Nani Reaction: నేచురల్ స్టార్ నాని నటించిన మోస్ట్ ఏవైటెడ్ పీరియాడికల్ యాక్షన్ డ్రామా 'ది పారడైజ్' థియేటర్లలోకి వచ్చి బాక్సాఫీస్ దగ్గర హల్చల్ చేస్తోంది. ఒకపక్క రికార్డ్ ఓపెనింగ్స్ సాధిస్తున్నప్పటికీ, మరోపక్క సినిమాపై నెటిజన్ల నుంచి ట్రోల్స్, క్రిటిక్స్ నుంచి మిక్స్డ్ రివ్యూస్ వస్తున్నాయి. ఈ పరిస్థితుల్లో హీరో నాని సోషల్ మీడియా వేదికగా చేసిన ఎమోషనల్ పోస్ట్ ఇప్పుడు ట్రెండింగ్ లోకి వచ్చింది.
ట్రోల్స్ కూడా ఎంజాయ్ చేశా
ఆడియెన్స్ నుంచి వచ్చిన ప్రతీ రెస్పాన్స్ ని తాను గమనించానని నాని తన ఎక్స్ ఖాతాలో పేర్కొన్నాడు. "మీరు చూపిస్తున్న ప్రేమని ఎంతగా స్వీకరించానో, మీ నుంచి వచ్చిన నవ్వు తెప్పించే ట్రోల్స్ ని కూడా అంతే ఎంజాయ్ చేశాను. ఆడియెన్స్ ఈ సినిమాని తమ సొంతం చేసుకున్న తీరు నా మనసుని తాకింది. క్రిటిక్స్, రివ్యూవర్స్ వేలెత్తి చూపించిన తప్పుల నుంచి చాలా విషయాలు నేర్చుకున్నాను" అని నాని ఓపెన్ గా స్టేట్మెంట్ ఇచ్చాడు.
సినిమా తీసేటప్పుడు ఎదురయ్యే కష్టాలను ప్రస్తావిస్తూ నాని మరిన్ని ఆసక్తికర వ్యాఖ్యలు చేశాడు. "ఎంతో రక్తం, చెమట చిందించి 'ది పారడైజ్' సినిమాని ఒక ప్రత్యేకమైన ఎక్స్పీరియన్స్ ఇవ్వడానికి తెరకెక్కించాం. ఈ సినిమాని సెలబ్రేట్ చేసుకోవడం లేదా జడ్జ్ చేయడం పూర్తిగా మీ చేతుల్లోనే ఉంది. మీరు నాపై చూపించిన ప్రేమ, చూపించిన ఉత్సాహానికి మనస్ఫూర్తిగా థ్యాంక్స్ చెప్తున్నా" అంటూ తన ఫ్యాన్స్ కి కృతజ్ఞతలు తెలిపాడు.
శ్రీకాంత్ ఓదెల కాంబో.. 'దసరా' క్రేజ్ తో వచ్చిన ప్రయోగం
'దసరా' లాంటి ఇండస్ట్రీ హిట్ తర్వాత దర్శకుడు శ్రీకాంత్ ఓదెల, నాని కాంబినేషన్ లో వచ్చిన రెండో సినిమా కావడంతో 'ది పారడైజ్' పై ట్రేడ్ లో ఆకాశాన్నంటే అంచనాలు ఏర్పడ్డాయి. 1980ల నాటి సికింద్రాబాద్ పారడైజ్ ప్రాంత నేపథ్యంతో 'జడల్' అనే రా అండ్ రస్టిక్ రోల్ లో నాని పవర్ ఫుల్ పర్ఫార్మన్స్ ఇచ్చాడు. అనిరుధ్ రవిచందర్ ఇచ్చిన బ్యాక్గ్రౌండ్ స్కోర్, విజువల్స్ కి ప్రశంసలు దక్కుతున్నాయి.
{{/usCountry}}'దసరా' లాంటి ఇండస్ట్రీ హిట్ తర్వాత దర్శకుడు శ్రీకాంత్ ఓదెల, నాని కాంబినేషన్ లో వచ్చిన రెండో సినిమా కావడంతో 'ది పారడైజ్' పై ట్రేడ్ లో ఆకాశాన్నంటే అంచనాలు ఏర్పడ్డాయి. 1980ల నాటి సికింద్రాబాద్ పారడైజ్ ప్రాంత నేపథ్యంతో 'జడల్' అనే రా అండ్ రస్టిక్ రోల్ లో నాని పవర్ ఫుల్ పర్ఫార్మన్స్ ఇచ్చాడు. అనిరుధ్ రవిచందర్ ఇచ్చిన బ్యాక్గ్రౌండ్ స్కోర్, విజువల్స్ కి ప్రశంసలు దక్కుతున్నాయి.
{{/usCountry}}అయితే ఫస్టాఫ్ లో ఉన్న మాస్ ఎలివేషన్స్, సీరియస్ టోన్ సెకండ్ హాఫ్ లో మిస్ అయ్యాయని, నెరేషన్ స్లో అయిందనే విమర్శలు రివ్యూవర్స్ నుంచి వచ్చాయి. సోషల్ మీడియాలో కూడా సెకండ్ హాఫ్ సీన్లపై రకరకాల మీమ్స్, ట్రోల్స్ వైరల్ అయ్యాయి. సాధారణంగా తమ సినిమాలపై వచ్చే నెగెటివిటీని పట్టించుకోని హీరోలు ఉన్న ఈ రోజుల్లో, నాని మాత్రం ట్రోల్స్ ని కూడా పాజిటివ్ గా తీసుకోవడం ఫ్యాన్స్ ని ఇంప్రెస్ చేస్తోంది.
బాక్సాఫీస్ దగ్గర నాని రికార్డు కలెక్షన్స్
రివ్యూలు మిశ్రమంగా ఉన్నప్పటికీ బాక్సాఫీస్ దగ్గర నాని సత్తా చాటుతున్నాడు. నైజాం సెంటర్ తో పాటు ప్రపంచ వ్యాప్తంగా అడ్వాన్స్ బుకింగ్స్, పెయిడ్ ప్రీమియర్స్ ద్వారానే రూ. 40 కోట్లకు పైగా గ్రాస్ రాబట్టి నాని కెరీర్ లోనే బిగ్గెస్ట్ ఓపెనర్ గా నిలిచింది. సుధాకర్ చెరుకూరి అత్యంత భారీ బడ్జెట్ తో నిర్మించిన ఈ సినిమా లాంగ్ రన్ లో ఎలాంటి వసూళ్లు సాధిస్తుందో చూడాలి.
క్రిటిక్స్ చెప్పిన పాయింట్స్ ని స్వీకరిస్తూనే, ఆడియెన్స్ ట్రోల్స్ ని స్పోర్టివ్ గా తీసుకున్న నాని మెచ్యూరిటీపై మూవీ లవర్స్ ప్రశంసలు కురిపిస్తున్నారు. తన నెక్స్ట్ ప్రాజెక్ట్స్ లో ఇలాంటి మిస్టేక్స్ రిపీట్ కాకుండా జాగ్రత్తపడతానని నాని ఇండైరెక్ట్ గా సిగ్నల్ ఇచ్చినట్లయింది.