Brahma Mudi Serial Today Episode: స్టార్ మా సీరియల్ బ్రహ్మముడి ఈరోజు ఎపిసోడ్ లో రేఖ, లక్కీ, మదన్ డ్రామా రక్తి కట్టించింది. ఒక కొడుకును దగ్గర చేసుకొని అతని ద్వారా ఆస్తిని సొంతం చేసుకోవాలనుకున్న రేఖకు మరో కొడుకు షాకిస్తాడు. అయితే అందరినీ కలపాలని అనుకున్న రాజు, ఇందు ప్లాన్ మొత్తం రివర్స్ అవుతుంది.
తప్పతాగిన మదన్.. సర్ది చెప్పిన రాజు, ఇందు
తన తల్లి చేసిన మోసం గురించి తలుచుకుంటూ మదన్ తప్పతాగే సీన్ తో సీరియల్ బుధవారం (సెప్టెంబర్ 9) ఎపిసోడ్ మొదలైంది. లక్కీ గురించి పదే పదే తలచుకుంటూ తాగుతున్న మదన్ దగ్గరికి రాజు, ఇందు వస్తారు. వాళ్లను చూసి మదన్ మండిపడతాడు.
నీ బాధను అర్థం చేసుకోగలం.. కానీ నీలాంటి తెలిసీ తెలియని వయసులో మీ అమ్మ తప్పు చేసింది.. పిల్లలు తప్పు చేసినప్పుడు పెద్దలు ఎలా క్షమిస్తారో.. ఇప్పుడు నువ్వు కూడా అలాగే మీ అమ్మను క్షమించు.. ఇవాళ లక్కీని అందరి ముందు పెద్ద కొడుకుగా రేఖ పిన్ని అనౌన్స్ చేయబోతుంది.. ఓ పార్టీ కూడా ఏర్పాటు చేసింది.. మీ నాన్న కూడా లక్కీని కొడుకుగా అంగీకరించాడు అని చెప్పడంతో మదన్ ఆశ్చర్యపోతాడు. నాన్నే క్షమించేసాక.. తాను కూడా క్షమించేసినట్లే అని అంటాడు. తాను పార్టీ టైమ్ వస్తానని చెప్పి వాళ్లను పంపించేస్తాడు.
మదన్ గురించి రేఖకు చెప్పిన రాజు..
అటు రేఖ తన గదిలో ఉన్న సమయంలో రాజు వెళ్తాడు. అతన్ని చూడగానే రేఖ మండిపడుతుంది. నువ్వు మదన్ గురించి ఆలోచిస్తున్నావని తెలుసు.. మదన్ నీకు దూరం కావడంలో నా తప్పు కూడా ఉంది.. అందుకే నేను ఇవాళ వెళ్లి మదన్ ను కలిశాను.. అతన్ని కన్విన్స్ చేశాను.. పార్టీకి అతడు వస్తా అన్నాడు అని రాజు చెప్పడంతో రేఖ ఆశ్చర్యపోతుంది.
జరిగిన తప్పేదో జరిగిపోయిది.. ఇక వాటన్నింటినీ పక్కన పెడదాం.. మనమంతా ఒకే కుటుంబం.. మనమే శత్రువులుగా ఉండటం వల్ల లాభమేంటి.. ఇక నుంచి అందరం హాయిగా కలిసుందా.. ఆనందంగా ఉందా.. అసలు ఆనందం అంటే ఎలా ఉంటుందో నేను మీకు చూపిస్తాను అని రాజు చెప్పి వెళ్లిపోతాడు.
మదన్ కోసం అందంగా ముస్తాబైన స్వాతి.. ఆట పట్టించిన రాజు
{{/usCountry}}జరిగిన తప్పేదో జరిగిపోయిది.. ఇక వాటన్నింటినీ పక్కన పెడదాం.. మనమంతా ఒకే కుటుంబం.. మనమే శత్రువులుగా ఉండటం వల్ల లాభమేంటి.. ఇక నుంచి అందరం హాయిగా కలిసుందా.. ఆనందంగా ఉందా.. అసలు ఆనందం అంటే ఎలా ఉంటుందో నేను మీకు చూపిస్తాను అని రాజు చెప్పి వెళ్లిపోతాడు.
మదన్ కోసం అందంగా ముస్తాబైన స్వాతి.. ఆట పట్టించిన రాజు
{{/usCountry}}అటు పార్టీ టైమ్ కు గేటు దగ్గర నిలబడి వచ్చిన వాళ్లకు రాజు, ఇందు వెల్కమ్ చెబుతుంటారు. మదన్ ఇంకా రాకపోవడంతో ఇందు వేచి చూస్తుంటుంది. అప్పుడే స్వాతి చాలా అందంగా ముస్తాబై బయటకు వస్తుంది. ఆమెను చూడగానే రాజు ఆట పట్టిస్తాడు. నువ్వు ఎందుకు అందంగా ముస్తాబయ్యావో తనకు తెలుసు అని రాజు అంటాడు. మీ బావకు వెల్కమ్ చెప్పడానికే కదా.. ఎందుకైనా మంచిది ఓ గ్లాసులో నీళ్లు తీసుకొని రెడీగా ఉండు.. నిన్ను చూసి పడిపోతే చల్లాలి కదా అని రాజు జోక్ చేస్తాడు. స్వాతి సిగ్గు పడి వెళ్లిపోతుంది. మదన్ సంగతి తర్వాత.. అసలు ఈ లక్కీ గాడు ఎక్కడ అని రాజు అంటాడు.
లక్కీ ఎమోషనల్.. రేఖ కూడా ఎమోషనల్ డైలాగులు.. కరిగిపోయిన లక్కీ
మరోవైపు సూటుబూటు వేసుకొని స్టైల్ గా తయారవుతాడు లక్కీ. తనను తాను అద్దంలో చూసుకుంటూ ఎమోషనల్ అవుతాడు. అప్పుడే రేఖ వస్తుంది. మహారాజులా ఉన్నావని అంటుంది. మీరు కొడుకుగా అంగీకరించడం చాలా సంతోషంగా ఉంది.. అనాథగా మిగిలిపోతానని భయపడ్డాను.. కానీ తల్లితోపాటు తండ్రిని కూడా ఇచ్చావని లక్కీ అంటాడు. దీంతో రేఖ కూడా తన డ్రామా మొదలుపెడుతుంది.
నిన్ను కావాలని దూరం చేసుకోలేదు.. అప్పుడు పరిస్థితి అలాంటిది.. కానీ నిన్ను దూరం చేసుకున్న తర్వాత ప్రతి రోజూ గుర్తు చేసుకుంటూనే ఉన్నాను.. అసలు ఎలా ఉన్నావో ఏం చేస్తున్నావో అని ఆలోచించేదాన్ని.. ఏ బిడ్డ ఏడుపు వినిపించినా నువ్వే అనుకునే దాన్ని.. నువ్వు ఇక్కడికి వచ్చిన తర్వాత కూడా ఎందుకు చెప్పలేదని అడిగావు కదా.. భూషణ్, మదన్ గురించి ఆలోచించి ఆగిపోయాను.. వాళ్లను కన్విన్స్ చేసి నిన్ను దగ్గరకు తీసుకుందామనుకున్నాను అని రేఖ ఎమోషనల్ డైలాగులు కొడుతుంది.
అటు భూషణ్ కూడా నిన్ను నా కొడుకుగా అంగీకరిస్తున్నానని చెప్పడంతో లక్కీ బాగా ఎమోషనల్ అవుతాడు. వాళ్లకు థ్యాంక్స్ చెప్పి నువ్వు ఏం చెబితే అది చేస్తానని అంటాడు. మాకూ అదే కావాలి.. అందుకే ఈ డ్రామా అని రేఖ మనసులో అనుకుంటుంది.
లక్కీని తన కొడుకుగా అందరి ముందూ అంగీకరించిన రేఖ
ఆ తర్వాత పార్టీ మొదలవుతుంది. లక్కీ స్వయంగా రేఖ, భూషణ్ పైనుంచి తీసుకొస్తారు. అందరి ముందూ లక్కీ తాను చేసిన తప్పు గురించి చెబుతుంది. తాను గతంలో చేసిన తప్పును ఇప్పుడు అందరి ముందూ అంగీకరిస్తున్నానని, ఇన్నాళ్లూ తనకు ఒకే కొడుకు అని అందరికీ తెలుసు అని, కానీ తనకు ఇద్దరు కొడుకులు అని రేఖ అనౌన్స్ చేస్తుంది.
ఎంట్రీ ఇచ్చిన మదన్
అప్పుడే మదన్ ఎంట్రీ ఇస్తాడు. రేఖ అనౌన్స్మెంట్ తో చప్పట్లు కొట్టుకుంటూ వస్తాడు. నువ్వు నీ నిజం చెప్పావు.. నేను కూడా నీ ముందు నా మనసులో ఉన్న చివరి మాట చెబుతాను అంటాడు. దీంతో అతన్ని చూసి రాజు, ఇందు సంతోషిస్తారు. కానీ మదన్ మాత్రం అందరికీ షాకిస్తూ.. స్వాతి గురించి చెప్పి ఆమెను పెళ్లి చేసుకొని వెళ్లిపోతున్నట్లు అనౌన్స్ చేస్తాడు.
అందరి ముందూ రింగు తొడిగి ఆమెను తీసుకొని వెళ్లిపోతాడు. ఓ కొడుకును మచ్చిక చేసుకొని ఆస్తిని దక్కించుకోవాలని చూసిన రేఖకు మరో కొడుకు దూరమై షాక్ తగులుతుంది. దీనికి కారణం రాజు, ఇందునే అని నిందిస్తూ.. నా కొడుకును దూరం చేసిన మిమ్మల్ని వదలను అని వాళ్లకు వార్నింగ్ ఇస్తుంది. అంతటితో బ్రహ్మముడి సీరియల్ ఈరోజు ఎపిసోడ్ ముగుస్తుంది.