E-Paper
Jiohotstar: ఓటీటీలోకి వచ్చీ రాగానే టాప్‌లోకి 5 వేల కోట్ల హారర్ థ్రిల్లర్.. జియోహాట్‌స్టార్ టాప్ 10 ఇవే.. 2 తెలుగు మూవీస్
Jiohotstar: జియోహాట్‌స్టార్ లో బుధవారం (నవంబర్ 4) మోస్ట్ వాచ్‌డ్ మూవీస్‌గా నిలిచిన టాప్ 10 చిత్రాల జాబితా విడుదలైంది. హాలీవుడ్ సూపర్ నేచురల్ సైకో థ్రిల్లర్ 'అబ్సెషన్' మొదటి స్థానంలో నిలవగా, సమంత నటించిన 'మా ఇంటి బంగారం', రణ్‌వీర్ సింగ్ 'ధురంధర్ 2' వంటి చిత్రాలు ట్రెండింగ్‌లో దూసుకుపోతున్నాయి.
Prefer HTon Google
Jiohotstar: జియోహాట్‌స్టార్ ఓటీటీ ఆడియెన్స్ ను అలరించేందుకు రకరకాల జానర్లలో అద్భుతమైన సినిమాలను అందిస్తోంది. యాక్షన్, రొమాన్స్, సైకో థ్రిల్లర్, కాంబినేషన్లతో కూడిన హాలీవుడ్, టాలీవుడ్, బాలీవుడ్ సినిమాలు డిజిటల్ స్పేస్‌లో సందడి చేస్తున్నాయి. బుధవారం నాటికి జియోహాట్‌స్టార్ లో దేశవ్యాప్తంగా అత్యధికంగా చూస్తున్న టాప్ 10 మూవీస్ ఏవో ఇక్కడ చూడండి.
1. అబ్సెషన్ (Obsession)
ఇటీవల విడుదలైన అమెరికన్ సూపర్ నేచురల్ హారర్ థ్రిల్లర్ మూవీ ‘అబ్సెషన్’. థియేటర్లలో విపరీతమైన ఆదరణ పొంది సుమారు రూ.5 వేల కోట్లు కొల్లగొట్టిన ఈ సినిమా.. ఇప్పుడు జియోహాట్‌స్టార్ ఓటీటీలో నెంబర్ 1 స్థానంలో ట్రెండ్ అవుతోంది. ఒకవైపు ప్రేమ, మరోవైపు సైకో ఆలోచనలతో నిక్కీ అనే పాత్ర చుట్టూ తిరిగే ఈ హాలీవుడ్ మూవీ ఆడియెన్స్ ను ఆకట్టుకుంటోంది.
2. ఆంఖ్ మిచోలీ (Aankh Micholi)
మృణాల్ ఠాకూర్, పరేష్ రావాల్ ప్రధాన పాత్రల్లో నటించిన ‘ఆంఖ్ మిచోలీ’ ఒక కామెడీ ఫ్యామిలీ ఎంటర్‌టైనర్. రాత్రి వేళ కంటిచూపు మందగించే విచిత్రమైన సమస్యతో బాధపడే కథానాయిక పాత్ర ఆధారంగా తెరకెక్కిన ఈ చిత్రం ప్రస్తుతం నెంబర్ 2 స్థానంలో నిలిచింది.
3. ఝాడ్ ఫూంక్ (Jhad Phoonk)
మూఢనమ్మకాల నేపథ్యంలో రూపొందిన ‘ఝాడ్ ఫూంక్’ చిత్రం ప్రేక్షకులను ఆకట్టుకుంటూ నెంబర్ 3లో ట్రెండ్ అవుతోంది. తన మనవడిని కాపాడుకోవడం కోసం ఓ వ్యక్తి చేసే పూజలు, మూఢనమ్మకాల చుట్టూ ఈ కథనం సాగుతుంది.
4. మినియన్స్ మాన్‌స్టర్ (Minions Monster)
పిల్లలను విశేషంగా అలరిస్తున్న యానిమేటెడ్ మూవీ ‘మినియన్స్ మాన్‌స్టర్’. మినియన్స్ బృందం స్వయంగా మూవీ బిజినెస్ ప్రారంభించడం అనే క్రేజీ కాన్సెప్ట్‌తో వచ్చిన ఈ సినిమా 4వ స్థానాన్ని దక్కించుకుంది.
5. మా ఇంటి బంగారం (Maa Inti Bangaram)
సమంతా రూత్ ప్రభు ప్రధాన పాత్రలో తెరకెక్కిన తెలుగు చిత్రం ‘మా ఇంటి బంగారం’. కుటుంబ బాధ్యతలను మోసే స్వర్ణ అనే గృహిణి, తన ప్రమాదకరమైన గతం ఎదురైనప్పుడు ఎలాంటి ధైర్యసాహసాలు ప్రదర్శించిందో చూపే ఈ పవర్ ఫుల్ యాక్షన్ ఎమోషనల్ డ్రామా ప్రస్తుతం నెంబర్ 5లో ట్రెండ్ అవుతోంది.
6 నుంచి 10వ స్థానంలో ఉన్న సినిమాలు
6. ధురంధర్ 2 (Dhurandhar 2): రణ్‌వీర్ సింగ్ కథానాయకుడిగా మార్చిలో థియేటర్లలో విడుదలైన ఈ బ్లాక్‌బస్టర్ యాక్షన్ చిత్రం ఓటీటీలోనూ ప్రభంజనం సృష్టిస్తూ 6వ స్థానంలో నిలిచింది.
7. వెల్‌కమ్ టు ద జంగిల్ (Welcome To The Jungle): అక్షయ్ కుమార్ మల్టీస్టారర్ కాంబినేషన్‌లో వచ్చిన ఈ హై-వోల్టేజ్ యాక్షన్ కామెడీ డ్రామా 7వ స్థానాన్ని కైవసం చేసుకుంది.
8. ఆర్యభట్ కా జీరో (Aryabhatt Ka Zero): కమల్ చంద్ర దర్శకత్వంలో హిమాన్ష్ కోహ్లీ నటించిన కామెడీ డ్రామా చిత్రం 8వ స్థానంలో ట్రెండ్ అవుతోంది.
9. ధురంధర్ (Dhurandhar): పాకిస్తాన్ నేపథ్యంలో సాగే ఇండియన్ గూఢచారి కథాంశంతో రణ్‌వీర్ సింగ్ నటించిన మొదటి భాగం 'ధురంధర్' 11 నెలల తర్వాత కూడా 9వ స్థానంలో కొనసాగుతోంది.
10. పరదా (Pardha): స్త్రీలు ముసుగు (పరదా) ధరించాలనే కఠిన నిబంధనలు ఉన్న గ్రామం నేపథ్యంలో సాగే తెలుగు మూవీ 'పరదా' జియోహాట్‌స్టార్ లో 10వ స్థానంలో ఉంది.
