Bigg Boss Tanya Mittal Entry To Television: బిగ్ బాస్ హౌస్లో తన బోల్డ్ పర్సనాలిటీతో పాపులర్ అయిన తాన్య మిట్టల్ ఇప్పుడు ఫిక్షన్ డ్రామాలోకి అడుగుపెట్టారు. ఏక్తా కపూర్కు చెందిన 'బాలాజీ టెలిఫిల్మ్స్' నిర్మిస్తున్న కొత్త సీరియల్ షూటింగ్లో తాన్య జాయిన్ అయ్యారు. అంటే, బుల్లితెరపై ఎంట్రీ ఇవ్వనుంది బిగ్ బాస్ బ్యూటీ తాన్య మిట్టల్.
షూటింగ్ సెట్స్లోని
ఈ విషయాన్ని తాన్య మిట్టల్ స్వయంగా తన సోషల్ మీడియా వేదికగా అభిమానులతో పంచుకున్నారు. షూటింగ్ సెట్స్లోని తన వానిటీ వ్యాన్ నుంచి ఒక వీడియోను షేర్ చేస్తూ, తన ఆనందాన్ని వ్యక్తం చేశారు తాన్యా మిట్టల్.
"బాలాజీ సంస్థతో నా మొదటి షో షూటింగ్ మొదలైంది. ఇది చాలా భిన్నమైన అనుభూతి. స్టార్డమ్ వచ్చింది, ఇప్పుడు నా మొదటి ప్రాజెక్ట్ కూడా పట్టాలెక్కింది. నా హార్డ్ వర్క్ కంటే కూడా నా అభిమానుల కల ఇది. అందుకే అందరికీ కంగ్రాట్యులేషన్స్" అని తాన్యా మిట్టల్ తన వీడియోలో పేర్కొన్నారు.
ఏక్తా కపూర్ ఇచ్చిన మాట.. నెరవేరిన కల
తాన్యాకు ఈ అవకాశం రావడం వెనుక ఒక ఆసక్తికరమైన నేపథ్యం ఉంది. సల్మాన్ ఖాన్ హోస్ట్గా చేసిన బిగ్ బాస్ 19 సీజన్ నడుస్తున్న సమయంలో.. 'నాగిన్ 7' ప్రమోషన్ కోసం నిర్మాత ఏక్తా కపూర్ హౌస్లోకి వెళ్లారు. ఆ సమయంలో తాన్యా మిట్టల్, అమాల్ మాలిక్ నటనపై ఏక్తా ప్రశంసలు కురిపించడమే కాకుండా, తన తదుపరి ప్రాజెక్టుల్లో వారికి అవకాశం ఇస్తానని ప్రామిస్ చేశారు.
అప్పుడు ఏక్తా కపూర్ ఇచ్చిన ఆ మాటే ఇప్పుడు నిజమైంది. దీనిపై తాన్యా స్పందిస్తూ, తనకు ఈ అవకాశం ఇచ్చిన ఏక్తా మేడమ్కు ప్రత్యేక కృతజ్ఞతలు తెలిపారు. అంటే తాన్యా మిట్టల్కు ఇచ్చిన మాటను నిర్మాత ఏక్తా కపూర్ నిలబెట్టుకున్నారు.
బిగ్ బాస్ 19లో టాప్ కంటెస్టెంట్గా
{{/usCountry}}అప్పుడు ఏక్తా కపూర్ ఇచ్చిన ఆ మాటే ఇప్పుడు నిజమైంది. దీనిపై తాన్యా స్పందిస్తూ, తనకు ఈ అవకాశం ఇచ్చిన ఏక్తా మేడమ్కు ప్రత్యేక కృతజ్ఞతలు తెలిపారు. అంటే తాన్యా మిట్టల్కు ఇచ్చిన మాటను నిర్మాత ఏక్తా కపూర్ నిలబెట్టుకున్నారు.
బిగ్ బాస్ 19లో టాప్ కంటెస్టెంట్గా
{{/usCountry}}ఇకపోతే బిగ్ బాస్ 19వ సీజన్లో తాన్యా ప్రయాణం ఎంతో ఉత్కంఠభరితంగా సాగింది. హౌస్లో జరిగిన గొడవలు, హై-వోల్టేజ్ డ్రామాలో ఆమె పేరు ప్రముఖంగా వినిపించేది. బలమైన వ్యక్తిత్వం కలిగిన కంటెస్టెంట్గా గుర్తింపు తెచ్చుకున్న ఆమె, ప్రేక్షకుల్లో మంచి ఫాలోయింగ్ సంపాదించుకున్నారు.
బిగ్ బాస్ హిందీ 19 సీజన్లో టాప్ 4 కంటెస్టెంట్లలో ఒకరిగా నిలిచి టైటిల్ రేసులో గట్టి పోటీ ఇచ్చారు తాన్య మిట్టల్. చివరకు గౌరవ్ ఖన్నా విన్నర్గా నిలిచినప్పటికీ, తాన్యా మాత్రం ఏక్తా కపూర్ కళ్లలో పడి తన కెరీర్ను మలుపు తిప్పుకున్నారు.
సీరియల్పై భారీ అంచనాలు
ప్రస్తుతం ఈ ప్రాజెక్ట్ పేరు ఇంకా వెల్లడి కాలేదు. కానీ, బాలాజీ టెలిఫిల్మ్స్ బ్యానర్లో ఈ సీరియల్ వస్తుండటంతో భారీ అంచనాలు నెలకొన్నాయి. తన నటనతో ప్రేక్షకులను మెప్పించి, అభిమానులు గర్వపడేలా చేస్తానని తాన్యా ఈ సందర్భంగా హామీ ఇచ్చారు.
తరచుగా అడిగే ప్రశ్నలు (FAQs)
1. తాన్యా మిట్టల్ నటిగా ఏ షోతో ఎంట్రీ ఇస్తున్నారు?
తాన్యా మిట్టల్ ఏక్తా కపూర్కు చెందిన 'బాలాజీ టెలిఫిల్మ్స్' నిర్మాణంలో రూపొందుతున్న ఇంకా పేరు నిర్ణయించని కొత్త షోతో నటిగా పరిచయమవుతున్నారు.
2. తాన్యాకు ఏక్తా కపూర్ ఎప్పుడు అవకాశం ఇచ్చారు?
బిగ్ బాస్ 19వ సీజన్ నడుస్తున్నప్పుడు ఏక్తా కపూర్ గెస్ట్గా హౌస్లోకి వెళ్లిన సమయంలో, తాన్యా మిట్టల్ ప్రతిభను చూసి తన షోలో అవకాశం ఇస్తానని ప్రకటించారు.
3. బిగ్ బాస్ 19వ సీజన్ విజేత ఎవరు?
బిగ్ బాస్ 19వ సీజన్ టైటిల్ను గౌరవ్ ఖన్నా గెలుచుకోగా, తాన్యా మిట్టల్ టాప్ 4 కంటెస్టెంట్గా నిలిచారు.
4. తాన్యా కొత్త షో ఏ ఛానల్లో రానుంది?
ప్రస్తుతానికి షూటింగ్ ప్రారంభమైంది, ఈ షోకు సంబంధించిన పేరు, ప్రసారమయ్యే ఛానల్ వివరాలను త్వరలోనే అధికారికంగా వెల్లడించనున్నారు.