E-Paper
Nani: చిన్నోడు.. బక్కోడు.. మీవోడు.. అనిరుధ్ లాంటోడు ఇంతకుముందు లేరు, ఇకముందు ఉండరు.. దిష్టి తీయాలి.. నాని కామెంట్స్
Nani Comments In Yesha Nagula Song Launch: నేచురల్ స్టార్ నాని నటించిన లేటెస్ట్ మూవీ ది ప్యారడైజ్. తాజాగా అమెరికాలోని డల్లాస్లో జరిగిన అనిరుధ్ రవిచందర్ కాన్సర్ట్లో ది ప్యారడైజ్ సినిమాలోని ఏష నాగుల సాంగ్ను విడుదల చేశారు. ఈ ఈవెంట్లో నాని చేసిన కామెంట్స్ సోషల్ మీడియాలో వైరల్ అవుతున్నాయి.
Prefer HTon Google
Nani Comments In Yesha Nagula Song Launch: నేచురల్ స్టార్ నాని నటించిన లేటెస్ట్ మూవీ ది ప్యారడైజ్. ఈ సినిమాకు దసరా ఫేమ్ శ్రీకాంత్ ఓదెల దర్శకత్వం వహించారు. దసరా తర్వాత నాని, శ్రీకాంత్ ఓదెల కాంబినేషన్లో వస్తున్న సినిమా కావడంతో ది ప్యారడైజ్పై భారీ అంచనాలు ఉన్నాయి.
విలన్గా కలెక్షన్ కింగ్
అందులోనూ ఈ సినిమాలో కలెక్షన్ కింగ్ మోహన్ బాబు విలన్గా చేస్తున్నారనే విషయం తెలియడంతో మరింత హైప్ పెరిగింది. అంతేకాకుండా కాసర్ల శ్యామ్ రాసిన ఆయా షేర్ సాంగ్ విడుదల అయ్యాక నెక్ట్స్ లెవెల్ రేంజ్లో ది ప్యారడైజ్ మూవీపై అంచనాలు పెరిగాయి.
ఆకాశాన్ని తాకేలా అంచనాలు
ఇవేకాదు సంగీత దర్శకుడు అనిరుధ్ రవిచందర్ మ్యూజిక్, ది ప్యారడైజ్ టీజర్, గ్లింప్స్, డైలాగ్స్, అన్ని ఈ సినిమాపై ఎక్స్పెక్టేషన్స్ ఆకాశాన్ని తాకేలా చేశాయి. ఇక గత కొద్ది రోజుల నుంచి తెలంగాణలో సూపర్ హిట్ అయిన మరో ఫోక్ సాంగ్ ఏష నాగుల కట్ట మీద పాటను ది ప్యారడైజ్లో పెట్టారని వార్తలు వచ్చిన విషయం తెలిసిందే.
ఏష నాగుల కట్ట మీద సాంగ్ రిలీజ్
తాజాగా ఆ సాంగ్ను విడుదల కూడా చేశారు. అమెరికాలోని డల్లాస్లో అనిరుధ్ రవిచందర్ లైవ్ మ్యూజిక్ కాన్సర్ట్ జరిగింది. ఈ ఈవెంట్లో ది ప్యారడైజ్ రెండో సింగిల్ ఏష నాగుల కట్ట మీద సాంగ్ను అనిరుధ్ విడుదల చేశాడు. అంతేకాకుండా స్టేజీపై పాట పాడుతూ, డ్యాన్స్ చేస్తూ అభిమానులను తెగ ఎంటర్టైన్ చేశాడు అనిరుధ్.
నాని మాస్ ఎంట్రీ
సాంగ్ లాంచ్ తర్వాత హీరో నాని స్టేజీపైకి సడెన్ ఎంట్రీ ఇచ్చి అందరిని ఆశ్చర్యపరిచాడు. రెండు రెక్కలు ఉన్న బ్లాక్ జాకెట్తో మాసీగా స్టేజీపైకి హీరో నాని ఇచ్చిన ఎంట్రీ వీడియోలు సోషల్ మీడియాలో తెగ వైరల్ అవుతున్నాయి. అంతేకాకుండా ఏష నాగుల కట్ట మీద పాటకు అనిరుధ్ రవిచందర్తో కలిసి నాని మాస్ డ్యాన్స్ వేశాడు.
నాని ఇంట్రెస్టింగ్ కామెంట్స్
దాంతో స్టేజ్ అంతా హోరెత్తిపోయింది. ఏష నాగుల కట్ట మీద సాంగ్ లాంచ్, నాని డ్యాన్స్ తర్వాత అందరిని ఉద్దేశించి నేచురల్ స్టార్ ఇంట్రెస్టింగ్ కామెంట్స్ చేశాడు. ఇప్పుడు అమెరికా స్టేజీపై నాని చేసిన కామెంట్స్ వీడియో సోషల్ మీడియాలో తెగ ట్రెండ్ అవుతున్నాయి.
మనది చాలా లక్కీ జెనరేషన్
"అనిరుధ్ లాంటి వాళ్లు ఇంతకుముందు లేరు, ఇకముందు ఉండరు. కేవలం మనకు మాత్రమే అనిరుధ్ ఉన్నాడు. మనది చాలా లక్కీ జెనరేషన్" అని నాని అన్నాడు. దాంతో స్టేజ్ అంతా హోరెత్తిపోయింది. నాని కాళ్లకు అనిరుధ్ నమస్కారం చేయబోయాడు.
చిన్నోడు.. బక్కోడు..
"శ్రీకాంత్.. అని.. నేను.. ప్యారడైజ్తో థియేటర్లలో కలుసుకుందాం. చిన్నోడు (శ్రీకాంత్ ఓదెల).. బక్కోడు (అనిరుధ్ రవిచందర్).. మీవోడు (నాని)" అని నాని అనగానే డల్లాస్ స్టేజ్ అంతా అరుపులతో హోరెత్తింది. నాని మాటలకు అనిరుధ్ నవ్వాడు.
మనందరికి దిష్టి తీయాలి
"నేను ఇప్పుడు ఒక పని చేస్తాను. నాతోపాటు చేస్తారా. ఇంత బ్యూటిఫుల్ ఈవెనింగ్ ఎంజాయ్ చేసిన మనందరికి దిష్టి తీయాలి. అంతే కదా" అని నాని అన్నాడు. దానికి అంతా సరేనని కేకలు పెట్టారు. నాతోపాటు మీరందరూ చెప్పండి అని.. ది ప్యారడైజ్ సినిమాలోని దిష్టి తీసే డైలాగ్ చెప్పించాడు హీరో నాని.
నల్లికుట్లోని దిష్టి
నల్లికుట్లోని దిష్టి అన్నప్పుడు అనిరుధ్ తలపై చేత్తో నాని అనడంతో అంతా నవ్వారు. బెదురుగుడ్లోని దిష్టి అన్నప్పుడు తనపై తిప్పుకున్నాడు నాని. దీనికి సంబంధించిన వీడియో నెట్టింట్లో తెగ ట్రెండ్ అవుతోంది.
