E-Paper
Bigg Boss Telugu 10: ఇదెక్కడి ట్విస్ట్ మావ-బిగ్ బాస్ ఓటింగ్ లో రోహిత్ ను దాటేసిన టెంపర్ వంశీ-డేంజర్ జోన్లో టాప్ ప్లేయర్!
Bigg Boss Telugu 10: బిగ్ బాస్ తెలుగు 10వ సీజన్ ఎనిమిదో వారం ఓటింగ్ ట్రెండ్స్ ఆసక్తికరంగా మారాయి. ఎప్పుడూ టాప్‌లో ఉండే రోహిత్‌కు టెంపర్ వంశీ గట్టి పోటీ ఇస్తూ ఓటింగ్‌లో దూసుకుపోతున్నాడు. టాప్ కంటెస్టెంట్లలో ఒకరు ఈ వారం డేంజర్ జోన్లో కొనసాగుతున్నారు. ఎలిమినేషన్ కు దగ్గరగా నిలిచారు.
Prefer HTon Google
Bigg Boss Telugu 10: బిగ్ బాస్ తెలుగు సీజన్ 10 విజయవంతంగా ఎనిమిదో వారంలోకి అడుగుపెట్టింది. గత వారం ఊహించని విధంగా దక్షి, షాలిని డబుల్ ఎలిమినేషన్ కావడంతో హౌస్‌లో టెన్షన్ వాతావరణం నెలకొంది. ఇక ఈ వారం నామినేషన్స్ ప్రక్రియ సరికొత్తగా సాగింది. గోట్ (GOAT) లెవల్‌లో ఉన్న కంటెస్టెంట్లకు జడ్జీల బాధ్యతలు అప్పగించడంతో నామినేషన్స్ రసవత్తరంగా మారాయి.
టెంపర్ వంశీ దూకుడు
ఈ బిగ్ బాస్ తెలుగు 10 సీజన్‌లో మొదటి నుంచి రోహిత్ తనకంటూ ఒక సెపరేట్ ఫ్యాన్ బేస్ క్రియేట్ చేసుకుని ఓటింగ్‌లో తన సత్తా చాటుతున్నాడు. అయితే, ఎనిమిదో వారం నామినేషన్స్‌లో పెద్ద ట్విస్ట్ చోటుచేసుకుంది. ఎప్పుడూ టాప్ ప్లేస్‌లో ఉండే రోహిత్‌ను దాటేసి టెంపర్ వంశీ అనూహ్యంగా దూసుకుపోతున్నాడు.
త్రిగుణ్ మాస్టర్ మైండ్
టెంపర్ వంశీకి ఓటింగ్ పెరగడం వెనుక బిగ్ బాస్ ఇంట్లోని మాస్టర్ మైండ్ త్రిగుణ్ వ్యూహం ఉన్నట్లు స్పష్టమవుతోంది. గ్రీన్ లెవల్‌లో ఉండి ఈ వారం నామినేషన్స్ నుంచి త్రిగుణ్ సేఫ్ అయ్యాడు. అతను నామినేషన్స్‌లో లేకపోవడంతో త్రిగుణ్ ఫ్యాన్స్ అంతా ఇప్పుడు వంశీకి మద్దతుగా నిలుస్తున్నారు. దీంతో వంశీ ఓటింగ్ గ్రాఫ్ అమాంతం పెరిగిపోయి, ఏకంగా రోహిత్‌ను బీట్ చేసే స్థాయికి చేరుకుంది.
డేంజర్ జోన్లో వర్షిణి
బిగ్ బాస్ హౌస్‌లో తనకంటూ ఒక గుర్తింపు తెచ్చుకోవడానికి ప్రయత్నిస్తున్న వర్షిణికి ఈ వారం గట్టి ఎదురుదెబ్బ తగిలేలా ఉంది. అనధికారిక ఓటింగ్ ట్రెండ్స్ ప్రకారం, వర్షిణి కేవలం 5 శాతం ఓట్లతో అత్యంత వెనుకబడి చివరి స్థానంలో ఉంది. ముకేష్ ఓట్లు వర్షిణికి బదిలీ అవుతాయని అందరూ భావించినప్పటికీ, అలా జరగలేదు.
దీనికి తోడు టాస్కుల్లో వర్షిణి యాక్టివ్‌గా పాల్గొనకపోవడం, ఆశించిన స్థాయిలో వినోదాన్ని పంచలేకపోవడం కూడా ఓటింగ్ తగ్గడానికి ప్రధాన కారణాలుగా తెలుస్తోంది.
ఈ వారం ఎలిమినేట్ అయ్యేది ఎవరంటే?
ప్రస్తుత ఓటింగ్ ట్రెండ్స్ బట్టి చూస్తే రోహిత్, వంశీ ఇద్దరూ భారీ ఓట్లతో సేఫ్ జోన్లో ఉన్నారు. సుధీర్, రాంప్రసాద్, రామకృష్ణ లాంటి వారు ఓ మోస్తరు ఓట్లతో తమ స్థానాలను పదిలం చేసుకుంటున్నారు. కానీ, వర్షిణి పరిస్థితి మాత్రం చాలా ప్రమాదకరంగా ఉంది.
తక్కువ ఓటింగ్ శాతం కారణంగా ఈ వారం ఆమె హౌస్ నుంచి ఎలిమినేట్ అయ్యే అవకాశాలు చాలా ఎక్కువగా ఉన్నాయని విశ్లేషకులు, సోషల్ మీడియా వర్గాలు భావిస్తున్నాయి. అప్పటికప్పుడు బిగ్ బాస్ ఏదైనా మ్యాజిక్ చేస్తే తప్ప, ఎనిమిదో వారం వర్షిణి ఎలిమినేషన్ దాదాపు ఖాయంగా కనిపిస్తోంది.
