Today OTT Release: కొడుకు గెలవాలని పాపను చంపే తల్లి-ఇవాళ ఓటీటీలోకి తెలుగు స్పోర్ట్స్ థ్రిల్లర్-విలన్ గా బిగ్ బాస్ బ్యూటీ

Today OTT Release: సండే స్పెషల్ గా ఈటీవీ విన్ మరో ఇంట్రెస్టింగ్ మూవీని డిజిటల్ స్ట్రీమింగ్ కు తీసుకొచ్చింది. తన కొడుకు గెలిచేందుకే పుట్టాడని, అతని ఓటమిని చూడలేక ఓ పాపను చంపేందుకు ఆ తల్లి రెడీ అవుతుంది. అసలు ఈ మూవీ ఏంటీ? స్టోరీ ఏంటీ? అనేది ఇక్కడ చూసేయండి.

Today OTT Release: ఈటీవీ విన్ ఓటీటీ ప్లాట్‌ఫామ్ ఈ మధ్య కాలంలో సరికొత్త ఒరిజినల్ సిరీస్‌లు, సినిమాలతో ప్రేక్షకులను అలరిస్తోంది. ఇందులో భాగంగానే 'కథా సుధా' (Katha Sudha) అనే పేరుతో ప్రతి వారం ఒక కొత్త కథను పరిచయం చేస్తోంది. ఇప్పుడు ఈ సిరీస్‌లో 'గెలుపు' అనే ఎమోషనల్ డ్రామాను ఈరోజు నుంచి స్ట్రీమింగ్ కు అందుబాటులోకి తీసుకొచ్చింది.

కొడుకు గెలవాలని పాపను చంపే తల్లి-ఇవాళ ఓటీటీలోకి తెలుగు స్పోర్ట్స్ థ్రిల్లర్-విలన్ గా బిగ్ బాస్ బ్యూటీ (youtube/etv win originals)

స్పోర్ట్స్ థ్రిల్లర్

ఈటీవీ విన్ లో ఇవాళ (నవంబర్ 15) కథాసుధాలో భాగంగా వచ్చిన చిన్న సినిమా ‘గెలుపు’. ఓటీటీలో స్ట్రీమింగ్ అవుతున్న ఈ మూవీ ఓ స్పోర్ట్స్ థ్రిల్లర్. గెలుపు అనేది కేవలం ఒక ఆట గురించి మాత్రమే కాదు.. ఆ ఆట కోసం పడే కష్టం, అందులోని భావోద్వేగాలను, ఆటగాళ్ల ఆశయాలను కూడా కళ్లకు కట్టినట్లు చూపిస్తుంది. తన కొడుకు గెలవాలని మరో పాపను చంపేందుకు కూడా ఆ తల్లి వెనుకాడదు.

స్టోరీ ఏంటంటే?

గెలుపు సినిమాలో పురుషోత్తం అనే ఓ పిల్లాడు చెస్ ఛాంపియన్ గా కనిపిస్తాడు. చిన్న వయసులోనే గొప్ప ఘనతలు సాధించడంతో పొగరు తలకెక్కుతుంది. ఓ సారి ఓటమి ఎదురైతే తట్టుకోలేకపోతాడు. తల బాదుకుంటాడు. కొడుకు బాధను చూడలేక మరోసారి అతను ఓడిపోకుండా చూసుకుంటానని ఆ తల్లి (ఇనయ సుల్తానా) మాటిస్తుంది.

మరోవైపు ఓ పాప చెస్ లో అదరగొడుతోంది. పెద్ద పెద్ద ప్లేయర్లను ఓడిస్తుంది. ఆ పాప ఎప్పటికైనా పురుషోత్తానికి ప్రమాదమే అని భావించి తనను చంపేందుకు ఆ తల్లి ప్రయత్నిస్తుంది. మరి ఆ తర్వాత ఏం జరిగింది? అనేది గెలుపు మూవీలో చూడాల్సిందే.

బిగ్ బాస్ బ్యూటీ

గెలుపు సినిమాలో బిగ్ బాస్ బ్యూటీ ఇనయ సుల్తానా కీలక పాత్ర పోషించింది. తన కొడుకు కోసం ఓ పాపను చంపేందుకు ట్రై చేసే నెగెటివ్ షేడ్స్ ఉన్న క్యారెక్టర్ ప్లే చేసింది. ఇంకా ఈ సినిమాలో చైత్ర, అశ్విని, మహిధర్, అన్వీష తదితరులు నటించారు. ఈ సినిమాకు ప్రవీణ్ రామరాజు డైరెక్టర్.

ఈటీవీ విన్‌లో స్ట్రీమింగ్

మీరు వీకెండ్‌లో ఏదైనా మంచి ఎమోషనల్, మోటివేషనల్ కమ్ థ్రిల్లర్ చూడాలి అనుకుంటే 'గెలుపు' సినిమా బెస్ట్ ఛాయిస్ అని చెప్పవచ్చు. ఎలాంటి హడావుడి లేకుండా, స్వచ్ఛమైన కథతో సాగే ఈ పవర్‌ఫుల్ స్టోరీ ఇప్పుడు 'ఈటీవీ విన్' (ETV Win) ఓటీటీ యాప్‌లో స్ట్రీమింగ్ అవుతోంది. ఇంకెందుకు ఆలస్యం.. మీరూ ఈ 'గెలుపు'ను చూసి, అందులోని భావోద్వేగాలను ఫీల్ అవ్వండి!