OTT Weekend: ఓటీటీ ప్రియులకు ఈ వీకెండ్ గ్రాండ్ ఎంటర్టైన్మెంట్ లభించనుంది. కామెడీ, గ్యాంగ్‌స్టర్ డ్రామా, ఫ్యామిలీ ఎమోషన్స్, వెన్నులో వణుకు పుట్టించే హారర్ థ్రిల్లర్లతో ప్రముఖ డిజిటల్ స్పాట్‌లైట్ హబ్‌లు నెట్‌ఫ్లిక్స్, సోనీలివ్‌లు సిద్ధమయ్యాయి. అక్టోబర్ 28 నుంచి 30 మధ్య ప్రేక్షకుల ముందుకు రాబోతున్న ఆ 5 బిగ్గెస్ట్ ఓటీటీ రిలీజ్‌ల పూర్తి వివరాలు ఇవే.
1. అక్క (Akka - Netflix Series) — అక్టోబర్ 30
నేషనల్ అవార్డు విన్నర్ కీర్తి సురేష్, విలక్షణ నటి రాధికా ఆప్టే కాంబినేషన్‌లో వస్తున్న హై-వోల్టేజ్ పీరియాడిక్ గ్యాంగ్‌స్టర్ డ్రామా 'అక్క'. 1980ల నాటి 'పెర్నూరు' అనే ఊహాజనిత రాజ్యం నేపథ్యంలో వైఆర్ఎఫ్ ఎంటర్‌టైన్‌మెంట్స్ నిర్మించిన ఈ సిరీస్‌తో ధర్మరాజ్ శెట్టి దర్శకుడిగా పరిచయమవుతున్నారు.
ఇందులో కీర్తి సురేష్ 'భవాని'గా, రాధికా ఆప్టే 'రుద్ర'గా కనిపించనున్నారు. అధికారం, పగ, ప్రతీకారం, తమ సామ్రాజ్యాన్ని కాపాడుకోవడానికి ఇద్దరు పవర్‌ఫుల్ మహిళల మధ్య సాగే రక్తపాతం, హోరాహోరీ పోరాటం ఈ సిరీస్ ప్రధాన కథాంశం. తన్వి అజ్మీ, మహేష్ మంజ్రేకర్ కీలక పాత్రలు పోషించిన ఈ సిరీస్ అక్టోబర్ 30 నుంచి నెట్‌ఫ్లిక్స్‌లో స్ట్రీమింగ్ కానుంది.
2. డిండోరా: సీజన్ 1 (Dhindora Season 1) — అక్టోబర్ 28
యూట్యూబ్ సెన్సేషన్, కామెడీ స్టార్ భువన్ బామ్ (Bhuvan Bam) నటించిన బ్లాక్‌బస్టర్ కామెడీ సిరీస్ 'డిండోరా'. ఒరిజినల్‌గా యూట్యూబ్‌లో సంచలనం సృష్టించిన ఈ షో మొదటి సీజన్ ఇప్పుడు అధికారికంగా నెట్‌ఫ్లిక్స్‌లోకి అడుగుపెట్టింది.
ఒక సాధారణ మిడిల్ క్లాస్ కుటుంబంలో తండ్రి బబ్లూకు ఏకంగా రూ. 11 కోట్ల లాటరీ తగలడంతో వారి జీవితాలు ఎలాంటి మలుపులు తిరిగాయి? ఆకస్మికంగా వచ్చిన కోట్ల రూపాయల సంపద వల్ల ఆ కుటుంబంలో ఎలాంటి హస్యస్పద పరిస్థితులు, గందరగోళాలు నెలకొన్నాయనేదే ఈ షో కథ. ఇందులో భువన్ బామ్ స్వయంగా పలు విభిన్న పాత్రలలో అలరించడం విశేషం.
3. బత్తా (Baththa - Vijay Sethupathi Film) — అక్టోబర్ 29
మక్కల్ సెల్వన్ విజయ్ సేతుపతి కథానాయకుడిగా దర్శకుడు బాలాజీ తరణీధరన్ తెరకెక్కించి, అట్లీ ప్రెసెంట్ చేసిన తమిళ పీరియాడిక్ గ్యాంగ్‌స్టర్ యాక్షన్ మూవీ 'బత్తా'. ఉత్తర చెన్నై నేపథ్యంలో సాగే ఈ సినిమాలో ఒక భయంకరమైన డోన్ (గ్యాంగ్‌స్టర్) జీవితంలోకి ఒక 8 ఏళ్ల చిన్నారి అడుగుపెట్టిన తర్వాత అతని ప్రవర్తనలో, మనస్తత్వంలో ఎలాంటి మార్పులు వచ్చాయనేది ఎమోషనల్గా చూపించారు.
{{/usCountry}}మక్కల్ సెల్వన్ విజయ్ సేతుపతి కథానాయకుడిగా దర్శకుడు బాలాజీ తరణీధరన్ తెరకెక్కించి, అట్లీ ప్రెసెంట్ చేసిన తమిళ పీరియాడిక్ గ్యాంగ్‌స్టర్ యాక్షన్ మూవీ 'బత్తా'. ఉత్తర చెన్నై నేపథ్యంలో సాగే ఈ సినిమాలో ఒక భయంకరమైన డోన్ (గ్యాంగ్‌స్టర్) జీవితంలోకి ఒక 8 ఏళ్ల చిన్నారి అడుగుపెట్టిన తర్వాత అతని ప్రవర్తనలో, మనస్తత్వంలో ఎలాంటి మార్పులు వచ్చాయనేది ఎమోషనల్గా చూపించారు.
{{/usCountry}}లిజోమోల్ జోస్, మాస్టర్ సాయి పృథ్వీరాజ్ కీలక పాత్రల్లో నటించిన ఈ సినిమా అక్టోబర్ 29 నుంచి తమిళంతో పాటు తెలుగు, హిందీ, కన్నడ, మలయాళ భాషలలో నెట్‌ఫ్లిక్స్‌లో స్ట్రీమింగ్ కానుంది.
4. మీఠే మే క్యా హై (Meethe Mein Kya Hai) —అక్టోబర్ 30
దీపావళి పండుగ వాతావరణంలో మనస్పర్ధలు ఉన్న ఒక కుటుంబం తిరిగి ఎలా ఒకటైంది అనే ఫీల్-గుడ్ ఎమోషనల్ కథాంశంతో రూపొందిన ఫ్యామిలీ డ్రామా 'మీఠే మే క్యా హై'. రిత్విక్ భౌమిక్, రోహిణి హట్టంగడి, అయేషా రజా మిశ్రా ప్రధాన పాత్రల్లో నటించిన ఈ సినిమా కుటుంబ సమేతంగా వీక్షించడానికి నెట్‌ఫ్లిక్స్‌లో అక్టోబర్ 30 నుంచి అందుబాటులోకి రానుంది.
5. ఇమ్మోర్టల్ (Immortal - SonyLIV Film) — అక్టోబర్ 30
సంగీత దర్శకుడు, నటుడు జీవీ ప్రకాష్ కుమార్ (G.V. Prakash Kumar), కయాదు లోహర్ జంటగా నటించిన తమిళ రొమాంటిక్ మైథాలజికల్ హారర్ థ్రిల్లర్ 'ఇమ్మోర్టల్'. మరియప్పన్ చిన్న దర్శకత్వంలో తెరకెక్కిన ఈ చిత్రంలో పక్క ఇంట్లో ఉండే ఒక అందమైన యువతిపై ప్రేమ పెంచుకున్న కథానాయకుడి జీవితంలోకి ఎలాంటి భయంకరమైన ఆత్మలు, సూపర్‌నేచురల్ శక్తులు ప్రవేశించాయనేది ప్రధాన కథ. సీట్-ఎడ్జ్ హారర్ అనుభవాన్ని పంచే ఈ చిత్రం అక్టోబర్ 30 నుంచి సోనీలివ్ (SonyLIV) లో ప్రసారం కానుంది.