్చిన రైడర్ ఓటీటీ రిలీజ్ ప్లాట్‌ఫామ్ ఏంటో ఇక్కడ తెలుసుకుందాం.

ఓటీటీలోకి తెలుగు కంటెంట్ సినిమాలు కూడా ఎక్కువగానే స్ట్రీమింగ్ అవుతున్నాయి. రొమాంటిక్, లవ్, డ్రామా, కామెడీ, సస్పెన్స్ థ్రిల్లర్స్, క్రైమ్ థ్రిల్లర్స్, హారర్, ఫ్యామిలీ ఎమోషనల్ ఇలా అన్ని రకాల జోనర్లలో ఓటీటీ తెలుగు సినిమాలు ప్రతి వారం చాలానే వస్తున్నాయి. దీంతో తెలుగు ఓటీటీ ఆడియెన్స్‌ మరింత ఆసక్తి చూపిస్తున్నారు.

ఓటీటీలోకి ఇవాళ వచ్చేసిన తెలుగు లవ్ ఎమోషనల్ మూవీ- మనసుకు హత్తుకునేలా తండ్రికొడుకుల బంధం, మధ్యలో అమ్మాయి ప్రేమ-ఎక్కడంటే?

ఎమోషనల్ ఫ్యామిలీ అడ్వెంచర్ రొమాంటిక్ డ్రామా

ఇక తాజాగా ఇవాళ (అక్టోబర్ 19) ఓటీటీలోకి వచ్చేసిన సరికొత్త తెలుగు మూవీ రైడర్. లవ్ ఎమోషనల్ ఫ్యామిలీ అడ్వెంచర్ రొమాంటిక్ డ్రామాగా రైడర్ సినిమాను తెరకెక్కించారు. ఈ సినిమాకు కిశోర్ గుణన దర్శకత్వం వహించారు. కొత్తప్లి సురేష్ రైడర్ సినిమాను నిర్మించారు. కథ గని పిక్చర్స్ బ్యానర్‌పై రైడర్ చిత్రాన్ని రూపొందించారు.

తండ్రి కొడుకు మధ్యలో అమ్మాయి

శశాంక్ తిరుపతి సంగీతం అందించిన రైడర్ సినిమాలో రావణ్ రెడ్డి నిట్టూరు, మేఘన, శ్రీనివాస్ గడ్డం ప్రధాన పాత్రలు పోషించారు. ఓ తండ్రి కొడుకు, మధ్యలో అమ్మాయి అనే కాన్సెప్ట్‌తో తెరకెక్కించినట్లు రైడర్ మూవీ ట్రైలర్ చూస్తుంటే తెలుస్తుంది. ఈ సినిమాలో హీరో ఒక రైడర్. బైక్‌పై పలు విధాలుగా అడ్వెంచర్స్ చేస్తుంటాడు.

మనసుకు హత్తుకునే సీన్లు

హీరోకు తండ్రి అంటే చాలా ఇష్టమని ట్రైలర్‌లో చూపించిన డైలాగ్స్ ద్వారా అర్థం అవుతోంది. మనసుకు హత్తుకునేలా తండ్రికొడుకుల బంధం ఉంటుందని తెలుస్తోంది. ఈ క్రమంలో హీరో జీవితంలో ఓ అమ్మాయి వస్తుంది. ఆ అమ్మాయితో ప్రేమలో పడిన హీరో సంతోషంగా ఉంటాడు.

ఇంట్రెస్టింగ్ అండ్ ఎమోషనల్‌గా

ఆ తర్వాత ఏమైంది? హీరో తండ్రి బంధం ఏమైంది? అమ్మాయి వల్ల ఏర్పడిన పరిస్థితులు ఏంటీ? ఆ అమ్మాయి ఎవరు? వంటి ఇంట్రెస్టింగ్ అండ్ ఎమోషనల్ సీన్స్‌తో రైడర్ సాగినట్లు తెలుస్తోంది. ఇకపోతే ఇవాళ్టీ (అక్టోబర్ 19) నుంచి రైడర్ ఓటీటీ స్ట్రీమింగ్ అవుతోంది.

రైడర్ ఓటీటీ రిలీజ్

ప్రముఖ తెలుగు డిజిటల్ స్ట్రీమింగ్ ప్లాట్‌ఫామ్ ఈటీవీ విన్‌లో రైడర్ ఓటీటీ రిలీజ్ అయింది. కేవలం 29 నిమిషాల 19 సెకన్ల రన్ టైమ్‌ ఉన్న రైడర్ సినిమాను చూడటం మంచి ఆప్షన్ అని చెప్పొచ్చు. ఇక రైడర్ మూవీని ఈటీవీ విన్ ప్రతివారం ఓటీటీ స్ట్రీమింగ్ చేసే కథా సుధా వీక్లీ సిరీస్‌లో భాగంగా ప్రీమియర్ చేశారు.

ఈటీవీ విన్ కథా సుధా 4 టేల్స్

ఈ ఈటీవీ విన్ కథా సుధాలో కూడా గత వారం నుంచి 4 టేల్స్ అంటూ నాలుగు సినిమాలను అందిస్తున్నారు. గతవారం మాస్క్ ఓటీటీ రిలీజ్ కాగా.. ఈ వారం రైడర్ ఓటీటీ స్ట్రీమింగ్ అవుతోంది. మరో వారం చొప్పున ఇంకో రెండు సినిమాలను ఓటీటీ ప్రీమియర్ చేయనున్నారు.