Anil Venky OTT: ఇంకా కొబ్బరికాయనే కొట్టలేదు..అప్పుడే అనిల్ రావిపూడి-వెంకీ సినిమాకు అదిరే ఓటీటీ డీల్.. మామూలు క్రేజ్ కాదు

Anil Venky OTT: సినిమా కంప్లీట్ అయ్యాక, లేదంటే షూటింగ్ మధ్యలోనే ఉండగా ఓటీటీ డీల్స్ జరగడం తెలిసిందే. అయితే ఇంకా కొబ్బరికాయ కూడా కొట్టని అనిల్ రావిపూడి డైరెక్షన్ లో వెంకటేష్, కల్యాణ్ రామ్ చేస్తున్న మూవీకి అదిరే ఓటీటీ డీల్ ఫిక్స్ అయినట్లు తెలిసింది.

Anil Venky OTT: అపజయమే తెలియని డైరెక్టర్ అనిల్ రావిపూడి. 9 సినిమాలు తీసిన అతను, అన్ని హిట్లు కొట్టాడు. ఒక్కో సినిమాకు తన కలెక్షన్ల రేంజ్ పెంచుకుంటూ పోతున్నాడు. దీంతో ఈ డైరెక్టర్ కు క్రేజ్ మూమూలుగా ఏర్పడలేదు. ఇప్పుడు విక్టరీ వెంకటేష్, నందమూరి కల్యాణ్ రామ్ తో చేస్తున్న సినిమాకు కొబ్బరికాయ కూడా కొట్టకముందే ఓటీటీ డీల్ పూర్తి కావడమే అందుకు నిదర్శనం.

అనిల్-వెంకీ ఓటీటీ

కల్యాణ్ రామ్, వెంకటేష్, అనిల్ రావిపూడి (x/AnilRavipudi)

విక్టరీ వెంకటేష్, నందమూరి కల్యాణ్ రామ్ తో మల్టీస్టారర్ చేస్తున్నట్లు ఇప్పటికే డైరెక్టర్ అనిల్ రావిపూడి ప్రకటించేశాడు. అయితే ఈ మూవీ షూటింగ్ ఇంకా స్టార్ట్ కాలేదు. పూజ కార్యక్రమం కూడా నిర్వహించలేదు. కానీ ఈ మూవీ ఓటీటీ డీల్ కంప్లీట్ అయిందనే బజ్ వైరల్ గా మారింది.

రికార్డు రేట్

అనిల్ రావిపూడి దర్శకత్వంలో వెంకటేష్, కల్యాణ్ రామ్ హీరోలుగా చేస్తున్న ఈ మూవీ ఓటీటీ డీల్ అదిరిందనే టాక్ ఉంది. ఈ హీరోలతో పాటు డైరెక్టర్ కెరీర్ లోనే అత్యధికంగా రూ.70 కోట్లకు ఈ మూవీ నాన్ థియేట్రికల్ రైట్స్ ను జీ స్టూడియోస్ దక్కించుకుందని తెలిసింది.

అదే సెంటిమెంట్

కొంతకాలంగా అనిల్ రావిపూడి సినిమాల హక్కులను జీ స్టూడియోస్ కొనుగోలు చేస్తూ వస్తోంది. సంక్రాంతికి వస్తున్నాం, మన శంకర వరప్రసాద్ గారు మూవీస్ రైట్స్ ను జీ స్టూడియోసే దక్కించుకుంది. అందుకే ఈ సినిమాలు ఓటీటీలో జీ5లో, టీవీలోనేమో జీ తెలుగు ఛానెల్ లో వస్తున్నాయి. ఇప్పుడు కొత్త మూవీకి కూడా అదే సెంటిమెంట్ కంటిన్యూ అయింది.

ఎందుకా నమ్మకం?

ప్రేక్షకులను థియేటర్లకు రప్పించి, హాయిగా నవ్వి పంపించే సత్తా అనిల్ కు ఉందని ఇప్పటికే ప్రూవ్ అయింది. పటాస్ నుంచి మన శంకర వరప్రసాద్ గారు అనిల్ లెక్క తప్పిందే లేదు. అందుకే ఇప్పుడు అనిల్ సినిమా అంటే చాలు ఎక్కడలేని క్రేజ్ కలుగుతోందని ఇండస్ట్రీ వర్గాలు అంటున్నాయి.

అయిదో సినిమా

విక్టరీ వెంకటేష్- అనిల్ రావిపూడి కాంబినేషన్లో రాబోతున్న అయిదో సినిమా ఇది. ఇప్పటికే వీళ్లు ఎఫ్1, ఎఫ్2, సంక్రాంతికి వస్తున్నాం, మన శంకర వరప్రసాద్ గారు సినిమాల కోసం కలిసి పనిచేశారు. మరోవైపు నందమూరి కల్యాణ్ రామ్- అనిల్ కాంబోలో ఇది రెండో చిత్రం. కల్యాణ్ రామ్ హీరోగా నటించిన పటాస్ మూవీతోనే డైరెక్టర్ గా అనిల్ డెబ్యూ చేశాడు.