E-Paper
Varun Tej Bhari: చెల్లి ప్రొడ్యూసర్.. బాబాయ్ పవన్ కల్యాణ్ తొలి క్లాప్.. వరుణ్ తేజ్ స్పోర్ట్స్ డ్రామా బరి ప్రారంభం
Varun Tej Bhari: వరుణ్ తేజ్ కొత్త మూవీ బరి షూటింగ్ శనివారం (మార్చి 28) ప్రారంభమైంది. ఇదో స్పోర్ట్స్ డ్రామా. దీనికి వరుణ్ చెల్లి నిహారిక ప్రొడ్యూసర్ కాగా.. బాబాయ్ పవన్ కళ్యాణ్ తొలి క్లాప్ ఇచ్చి షూటింగ్ మొదలుపెట్టడం విశేషం.
Varun Tej Bhari: మెగా ప్రిన్స్ వరుణ్ తేజ్ హీరోగా నటించబోతున్న లేటెస్ట్ స్పోర్ట్స్ డ్రామా బరి. ఈ సినిమా లాంచింగ్ శనివారం (మార్చి 28) చాలా గ్రాండ్గా జరిగింది. అయితే ఈ పూజా కార్యక్రమానికి ఏపీ డిప్యూటీ సీఎం, పవర్ స్టార్ పవన్ కళ్యాణ్ ముఖ్య అతిథిగా హాజరై చిత్ర బృందానికి తన బెస్ట్ విషెస్ అందించడం ఇప్పుడు టాలీవుడ్లో పెద్ద హాట్ టాపిక్గా మారింది. వరుణ్ పై అతడే తొలి క్లాప్ ఇచ్చాడు.
బాబాయ్ రాకతో అమాంతం పెరిగిన జోష్..
ఈ మధ్యే ఉస్తాద్ భగత్ సింగ్ మూవీతో ప్రేక్షకుల ముందుకు వచ్చిన పవన్ కళ్యాణ్.. తాజాగా వరుణ్ తేజ్ సినిమా బరి షూటింగ్ ను క్లాప్ ఇచ్చి ప్రారంభించాడు. ఈ ఈవెంట్లో బాబాయ్ పవన్ కళ్యాణ్, అబ్బాయి వరుణ్ తేజ్ కలిసి ఉన్న ఫోటోలు, వీడియోలు ఇప్పుడు సోషల్ మీడియాలో ఓ రేంజ్లో వైరల్ అవుతున్నాయి. పవన్ కళ్యాణ్ రాకతో ఈ ప్రాజెక్ట్కు స్టార్టింగ్లోనే అదిరిపోయే హైప్ వచ్చేసింది.
అన్నయ్య కోసం రంగంలోకి దిగిన నిహారిక..
ఈ సినిమాకు ఉన్న మరో పెద్ద స్పెషాలిటీ ఏంటంటే.. మెగా డాటర్ నిహారిక కొణిదెల ఈ చిత్రాన్ని నిర్మిస్తోంది. ఒక పక్క యాక్టర్గా మెప్పిస్తూనే, మరోపక్క ప్రొడ్యూసర్గా తనకంటూ ఒక మంచి ఇమేజ్ క్రియేట్ చేసుకోవడానికి నిహారిక చాలా కష్టపడుతోంది. ఇప్పుడు ఏకంగా తన సొంత అన్నయ్య వరుణ్ తేజ్ కోసం ఆమె ఒక పెద్ద ప్రాజెక్ట్ టేకప్ చేయడం విశేషం.
అన్నాచెల్లెళ్ల కాంబినేషన్లో వస్తున్న సినిమా కావడంతో అటు ఫ్యామిలీ మెంబర్స్లోనూ, ఇటు ప్రేక్షకుల్లోనూ మంచి అంచనాలు క్రియేట్ అయ్యాయి. ప్రొడ్యూసర్గా నిహారిక కెరీర్కు ఈ మూవీ ఒక పెద్ద టర్నింగ్ పాయింట్ అవుతుందని ఇండస్ట్రీ వర్గాలు అనుకుంటున్నాయి.
సరికొత్త కాన్సెప్ట్తో వస్తున్న బరి మూవీ
కెరీర్ స్టార్టింగ్ నుంచి వరుణ్ తేజ్ ఎప్పుడూ రొటీన్ సినిమాలకు దూరంగా ఉంటూ, డిఫరెంట్ కాన్సెప్ట్స్ ట్రై చేస్తుంటాడు. ఇప్పుడు ఈ బరి అనే టైటిల్ వింటుంటేనే ఇదొక సాలిడ్ స్పోర్ట్స్ యాక్షన్ ఎంటర్టైనర్ అని అర్థం అవుతోంది. టైటిల్కు తగ్గట్లే ఈ సినిమాను చాలా గ్రాండ్ స్కేల్లో తెరకెక్కించడానికి మేకర్స్ గట్టిగానే ప్లాన్ చేస్తున్నారు.
కమిటీ కుర్రాళ్లు ఫేమ్ యధు వంశీ ఈ బరి సినిమాను డైరెక్ట్ చేస్తున్నాడు. మూవీ టైటిల్ ను శుక్రవారం (మార్చి 27) అనౌన్స్ చేయగా.. ఇప్పుడు పూజా కార్యక్రమాలతో షూటింగ్ కూడా మొదలుపెట్టేశారు. ఈ మూవీ పోస్టర్ కూడా ఆసక్తి రేపుతోంది. ఓ ఊళ్లో రసవత్తరంగా సాగుతున్న వాలీబాల్ పోటీలను ఇందులో చూడొచ్చు.
వరుణ్ తేజ్ ప్రస్తుతం కొరియన్ కనకరాజు అనే మరో మూవీ షూటింగ్ తోనూ బిజీగా ఉన్నాడు. ఇదో హారర్ కామెడీ సినిమా. మేర్లపాక గాంధీ డైరెక్ట్ చేస్తున్నాడు. ఇప్పుడీ స్పోర్ట్స్ డ్రామాతోనూ వరుణ్ ఆసక్తి రేపుతున్నాడు. మరి ఈ అన్నాచెల్లెళ్లు వరుణ్, నిహారిక కలిసి ఏం మ్యాజిక్ చేస్తారో చూడాలి.
