OTT Crime Thriller: ఓటీటీల్లో సస్పెన్స్, మర్డర్ మిస్టరీ, సైకలాజికల్ క్రైమ్ థ్రిల్లర్లకు ఉండే డిమాండే వేరు. ప్రతి ఎపిసోడ్ లోనూ ఊహించని మలుపులు తిరుగుతూ, ఆడియెన్స్‌ను సీట్-ఎడ్జ్‌లో కూర్చోబెట్టే సిరీస్‌ల కోసం క్రైమ్ థ్రిల్లర్ ప్రేమికులు నిరంతరం వెతుకుతుంటారు. అలాంటి ఓటీటీ ఆడియెన్స్ కు మైండ్ బ్లాకింగ్ ఎక్స్‌పీరియన్స్ ఇచ్చే అద్భుతమైన హిందీ క్రైమ్ థ్రిల్లర్ సిరీస్ 'దహాడ్' (Dahaad).
బాలీవుడ్ స్టార్ హీరోయిన్ సోనాక్షి సిన్హా (Sonakshi Sinha) ప్రధాన పాత్రలో నటించిన ఈ వెబ్ సిరీస్ ప్రముఖ ఓటీటీ హబ్ అమెజాన్ ప్రైమ్ వీడియో (Amazon Prime Video)లో అందుబాటులో ఉంది. సస్పెన్స్ మాత్రమే కాకుండా సమాజంలోని కుల వివక్ష, చిన్న పట్టణాల్లోని మూఢనమ్మకాలు వంటి అంశాలను అత్యంత ప్రతిభావంతంగా ఇందులో ఆవిష్కరించారు. రీమా కగ్టి, రుచికా ఓబెరాయ్ దర్శకత్వంలో రూపొందిన ఈ బ్లాక్‌బస్టర్ సిరీస్ సీజన్ 2 అప్‌డేట్, పూర్తి వివరాలు మీకోసం.
దహాద్.. అసలు కథేంటంటే? పబ్లిక్ టాయిలెట్‌లో పడి ఉన్న శవం
ఈ వెబ్ సిరీస్ కథాంశం రాజస్థాన్‌లోని ఒక చిన్న పట్టణంలో ప్రారంభమవుతుంది. ఒక పబ్లిక్ టాయిలెట్‌లో అనుమానాస్పద స్థితిలో పడి ఉన్న ఒక యువతి మృతదేహాన్ని పోలీసులు కనుగొంటారు. మొదట్లో అది ఆత్మహత్యగా భావించినప్పటికీ, కేసు విచారణలోకి దిగిన సబ్‌ఇన్‌స్పెక్టర్ అంజలి భాటి (సోనాక్షి సిన్హా) కి విస్తుపోయే నిజాలు తెలుస్తాయి. గత కొన్నేళ్లలో ఆ ప్రాంతం నుంచి ఏకంగా 27 మంది పేద, ఒంటరి మహిళలు మాయమైనట్లు గుర్తించి అది ఒక భయంకరమైన సీరియల్ కిల్లర్ పని అని నిర్ధారణకు వస్తుంది.
ఇక కథలోకి ఆనంద్ స్వర్ణకార్ (విజయ్ వర్మ) ప్రవేశిస్తాడు. బయట ప్రపంచానికి ఒక మంచి కాలేజ్ ప్రొఫెసర్గా, పద్ధతిగల కుటుంబీకుడిగా నటించే ఆనంద్ వెనుక ఒక రాక్షస సీరియల్ కిల్లర్ దాగి ఉంటాడు. ఆర్థికంగా వెనుకబడిన మహిళల బలహీనతలను ఆసరాగా చేసుకుని వారిని ప్రేమ పేరుతో మోసం చేస్తూ దారుణంగా హత్య చేస్తుంటాడు. ఒకవైపు సొంత డిపార్ట్మెంట్లో కుల వివక్షను ఎదుర్కొంటూనే, మరోవైపు ఈ ప్రమాదకరమైన సైకో కిల్లర్ను అంజలి భాటి ఎలా పట్టుకుంది అనేదే 'దహాడ్' ప్రధాన కథాంశం.
దహాద్ ఎలా ఉందంటే?
{{/usCountry}}ఇక కథలోకి ఆనంద్ స్వర్ణకార్ (విజయ్ వర్మ) ప్రవేశిస్తాడు. బయట ప్రపంచానికి ఒక మంచి కాలేజ్ ప్రొఫెసర్గా, పద్ధతిగల కుటుంబీకుడిగా నటించే ఆనంద్ వెనుక ఒక రాక్షస సీరియల్ కిల్లర్ దాగి ఉంటాడు. ఆర్థికంగా వెనుకబడిన మహిళల బలహీనతలను ఆసరాగా చేసుకుని వారిని ప్రేమ పేరుతో మోసం చేస్తూ దారుణంగా హత్య చేస్తుంటాడు. ఒకవైపు సొంత డిపార్ట్మెంట్లో కుల వివక్షను ఎదుర్కొంటూనే, మరోవైపు ఈ ప్రమాదకరమైన సైకో కిల్లర్ను అంజలి భాటి ఎలా పట్టుకుంది అనేదే 'దహాడ్' ప్రధాన కథాంశం.
దహాద్ ఎలా ఉందంటే?
{{/usCountry}}ఈ సిరీస్‌లో సోనాక్షి సిన్హా తన కెరీర్‌లోనే బెస్ట్ పెర్ఫార్మెన్స్ ఇచ్చి విమర్శకుల ప్రశంసలు అందుకున్నారు. ఆనంద్ స్వర్ణకార్ పాత్రలో సైకో కిల్లర్‌గా విజయ్ వర్మ (Vijay Varma) జీవించేశాడు. అంతేకాకుండా గుల్షన్ దేవయ్య, సోహమ్ షా పోలీస్ అధికారుల పాత్రల్లో అద్భుతంగా రాణించారు. జోయా మోరానీ, జయతీ భాటియా కీలక పాత్రల్లో నటించారు.
రీమా కగ్టి, రుచికా ఓబెరాయ్ సరికొత్త పద్ధతిలో తెరకెక్కించిన ఈ సిరీస్ ఐఎండీబీలో 7.6/10 రేటింగ్ ను సొంతం చేసుకుంది. ప్రైమ్ వీడియోలో అందుబాటులో ఉన్న మొదటి సీజన్‌లోని 8 ఎపిసోడ్లు విపరీతమైన సస్పెన్స్‌తో సాగుతాయి.
'దహాడ్ సీజన్ 2' పై మేకర్స్ క్లారిటీ
'దహాడ్' మొదటి సీజన్ సాధించిన ఘనవిజయం తర్వాత, దీనికి కొనసాగింపుగా 'దహాడ్ సీజన్ 2' (Dahaad Season 2) రాబోతున్నట్లు మేకర్స్ ఇప్పటికే అధికారికంగా ధృవీకరించారు. ప్రస్తుతం స్క్రిప్టింగ్, ప్రీ-ప్రొడక్షన్ పనులు జరుగుతుండగా, త్వరలోనే సీజన్ 2 విడుదల తేదీని ప్రకటించనున్నారు. క్రైమ్ అండ్ ఇన్వెస్టిగేషన్ థ్రిల్లర్లను ఇష్టపడే వారికి ప్రైమ్ వీడియోలో ఉన్న 'దహాడ్' ఒక మస్ట్-వాచ్ ఆప్షన్.