Illu Illalu Pillalu August 11 Episode: ఇల్లు ఇల్లాలు పిల్లలు ఈ రోజు ఎపిసోడ్ లో.. భర్తకు అశుభం అని పూజారి చెప్పినా కూడా అర్చన కోసం ధీరజ్ పేరును ప్రేమ చెప్పదు. దీంతో ధీరజ్ గుండె ముక్కలువుతోంది. రామరాజు ఫ్యామిలీ అంతా షాక్ లో మునిగిపోతారు. అప్పుడే భద్రావతి డ్రామా స్టార్ట్ చేస్తుంది. భర్త పేరు చెప్పకపోవడం మంచిది కాదని భద్రావతి అంటుంది.
భర్త పేరు చెప్పని ప్రేమ
భర్తకు మంచిది కాదని చెప్పినా కూడా ఎందుకు మొండిగా ఉంటున్నావని ప్రేమను వేదవతి అడుగుతుంది. నేను పెళ్లాన్ని కాదని మీ అబ్బాయి చెప్పాడు కదా. మరి అతనే కాదన్నప్పుడు నేనెందుకు చెప్పాలని ప్రేమ అంటుంది. పూజారి అడిగితే ఇంటి పేరు, గోత్ర నామాలు లేవని రామరాజు చెప్తాడు. నేను ఒక అనాథగా జీవితాన్ని మొదలుపెట్టానంటాడు.
బల్లక్కాయ్ సంతోషం
మధ్యలో భద్రావతి కలగజేసుకొని రామరాజు కుటుంబాన్ని బాధపెట్టేలా మాట్లాడుతుంది. మంచిగా మాట్లాడుతూనే గుండె నొప్పించేలా మాటలు అంటుంది. ప్రేమతో నా గురించి ఎట్టా సెప్తారో చూస్తానని శ్రీవల్లి అనుకుంటుంది. గుడి బయటకు సుక్కును తీసుకెళ్లి తెగ సంతోషంగా ఫీల్ అవుతుంది బల్లక్కాయ్.
నర్మదను పంపించేస్తే
మనం అనుకున్న పని ఎలాంటి ఆటంకం లేకుండా జరిగితే ఆ ఫీలే వేరు సుకన్య అని గాల్లో తేలినట్లుందే అని శ్రీవల్లి పాట పాడుతుంది. అత్తయ్యోల్ల ప్లాన్ చెడగొట్టాను కదా. వాళ్లు ఇక్కడికి వచ్చింది ప్రేమ, ధీరజ్ ను కలిపేందుకే అనే భద్రావతికి చెప్పా. వాళ్లు ఎన్ని ప్లాన్ లు వేసినా ప్రేమ, ధీరజ్ ను కలపలేరు. మరో ప్లాన్ వేసి నర్మదను కూడా బయటకు పంపించేస్తే నా మాటే శాశనం అవుతుందని వల్లి సంబరపడిపోతుంది.
రామరాజును అవమానించేలా
మరోవైపు రామరాజు వెనుకాలే సేనాపతి, భద్రావతి వెళ్లి అవమానించేలా మాట్లాడతారు. దిక్కు లేని వాళ్లతో మనకు బంధుత్వం పెట్టాడు దేవుడు. ఈ జన్మలోనే వేదవతికి అక్కగా, అన్నగా పుట్టి పాపం చేశామని సేనాపతి అంటాడు. హారతి పళ్లెంలో రూ.500 వేసే స్తోమత లేని నీకు పౌరుషం ఎందుకు రా అని సేనాపతి అవమానించేలా మాట్లాడతాడు. దేవుడి ముందు అందరూ ఒక్కటే అని రామరాజు అంటాడు.
ఒంటరి వాడిని చేస్తా
{{/usCountry}}మరోవైపు రామరాజు వెనుకాలే సేనాపతి, భద్రావతి వెళ్లి అవమానించేలా మాట్లాడతారు. దిక్కు లేని వాళ్లతో మనకు బంధుత్వం పెట్టాడు దేవుడు. ఈ జన్మలోనే వేదవతికి అక్కగా, అన్నగా పుట్టి పాపం చేశామని సేనాపతి అంటాడు. హారతి పళ్లెంలో రూ.500 వేసే స్తోమత లేని నీకు పౌరుషం ఎందుకు రా అని సేనాపతి అవమానించేలా మాట్లాడతాడు. దేవుడి ముందు అందరూ ఒక్కటే అని రామరాజు అంటాడు.
ఒంటరి వాడిని చేస్తా
{{/usCountry}}ఏం బతుకురా మీది? నువ్వు మా చెల్లిని తీసుకెళ్లావు. నీ కొడుకు నా మేనకోడలిని చేసుకున్నాడు. నీకు తెలియకుండానే నీ పెళ్లాం నీ కొడుకుకు పెళ్లి చేసిందంటే కుటుంబంలో నీ విలువ ఏంటో తెలియట్లేదా? నిన్ను ఒంటరి వాడిని చేస్తా రామరాజు. నువ్వు, నీ కుటుంబం ఎలాంటి వాళ్లో తెలుసుకొని నా మేనకోడలు ఇంటికి తిరిగి వచ్చిందని రామరాజును బాధపెట్టేలా భద్రావతి మాట్లాడుతుంది.
వేదవతి అనుమానం
మరోవైపు ప్రేమతో ఎలా మాట్లాడాలని నర్మద, వేదవతి, అమూల్య, ధీరజ్ ఆలోచిస్తారు. నువ్వు ప్రేమతో మాట్లాడుతుంటే మా అక్క టక్కుమని ఎలా వచ్చిందే? ప్రేమతో మాట్లాడటం ఎలా? అని వేదవతి అడుగుతుంది. గుడి నుంచి వెళ్లిపోయే లోపు ఛాన్స్ దొరుకుతుందని ధీరజ్ చెప్తాడు. కొంపదీసి ప్రేమతో మాట్లాడదామనే విషయం మా అక్కకు తెలిసిపోయిందా అని వేదవతి అనుమానపడుతుంది.
అప్పుడే రామరాజు వచ్చి ఏం చేస్తున్నారని అడుగుతాడు. కుంకుమార్చన జరుగుతుంటే ఇక్కడ ఏం చేస్తున్నారు? వెళ్దాం అని తీసుకెళ్తాడు.
వల్లి టెన్షన్
అమ్మవారికి పూజారి కుంకుమార్చన చేస్తుంటే ప్రేమతో మాట్లాడేందుకు ధీరజ్ ట్రై చేస్తాడు. అది చూసి వల్లి, భద్రావతి టెన్షన్ పడతారు. పూజ త్వరగా కంప్లీట్ చేయమని పూజారికి భద్రావతి చెప్తుంది. కానీ సేనాపతి అడ్డుకుంటాడు. ఎవరికో భయపడటం ఏంటని అంటాడు. భర్తలతో సింధూరం పెట్టించుకొని ఆశీర్వాదం తీసుకోమని పూజారి చెప్తాడు.
మూర్ఖంగా ప్రేమ
ప్రేమ మాత్రం మొండిగానే ఉంటుంది. పూజారి ఎంత చెప్పినా ప్రేమ వినదు. ధీరజ్ తో కుంకుమ బొట్టు పెట్టించుకునేందుకు ఒప్పుకోదు. భర్త ఆరోగ్యానికి, అయుష్షుకు మంచిదని చెప్తున్నా ఎందుకు మూర్ఖంగా ప్రవర్తిస్తున్నావని ప్రేమను వేదవతి అడుగుతుంది. నేను భార్యనే కాదని చెప్పినప్పుడు ఏ హక్కుతో బొట్టు పెట్టించుకోవాలని ప్రేమ తిరిగి ప్రశ్నిస్తుంది. అక్కడి నుంచి ప్రేమ, ఆ తర్వాత ధీరజ్ వెళ్లిపోతారు.
ఇది లవ్వే కదా
మాట్లాడాలని విశ్వకు అమూల్య సైగ చేస్తుంది. విశ్వ సిగ్గుతో మెలికలు తిరుగుతాడు. ఇన్ని రోజులూ నేను నీ వెంట పడ్డా పట్టించుకోలేదు. ఇప్పుడు సైగలు చేస్తున్నావంటే అది లవ్వే కదా అని విశ్వ అంటాడు. మాటిమాటికి ప్రేమ అనకు, చిరాగ్గా ఉందని అమూల్య కోప్పడుతుంది. ప్రేమ వదిన నాకు ఒంటరిగా దొరికేలా చేయమని విశ్వకు అమూల్య చెప్తుంది. ఇక్కడితో నేటి ఇల్లు ఇల్లాలు పిల్లలు సీరియల్ ఎపిసోడ్ ముగుస్తుంది.