E-Paper
Nagabandham OTT: మూడు వారాల్లోనే ఓటీటీలోకి రూ.100 కోట్ల డిజాస్టర్.. ఈ విజువల్ వండర్ స్ట్రీమింగ్ ఎప్పుడు? ఎక్కడ అంటే?
Nagabandham OTT: థియేటర్లలో రిలీజైన మూడు వారాల్లోనే ఓటీటీలోకి అడుగుపెడుతోంది తెలుగు మైథలాజికల్ యాక్షన్ థ్రిల్లర్ నాగబంధం. జులై 3న థియేటర్లలోకి రాగా.. ఈ వారమే అంటే జులై 24 న నాలుగు భాషల్లో డిజిటల్ ప్రీమియర్ కాబోతోంది.
Nagabandham OTT: ఎన్నో అంచనాల మధ్య ఏకంగా రూ. 110 కోట్ల భారీ బడ్జెట్తో తెరకెక్కిన మైథాలజికల్ ఫాంటసీ యాక్షన్ అడ్వెంచర్ 'నాగబంధం' (Nagabandham) సైలెంట్గా డిజిటల్ ఎంట్రీకి రెడీ అయింది. జులై 3న థియేటర్లలో గ్రాండ్గా విడుదలైన ఈ సినిమా బాక్సాఫీస్ దగ్గర దారుణమైన డిజాస్టర్గా నిలిచింది. ఆడియన్స్ ఆశించిన స్థాయిలో మెప్పించలేకపోయిన ఈ ప్రాజెక్ట్.. థియేట్రికల్ రిలీజ్ అయిన కేవలం 21 రోజులకే ఓటీటీలోకి వచ్చేస్తోంది.
ప్రైమ్ వీడియోలో స్ట్రీమింగ్
యంగ్ హీరో విరాట్ కర్ణ, గ్లామరస్ భామలు నభా నటేష్, ఐశ్వర్య మీనన్ లీడ్ రోల్స్ చేసిన నాగబంధం సినిమా ప్రముఖ ఓటీటీ జెయింట్ అమెజాన్ ప్రైమ్ వీడియో (Amazon Prime Video) లో స్ట్రీమింగ్ కానుంది.
ఈ శుక్రవారం అంటే జులై 24 నుంచి తెలుగు, తమిళం, కన్నడ, మలయాళ భాషల్లో ఈ సినిమా ఓటీటీ ఆడియన్స్కు అందుబాటులోకి రాబోతోంది. అయితే హిందీ వెర్షన్ డిజిటల్ రిలీజ్పై మేకర్స్ ఇంకా ఎలాంటి క్లారిటీ ఇవ్వలేదు.
110 కోట్ల భారీ బడ్జెట్.. బాక్సాఫీస్ డిజాస్టర్
భారతీయ పురాణాలు, గుప్త నిధుల అన్వేషణ బ్యాక్డ్రాప్లో ప్రసిద్ధ నిర్మాత, దర్శకుడు అభిషేక్ నామా ఈ సినిమాను పెద్ద విజువల్ వండర్ గా ప్లాన్ చేశారు. ఎన్ఐకే స్టూడియోస్, అభిషేక్ పిక్చర్స్ బ్యానర్లపై అత్యంత భారీ వ్యయంతో ఈ చిత్రాన్ని నిర్మించారు.
సినిమా కోసం నెక్స్ట్ లెవెల్ విజువల్ ఎఫెక్ట్స్ (VFX), ప్రమోషన్స్ చేసినప్పటికీ.. బలహీనమైన స్క్రీన్ప్లే వల్ల ప్రేక్షకులు థియేటర్లలో కనెక్ట్ కాలేకపోయారు. రూ. 110 కోట్ల బడ్జెట్కు తగ్గట్లుగా కలెక్షన్స్ రాబట్టడంలో దారుణంగా విఫలమవ్వడంతో బయ్యర్లు, డిస్ట్రిబ్యూటర్లు భారీగా నష్టపోయారు.
భారీ తారాగణం.. అయినా ఫ్లాప్
ఈ మైథలాజికల్ యాక్షన్ డ్రామాలో జగపతి బాబు, మహేష్ మంజ్రేకర్, మురళీ శర్మ, దక్ష నాగర్కర్, రిషబ్ సాహ్ని లాంటి పాపులర్ నటులు కీలక పాత్రల్లో కనిపించారు. ప్రతి పాత్రనూ కథలోని మిస్టరీకి లింక్ చేస్తూ డైరెక్టర్ అభిషేక్ నామా డిజైన్ చేశారు.
టెక్నికల్ సైడ్ చూస్తే.. సౌందర్ రాజన్ సినిమాటోగ్రఫీ గ్రాండ్ విజువల్స్ అందించగా, హాలీవుడ్ రేంజ్ వీఎఫ్ఎక్స్ వర్క్ కోసం టాప్ ప్రొడక్షన్ హౌసెస్ పనిచేశాయి. వ్లాడ్ రింబర్గ్ కొరియోగ్రఫీ చేసిన ఫైట్ సీన్స్, జునైద్ కుమార్-అభే అందించిన బ్యాక్గ్రౌండ్ స్కోర్ సినిమాకి మెయిన్ అసెట్గా నిలిచాయి.
ఓటీటీలో అయినా మ్యాజిక్ చేస్తుందా?
బాక్సాఫీస్ దగ్గర ఆశించిన వసూళ్లు సాధించలేకపోయినా, ఫాంటసీ అండ్ విజువల్ ఎఫెక్ట్స్ కంటెంట్ ఉన్న సినిమాలు డిజిటల్ ప్లాట్ఫామ్స్ పై మంచి వ్యూయర్షిప్ సాధిస్తుంటాయి. హోమ్ ఆడియన్స్ తరచుగా ఇలాంటి మిస్టరీ థ్రిల్లర్స్ను చూడటానికి ఆసక్తి చూపిస్తారు.
మరి 21 రోజుల్లోనే అమెజాన్ ప్రైమ్ వీడియోలోకి అడుగుపెడుతున్న ఈ 'నాగబంధం' సినిమా, ఓటీటీ స్పేస్లో ఎలాంటి రెస్పాన్స్ సొంతం చేసుకుంటుందో వేచి చూడాలి. ఒకవేళ మీరు థియేటర్లలో ఈ మూవీని మిస్ అయి ఉంటే.. ఈ వీకెండ్ ఓటీటీలో చూడటానికి ప్లాన్ చేేసేయండి.
