E-Paper
Obsession: ఇండియాలో హారర్ థ్రిల్లర్ మూవీ అబ్సెషన్ సక్సెస్ చూసి డైరెక్టర్ షాక్.. అస్సలు ఊహించలేదంటూ..
Obsession: హాలీవుడ్ సెన్సేసనల్ హారర్ థ్రిల్లర్ మూవీ అబ్సెషన్ ఇండియాలో సాధించిన సక్సెస్ చూసి డైరెక్టర్ కర్రీ బార్కర్ షాక్ తిన్నారు. ఇది అస్సలు ఊహించలేదని అనడం విశేషం. మన దేశంలో ఇప్పటికే సుమారు రూ.80 కోట్ల వరకూ వసూలు చేసిందీ మూవీ.
Obsession: హాలీవుడ్ యంగ్ యూట్యూబర్ కమ్ డైరెక్టర్ కర్రీ బార్కర్ (Curry Barker) మేకింగ్లో వచ్చిన సరికొత్త సైకలాజికల్ సూపర్ నేచురల్ హారర్ థ్రిల్లర్ 'అబ్సెషన్' (Obsession) ప్రపంచవ్యాప్తంగా బాక్సాఫీస్ రికార్డులను తిరగరాస్తోంది. కేవలం 7.5 కోట్ల రూపాయల ($750,000) అత్యంత తక్కువ బడ్జెట్తో కేవలం 20 రోజుల్లో లాస్ ఏంజిల్స్ పరిసర ప్రాంతాల్లో షూట్ చేసిన ఈ సినిమా.. థియేట్రికల్ రిలీజ్ తర్వాత ఒక గ్లోబల్ సెన్సేషన్ గా మారిపోయింది.
హాలీవుడ్లోనే కాకుండా మన ఇండియాలో కూడా ఈ సినిమా ఊహించని రేంజ్లో రికార్డు వసూళ్లు సాధించింది. ఇండియాలో ఇప్పటివరకు ఏకంగా రూ. 79 కోట్ల నెట్ కలెక్షన్స్ రాబట్టి, ఈ ఏడాది ఇండియన్ మార్కెట్లో బిగ్గెస్ట్ హాలీవుడ్ హిట్గా నిలిచింది. ఈ సెన్సేషనల్ సక్సెస్ పై డైరెక్టర్ కర్రీ బార్కర్ వెరైటీ ఇండియాకు ఇచ్చిన ఎక్స్క్లూజివ్ ఇంటర్వ్యూలో తన ఆనందాన్ని, ఆశ్చర్యాన్ని పంచుకున్నారు.
అస్సలు ఊహించలేదు
ఇండియన్ ఆడియన్స్ నుంచి వస్తున్న రెస్పాన్స్ చూసి తన మైండ్ బ్లాక్ అయిందని కర్రీ బార్కర్ ఎమోషనల్ అయ్యారు. అసలు ఈ ప్రాజెక్ట్ను తాము చాలా సింపుల్గా ఫ్రెండ్స్తో కలిసి డిజైన్ చేశామని, ఇంతటి కల్ట్ స్టేటస్ దక్కుతుందని అస్సలు అనుకోలేదని చెప్పారు.
"నేను అబ్సెషన్ సినిమా ఇండియాలో ఇంత పెద్ద బ్లాక్బస్టర్ అవుతుందని అస్సలు ఊహించలేదు. నిజం చెప్పాలంటే ప్రపంచంలో ఏ మార్కెట్లోనూ ఇంతటి భారీ రెస్పాన్స్ వస్తుందని అనుకోలేదు. ప్రతి ఒక్కరూ తమ సినిమా సక్సెస్ అవ్వాలని, జనాలు దానికి కనెక్ట్ అవ్వాలని కలలు కంటారు. కానీ ఈ సినిమా సృష్టిస్తున్న వసూళ్ల సునామీని నేను నమ్మలేకపోతున్నాను. మేము దాదాపు ఏమీ లేని బడ్జెట్తో ఈ సినిమా తీశాం. ఈరోజు దానికి దక్కుతున్న గుర్తింపు చూస్తుంటే చాలా గర్వంగా ఉంది" అని కర్రీ బార్కర్ వెల్లడించారు.
ఇండియాలో కేవలం కలెక్షన్లు మాత్రమే కాకుండా.. ఈ సినిమాలోని సీన్లను రీక్రియేట్ చేస్తూ సోషల్ మీడియాలో వస్తున్న కామెడీ వీడియోలు, మీమ్స్, ఫ్యాన్ ఆర్ట్ వర్క్స్ తనను ఎంతగానో ఆకట్టుకున్నాయని చెప్పారు.
వన్ విష్ విల్లో బొమ్మ తెచ్చిన తిప్పలు.. టాక్సిక్ రిలేషన్షిప్ స్టోరీ
ఈ అబ్సెషన్ సినిమా కథాంశం చాలా ప్రత్యేకంగా, ఈతరం యూత్ను ఆలోచింపజేసేలా ఉంటుంది. మ్యూజిక్ షాప్లో పనిచేసే బేర్ (మైఖేల్ జాన్స్టన్) అనే ఒక ఒంటరి యువకుడు.. తన చిన్ననాటి స్నేహితురాలు నిక్కీ (ఐండ్ నవారెట్)ని పిచ్చిగా ప్రేమిస్తాడు. కానీ ఆమెకు తన లవ్ ఎక్స్ప్రెస్ చేయలేక ఒక మ్యాజికల్ క్రిస్టల్ షాప్ నుంచి 'వన్ విష్ విల్లో' (One Wish Willow) అనే ఒక విచిత్రమైన సూపర్ నేచురల్ టాయ్ను కొనుగోలు చేస్తాడు. నిక్కీ తనను ప్రపంచంలో అందరికంటే ఎక్కువగా ప్రేమించాలంటూ అతను ఒక కోరిక కోరతాడు.
ఆ కోరిక నెరవేరుతుంది కానీ చాలా భయంకరమైన రీతిలో మారుతుంది. నిక్కీ ప్రేమ కాస్తా విపరీతమైన అబ్సెషన్ (పిచ్చి) గా మారి, ఆమె తన సొంత వ్యక్తిత్వాన్ని కోల్పోయి హింసాత్మకంగా మారుతుంది. టాక్సిక్ రిలేషన్షిప్స్ లోని సైకాలజీని డైరెక్టర్ చాలా గ్రిప్పింగ్గా స్క్రీన్ పై చూపించారు.
సౌండ్ డిజైన్, ఇంటెన్స్ బ్యాక్గ్రౌండ్ స్కోర్ ఈ హారర్ మూడ్ను థియేటర్లలో పీక్స్కు తీసుకెళ్లాయి. ఇండియాలో మార్వెల్ సినిమా 'అవెంజర్స్: ఏజ్ ఆఫ్ అల్ట్రాన్' లైఫ్ టైమ్ కలెక్షన్లను కూడా దాటేసే రేంజ్లో ఈ సినిమా దూసుకుపోతోంది. జూన్ 30 నుంచి ఈ సినిమా అమెజాన్ ప్రైమ్ వీడియో, ఆపిల్ టీవీ లాంటి గ్లోబల్ ప్రీమియం వీడియో-ఆన్-డిమాండ్ (PVOD) ప్లాట్ఫామ్స్ పై డిజిటల్ రెంటింగ్ పద్ధతిలో రిలీజ్ కాబోతోంది.
