Illu Illalu Pillalu: తల్లి కాబోతున్న ఇల్లు ఇల్లాలు పిల్లలు ప్రేమ.. వీడియోతో అనౌన్స్ చేసిన లావణ్య.. సీరియ‌ల్‌కు గుడ్‌బై?

Illu Illalu Pillalu: ఇల్లు ఇల్లాలు పిల్లలు సీరియల్ లో ప్రేమగా తెలుగు ప్రేక్షకుల మనసులు దోచుకున్న లావణ్య భరద్వాజ్ గుడ్ న్యూస్ చెప్పింది. ఆమె తల్లి కాబోతుంది. అదే సమయంలో సీరియల్ కు తను గుడ్ బై చెప్తుందనే మాటలు వినిపిస్తున్నాయి.

Illu Illalu Pillalu: తెలుగు నాట పాపులర్ అయిన సీరియల్స్ లో ఇల్లు ఇల్లాలు పిల్లలు ఒకటి. స్టార్ మాలో ప్రసారమవుతున్న ఈ సీరియల్ రేటింగ్ లో దూసుకెళ్తోంది. ఇందులో లావణ్య భరద్వాజ్ ఓ హీరోయిన్ గా నటించింది. ప్రేమ అనే క్యారెక్టర్ తో అలరిస్తోంది. ఇల్లు ఇల్లాలు పిల్లలు సీరియల్ లో ప్రేమగా తెలుగు ప్రేక్షకులను లావణ్య ఎంటర్ టైన్ చేస్తోంది.

గుడ్ న్యూస్ చెప్పిన ప్రేమ

తల్లి కాబోతున్న ఇల్లు ఇల్లాలు పిల్లలు హీరోయిన్ లావణ్య (instagram-lavanya.laav_official)

ఇల్లు ఇల్లాలు పిల్లలు సీరియల్ లో ప్రేమ క్యారెక్టర్ ప్లే చేస్తున్న లావణ్య భరద్వాజ్ గుడ్ న్యూస్ చెప్పింది. తల్లి కాబోతున్నాననే విషయాన్ని వీడియో ద్వారా వెల్లడించింది. తన భర్త శశి హెగ్డేతో కలిసి ఈ గుడ్ న్యూస్ ను లావణ్య షేర్ చేసుకుంది.

సినిమాటిక్ లెవల్లో

సినిమాటిక్ లెవల్ వీడియోతో తాను ప్రెగ్నెంట్ అనే విషయాన్ని లావణ్య వెల్లడించింది. ఆ వీడియోలో లావణ్య చీరకట్టులో ఓ గుడికి వెళ్తుంది. కళ్లు తిరిగి పడిపోబోతుంది. అప్పుడే ఆమె భర్త తన చేతిని పట్టుకుంటాడు. ఇద్దరు కలిసి దేవుడికి పూజ చేయిస్తారు. పూజారి కొట్టి ఇచ్చిన కొబ్బరి కాయ తొట్లెలాగా పలగడంతో లావణ్య, శశి నవ్వుకుంటారు.

లావణ్య, శశి నడుచుకుంటూ వెళ్తుంటే, వాళ్ల వెనకాల చిన్ని పాదాలు దర్శనమిస్తాయి. ‘‘చిన్నారితో మా ప్రేమ కథ కొనసాగుతూనే ఉంటుంది’’ అనే క్యాప్షన్ వస్తుంది. లావణ్య తన ఇన్ స్టాగ్రామ్ లో పోస్టు చేసిన ఈ క్యూట్ వీడియో వైరల్ గా మారింది.

అభినందనలు

ప్రెగ్నెన్సీ నేపథ్యంలో ఇల్లు ఇల్లాలు పిల్లలు సీరియల్ కు లావణ్య గుడ్ బై చెప్తుందనే మాటలు వినిపిస్తున్నాయి. ఈ సీరియల్ లో ప్రేమగా తన చలాకీ నటనతో, ఎమోషన్ తో లావణ్య ఆకట్టుకుంటుంది. రామరాజు చిన్న కోడలిగా ఈ సీరియల్ లో ఆమె నటిస్తోంది. మొన్నటివరకూ సీరియల్ లో ప్రేమను ఆమె భర్త ధీరజ్ అసహ్యించుకునేవాడు. కానీ నిజం తెలుసుకుని ఇప్పుడు ప్రేమిస్తున్నాడు.

ప్రెగ్నెన్సీని కన్ఫామ్ చేసిన లావణ్య ఈ సీరియల్ లో ఎక్కువ రోజులు కనిపించకపోవచ్చు. సీరియల్ కథకు తగ్గట్లు పాత్రలు నటించాలి. మరి బేబీ బంప్ తో లావణ్యను చూపిస్తారా? లేదా? అన్నదే ప్రశ్న. లావణ్య స్థానంలో నిన్ను కోరి సీరియల్ హీరోయిన్ అక్షిత దేశ్ పాండేను తీసుకుంటారనే ప్రచారం కూడా సాగుతోంది.