E-Paper
Netflix OTT: నెట్‌ఫ్లిక్స్‌ను ఊపేస్తున్న ఫ్యామిలీ డ్రామా- మనసుకు హత్తుకునేలా తండ్రీకూతుళ్ల బంధం- నవ్విస్తూ, ఏడిపిస్తూ!
Matargashti OTT Trending On Netflix: తండ్రీకూతుళ్ల మధ్య ఉండే భావోద్వేగాలు, జనరేషన్ గ్యాప్ వల్ల వచ్చే ఘర్షణను నవ్విస్తూ, ఏడిపించేలా తీసిన ఓటీటీ సిరీస్ మటర్ గస్తీ. 7.3 ఐఎమ్‌డీబీ రేటింగ్‌తో నెట్‌ఫ్లిక్స్‌లో టాప్ 1గా ఓటీటీ ట్రెండ్ అవుతున్న ఈ 5 ఎపిసోడ్ల మిని సిరీస్‌ను ఎందుకు చూడాలో ఇక్కడ తెలుసుకుందాం.
Prefer HTon Google
Matargashti OTT Trending On Netflix: ప్రస్తుతం డిజిటల్ ప్లాట్‌ఫామ్‌లలో రొటీన్ క్రైమ్ థ్రిల్లర్లు, యాక్షన్ సినిమాల హోరు ఎక్కువైంది. ఇలాంటి సమయంలో మనసుకు హత్తుకునే క్లీన్ ఫ్యామిలీ ఎంటర్‌టైనర్ వస్తే ప్రేక్షకులు బ్రహ్మరథం పడతారు. సరిగ్గా అలాంటి అనుభూతినే అందిస్తోంది ఓటీటీలోని క్లీన్ ఫ్యామిలీ డ్రామా వెబ్ సిరీస్.
ఎలాంటి లక్ష్యం లేకుండా
ప్రముఖ ఓటీటీ సంస్థ నెట్‌ఫ్లిక్స్‌లో ఇటీవల విడుదలైన వెబ్ సిరీసే 'మటర్ గస్తీ' (Matargashti). మటర్ గస్తీ అంటే ఎలాంటి లక్ష్యం లేకుండా అటు ఇటు తిరగడం అనే అర్థం వస్తుంది. ఓటీటీ స్ట్రీమింగ్ ప్రారంభమైన కొద్ది రోజుల్లోనే ఇది భారత్‌లోని టాప్-10 ట్రెండింగ్ లిస్ట్‌లోకి దూసుకొచ్చింది.
టాప్ 1 ఓటీటీ ట్రెండింగ్‌లో
ప్రస్తుతం నెట్‌ఫ్లిక్స్‌లో టాప్ 1 స్థానంలో మటర్ గస్తీ ఓటీటీ ట్రెండింగ్ అవుతోంది. అక్టోబర్ 21న ఓటీటీ రిలీజ్ అయిన మటర్ గస్తీ నాలుగైదు రోజుల్లోనే ఓటీటీ ట్రెండింగ్‌లో దూసుకుపోతుందన్నమాట. కేవలం 5 ఎపిసోడ్లతో రూపుదిద్దుకున్న ఈ ఓటీటీ ఫ్యామిలీ సిరీస్‌కు ఐఎమ్‌డీబీ (IMDb)లో 7.3 రేటింగ్ రావడం విశేషం.
కథా నేపథ్యం: తండ్రీకూతుళ్ల అనుబంధం - సవాళ్లు
సాధారణంగా ఏ ఇంట్లోనైనా కూతురికి తండ్రే మొదటి హీరో. తండ్రికి కూడా కూతురంటే ప్రాణం. అయితే టీనేజ్ దాటి యువతిగా మారే క్రమంలో కూతురి స్వేచ్ఛకు, తండ్రి పెంపకానికి మధ్య కొద్దిపాటి ఘర్షణ రావడం సహజం. ఈ పాయింట్‌నే దర్శకుడు సిద్ధాంత్ చౌహాన్ చాలా సహజంగా తెరకెక్కించారు.
వ్యక్తిగత జీవితాన్ని, ఆలోచనలను
కథ విషయానికొస్తే.. ధార (అద్రిజా సిన్హా) అనే అమ్మాయి చదువులో టాపర్. తల్లి లేకపోవడంతో తండ్రి ప్రకాష్ (రాజేష్ కుమార్) వద్దే ధార పెరుగుతుంది. సొంత నిర్ణయాలు తీసుకునే వయసొచ్చిన ధార.. తన వ్యక్తిగత జీవితాన్ని, ఆలోచనలను ఎక్స్‌ప్లోర్ చేయాలనుకుంటుంది.
కూతురు భద్రత విషయంలో కఠినంగా
అయితే ఒంటరిగా ధారను పెంచుతున్న తండ్రిగా ప్రకాష్ తన కూతురి భద్రత విషయంలో అత్యంత కఠినంగా ఉంటాడు. ఒకే ఇంట్లో ఉంటూ కూడా వారిద్దరి మధ్య సంభాషణలు చాలా తక్కువగా ఉంటాయి. ఈ క్రమంలో ధార ఆలోచనలు తండ్రికి తెలిసినప్పుడు వారి బంధం ఎలాంటి మలుపులు తిరిగింది? అనేదే అసలు కథ.
సమాజానికి ఒక చక్కటి సందేశం
మన సమాజంలో విడాకులు తీసుకున్న మహిళలను లేదా స్వేచ్ఛగా బతకాలనే అమ్మాయిలను చూసే దృక్పథం ఎలా ఉంటుందో ఈ సిరీస్‌లో ఆవిష్కరించారు. సమాజపు ఆంక్షలను పక్కనపెట్టి, ఇంట్లో వారి మద్దతు ఉంటే అమ్మాయిలు ఎంత ధైర్యంగా ముందుకు సాగగలరో ఇందులో చూపించారు. ఎక్కడా అసభ్యతకు తావులేకుండా, అత్యంత నాగరికంగా, కుటుంబ సమేతంగా చూడదగ్గ రీతిలో సన్నివేశాలను తీర్చిదిద్దారు.
ఆకట్టుకునే నటన, బింజ్ వాచ్ మేకింగ్
తండ్రి పాత్రలో జీవించిన రాజేష్ కుమార్ నటన సిరీస్‌కు ప్రధాన బలం. కూతురి భవిష్యత్తు గురించి తాపత్రయపడే పక్కా మధ్యతరగతి తండ్రిగా ఆయన ఒదిగిపోయారు. ధారగా నటించిన అద్రిజా సిన్హా, ఆమె స్నేహితురాలిగా చేసిన సౌమ్య ఉనియాల్ తమ నటనతో ఆకట్టుకున్నారు.
నెట్‌ఫ్లిక్స్ ఓటీటీలో
స్నేహితురాళ్ల మధ్య జరిగే సంభాషణలు మన ఇంట్లో లేదా పక్కింట్లో జరిగే సన్నివేశాల్లా అనిపిస్తాయి. ప్రథమార్ధంలో వచ్చే కామెడీ సీన్లు నవ్విస్తే, చివర్లో వచ్చే ఎమోషనల్ సీన్లు కంటతడి పెట్టిస్తాయి. వారాంతంలో ఎలాంటి ఒత్తిడి లేకుండా, హాయిగా ఇంట్లో కుటుంబంతో నెట్‌ఫ్లిక్స్ ఓటీటీలో చూసేయడానికి ఈ 5 ఎపిసోడ్ల వెబ్ సిరీస్ ఒక చక్కటి ఆప్షన్.
