బిగ్ బాస్ ఓటింగ్‌లో దూసుకుపోతున్న సీరియల్ హీరోయిన్- అట్టడుగున పచ్చళ్ల పాప- డేంజర్‌లో ఆ నటుడు- ఈ వారం ఎలిమినేట్ ఎవరంటే?

బిగ్ బాస్ 9 తెలుగు సీజన్ జోరుగా సాగిపోతుంది. వైల్డ్ కార్డ్ ఎంట్రీల తర్వాత మరింత ఊపందుకుందు బిగ్ బాస్ తెలుగు 9. అయితే, ఈ వారం నామినేషన్స్‌లో 8 మంది ఉండగా.. వారిలో బిగ్ బాస్ ఓటింగ్‌లో సీరియల్ హీరోయిన్ తనూజ పుట్టస్వామి టాప్ 1 ప్లేసులో దూసుకుపోతోంది. మరి ఈ వారం ఎలిమినేట్ అయ్యేది ఎవరో చూద్దాం.

బిగ్ బాస్ 9 తెలుగు సీజన్ రంజుగా సాగుతోంది. అరుపులు, గొడవలు, కేకలతో మరింత జోరుగా సాగుతోంది. వైల్డ్ కార్డ్స్ ఎంట్రీల తర్వాత బిగ్ బాస్ తెలుగు సీజన్ 9 మరింత ఊపందకుంది. ప్రస్తుతం బిగ్ బాస్ హౌజ్‌లో 15 మంది వరకు కంటెస్టెంట్స్ ఉన్నారు. వారిలో ఒకరు ఈ వారం ఎలిమినేట్ అయ్యేందుకు నామినేషన్స్ నిర్వహించారు.

బిగ్ బాస్ ఓటింగ్‌లో దూసుకుపోతున్న సీరియల్ హీరోయిన్- అట్టడుగున పచ్చళ్ల పాప- డేంజర్‌లో ఆ నటుడు- ఈ వారం ఎలిమినేట్ ఎవరంటే?

బిగ్ బాస్ నామినేషన్స్‌లో 8 మంది

బిగ్ బాస్ తెలుగు 9 ఏడో వారం నామినేషన్స్‌లో మొత్తంగా 8 మంది నామినేట్ అయ్యారు. వారిలో రీతూ చౌదరి, శ్రీనివాస్ సాయి, తనూజ పుట్టస్వామి, రాము రాథోడ్, కల్యాణ్ పడాల, రమ్య మోక్ష, సంజన గల్రాని, దివ్య నిఖితా ఉన్నారు. వీరికి నామినేషన్స్ ముగిసిన అనంతరం ఓటింగ్ పోల్స్ ప్రారంభించారు.

బిగ్ బాస్ ఓటింగ్‌లో టాప్ 1

అలా పెట్టిన బిగ్ బాస్ తెలుగు 9 ఈ వారం ఓటింగ్‌లో సీరియల్ హీరోయిన్ తనూజ గౌడ అలియాస్ తనూజ పుట్టస్వామి దూసుకుపోతోంది. 36.9 శాతం ఓటింగ్, 16,128 ఓట్లతో తనూజ టాప్ 1 ప్లేసులో దంచికొడుతోంది. ఆమె తర్వాత రెండో స్థానంలో 21.29 శాతం ఓటింగ్ (9,306 ఓట్లు)తో కల్యాణ్ పడాల నిలిచాడు.

ఒక్కొక్కరి ఓటింగ్ శాతాలు, ప్లేసులు

ఇక మూడో ప్లేసులో హీరోయిన్ సంజన గల్రాని 9.99 శాతం ఓటింగ్ (4,365 ఓట్ల)తో ఉంది. వీరి తర్వాత దివ్య నిఖితా 9.95 శాతం ఓటింగ్ (4,347 ఓట్లు)తో నాలుగో స్థానంలో, 7.94 శాతం ఓటింగ్ (3470 ఓట్లు)తో ఐదో ప్లేసులో రాము రాథోడ్, ఆరో స్థానంలో 6.7 శాతం ఓటింగ్ (2,930 ఓట్లు)తో రీతూ చౌదరి ఉన్నారు.

డేంజర్ జోన్‌లో ఇద్దరు

అయితే, చివరి రెండు స్థానాలు అయిన డేంజర్ జోన్‌లో తెలుగు సినిమాల నటుడు సాయి శ్రీనివాస, అలేఖ్య చిట్టి పికిల్స్‌తో పాపులర్ అయిన పచ్చళ్ల పాప రమ్య మోక్ష ఉన్నారు. 4.12 శాతం ఓటింగ్ (1,801 ఓట్లు)తో ఏడో స్థానంలో సాయి శ్రీనివాస ఉంటే.. అట్టడుగున 8వ ప్లేసులో 3.11 శాతం ఓటింగ్, 1360 ఓట్లతో రమ్య మోక్ష ఉంది.

ఎలిమినేట్ అయ్యే ఛాన్స్

ఇక బిగ్ బాస్ 9 తెలుగు ఏడో వారం ఎలిమినేషన్‌కు దగ్గరిగా సాయి శ్రీనివాస్, రమ్య మోక్ష ఇద్దరు ఉన్నారు. వీరిలో ఈ వారం రమ్య మోక్ష ఎలిమినేట్ అయ్యే అవకాశం ఉంది. అయితే, ఈ ఓటింగ్‌లో ఏదైనా మార్పులు జరిగితే ఎలిమినేషన్‌లోకి మరొకరు వచ్చి ఇంటి నుంచి అవుట్ అయ్యే ఛాన్స్ కూడా ఉంది.