OTT Release: డైరెక్ట్‌గా ఓటీటీలోకి వ‌చ్చేస్తున్న ఫ్యామిలీ ఎంట‌ర్‌టైన‌ర్‌..పంకజ్ త్రిపాఠి, అదితి రావ్ హైదరి క్రేజీ కాంబో!

OTT Release: బాలీవుడ్ విలక్షణ నటుడు పంకజ్ త్రిపాఠి, అందాల భామ అదితి రావ్ హైదరి క్రేజీ కాంబోలో ఫ్యామిలీ ఎంటర్‌టైనర్ వచ్చేస్తోంది. ఈ మూవీ డైరెక్ట్ గా ఓటీటీలోనే రిలీజ్ కానుంది. ఈ సినిమా పూర్తి వివరాలను ఇక్కడ చూసేయండి.

OTT Release: కుటుంబమంతా కలిసి కూర్చుని చూసే అచ్చమైన ఫ్యామిలీ సినిమాలకు ఎప్పుడూ మంచి ఆదరణ ఉంటుంది. ఎలాంటి అసభ్యకరమైన సన్నివేశాలు, మాటలు లేకుండా ఆహ్లాదకరంగా సాగే చిత్రాలను ఓటీటీ ఆడియన్స్ ఎగబడి చూస్తుంటారు. సరిగ్గా అలాంటి ఒక ప్యూర్ ఫ్యామిలీ ఎంటర్‌టైనర్ తో ఆడియన్స్ ముందుకు రాబోతున్నారు పంకజ్ త్రిపాఠి, అదితి రావ్ హైదరి.

పరివారిక్ మనురంజన్ ఓటీటీ

డైరెక్ట్‌గా ఓటీటీలోకి వ‌చ్చేస్తున్న ఫ్యామిలీ ఎంట‌ర్‌టైన‌ర్‌..పంకజ్ త్రిపాఠి, అదితి రావ్ హైదరి క్రేజీ కాంబో! (x/SonyLIV)

పంకజ్ త్రిపాఠి, అదితి రావ్ హైదరి కాంబినేషన్‌లో వస్తున్న సోనీ లివ్ (Sony LIV) ఒరిజినల్ మూవీనే 'పారివారిక్ మనురంజన్'. దీపావళి పండుగ వాతావరణం ముగిసిన వెంటనే, నవంబర్ 13న మీ కుటుంబ సమేతంగా కలిసి చూసేందుకు ఈ సినిమా సిద్ధంగా ఉందని మేకర్స్ అధికారికంగా ప్రకటించారు. ఓటీటీలో ఈ సినిమా డైరెక్ట్ గా నవంబర్ 13న రిలీజ్ కానుంది.

తొలిసారి పంకజ్, అదితి రావ్ హైదరి మ్యాజిక్

విభిన్నమైన పాత్రలతో మెప్పించే పంకజ్ త్రిపాఠి.. తనదైన గ్లామర్, యాక్టింగ్ తో ఆకట్టుకునే అదితి రావ్ హైదరి మొదటిసారి స్క్రీన్ షేర్ చేసుకోవడం ఈ సినిమాకు ప్రధాన ఆకర్షణగా నిలవనుంది. పంకజ్ త్రిపాఠి నటన ఎంతో సహజంగా ఉంటుందని, ఆయన హ్యూమర్ టైమింగ్ వల్ల ప్రతి సీన్ ఎంతో ఫన్ గా వచ్చిందని, ఆయనతో కలిసి నటించడం చాలా ఆనందాన్ని ఇచ్చిందని అదితి రావ్ హైదరి తెలిపారు.

ఇక పంకజ్ త్రిపాఠి సైతం ఈ ప్రాజెక్ట్ పట్ల చాలా ఉత్సాహంగా ఉన్నారు. "ఇదొక సింపుల్ కథ. ఇందులోని పాత్రలు మనకు ఎంతో దగ్గరగా అనిపిస్తాయి. రొమాన్స్, ఫ్యామిలీ ఎమోషన్స్, హ్యూమర్.. అన్నీ పర్ఫెక్ట్ గా కుదిరిన చిత్రమిది" అని పంకజ్ పేర్కొన్నారు.

భారీ నిర్మాణ సంస్థల కలయికలో..

ప్రస్తుతం ఓటీటీలో ఎక్కడ చూసినా యాక్షన్, క్రైమ్, థ్రిల్లర్ సిరీస్ ల హవా నడుస్తోంది. ఇలాంటి సమయంలో మనసుకు హాయినిచ్చే ఒక పూర్తి కుటుంబ కథ అనుభూతిని ఈ సినిమా ప్రేక్షకులకు పంచబోతోందని సోనీ లివ్ సంస్థ నమ్మకంగా చెబుతోంది. ఇంకెందుకు ఆలస్యం.. నవంబర్ 13న మీ ఫ్యామిలీతో కలిసి ఈ 'పరివారిక్ మనురంజన్' ను ఎంజాయ్ చేసేందుకు క్యాలెండర్ లో డేట్ మార్క్ చేసుకోండి!