Peddi One Week Collections: పెద్ది వారం కలెక్షన్లు ఇవే.. ఇండియాలో ఏ రోజు ఎన్ని కోట్లు వచ్చాయో తెలుసా? ఆ వివాదాన్ని దాటి

Peddi One Week Collections: రామ్ చరణ్, బుచ్చిబాబు సాన కాంబినేషన్‌లో వచ్చిన ‘పెద్ది’ బాక్సాఫీస దగ్గర ఫస్ట్ వీక్ కంప్లీట్ చేసుకుంది. వివాదాన్ని దాటి ఈ మూవీ నిలబడింది. మరి ఈ వారంలో పెద్ది ఎన్ని కోట్లు సాధించింది? ఒక్కో రోజు ఎంత కలెక్షన్ వచ్చిందో ఇక్కడ చూసేయండి.

Peddi One Week Collections: గ్లోబల్ స్టార్ రామ్ చరణ్ బాక్సాఫీస్ వేట మొదలై వారం ముగిసింది. జూన్ 4న రిలీజైన స్పోర్ట్స్ డ్రామా ‘పెద్ది’ (Peddi Movie) బాక్సాఫీస్ వద్ద కలెక్షన్ల సునామీ సృష్టిస్తోంది. ఈ చిత్రం మొదటి వారం ముగిసేసరికి రికార్డు స్థాయి వసూళ్లను సాధించింది. ఫస్ట్ వీక్ లో ఇండియాలో పెద్ది నెట్ కలెక్షన్ల వివరాలు ఇక్కడున్నాయి.

పెద్ది వారం కలెక్షన్లు ఇవే.. ఇండియాలో ఏ రోజు ఎన్ని కోట్లు వచ్చాయో తెలుసా?

‘పెద్ది’ ఫస్ట్ వీక్ బాక్సాఫీస్ బ్రేక్‌డౌన్

భారీ అంచనాలతో థియేటర్లకు వచ్చిన పెద్దికి మంచి రెస్పాన్స్ దక్కుతోంది. ఇందులో రామ్ చరణ్ ఓ పల్లెటూరి క్రీడాకారుడిగా నటించాడు. మల్టీ స్పోర్ట్స్ ఆడే వ్యక్తిగా అదరగొట్టాడు. బుచ్చిబాబు సాన దర్శకత్వంలో వచ్చిన పెద్ది మూవీ ఇండియాలో తొలి వారంలో రూ.187.25 కోట్ల నెట్ కలెక్షన్లు సాధించినట్లు సక్నిల్క్ తెలిపింది.

ఏ రోజు ఎంత?

పెద్ది సినిమా ఇండియాలో ఏ రోజు ఎలా పర్ఫార్మ్ చేసిందో ఈ క్రింది టేబుల్‌లో చూడవచ్చు:

రోజు నెట్ కలెక్షన్లు

ప్రీమియర్ షోలు (June 3) రూ.18.50 కోట్లు

డే 1 రూ.51.00 కోట్లు

వీకెండ్ (శని, ఆదివారం) రూ.61.25 కోట్లు

సోమ, మంగళ రూ. 22.05 కోట్లు

బుధ రూ. 14.45 కోట్లు

మొత్తం మొదటి వారం Total: రూ. 187.25 కోట్లు

ఆ వివాదాన్ని దాటి

థియేటర్లలో రిలీజైన తర్వాత పెద్ది మూవీకి మంచి టాక్ వచ్చింది. ముఖ్యంగా రామ్ చరణ్ నటనకు సినీ లవర్స్ ఫిదా అయ్యారు. కానీ వెంటనే వివాదం ముసురుకుంది. జాన్వీ కపూర్ ను సినిమాలో కేవలం గ్లామర్ బొమ్మగా చూపిస్తారా? అనే విమర్శలు వచ్చాయి. దీనిపై రియాక్టైన డైరెక్టర్ బుచ్చిబాబు క్షమాపణ కూడా చెప్పాడు. కొన్ని సీన్లు కూడా మూవీ నుంచి తీసేశారు. ఆ వివాదాన్ని దాటుకుని బాక్సాఫీస్ దగ్గర పెద్ది బలంగా నిలబడటం విశేషం.

రూ.1000 కోట్లు సాధ్యమేనా?

పెద్ది మూవీ లాంగ్ రన్ లో రూ.1000 కోట్లు సాధించడం సాధ్యమేనా అనే ప్రశ్నలు వినిపిస్తున్నాయి. ఈ చిత్రం ఆరు రోజుల్లో ప్రపంచవ్యాప్తంగా రూ.330 కోట్లకు పైగా వసూళ్లు సాధించినట్లు మేకర్స్ అఫీషియల్ గా అనౌన్స్ చేశారు. ఈ నేపథ్యంలో రూ.1000 కోట్ల క్లబ్ లో చేరాలంటే పెద్ది రీచ్ మరింత పెరగాలి.

ముఖ్యంగా నార్త్ లో పెద్ది కలెక్షన్లు అంతంతమాత్రంగానే ఉన్నాయనే టాక్ వినిపిస్తోంది. హిందీలో వసూళ్లు పెరిగితేనే పెద్ది సినిమా రూ.1000 కోట్లు అందుకునే ఛాన్స్ ఉంటుంది. ప్రస్తుత పరిస్థితుల్లో ఆ అవకాశం లేదని ట్రేడ్ ఎక్స్ పర్ట్స్ చెబుతున్నారు.

People Also Ask

పెద్ది మూవీ హిట్టా ఫ్లాపా?

పెద్ది మూవీ బాక్సాఫీస్ దగ్గర బ్లాక్ బస్టర్ గా నిలిచే దిశగా దూసుకెళ్తోంది. ఇప్పటికే ప్రపంచవ్యాప్తంగా కలెక్షన్లు చూస్తే పెద్ది బ్రేక్ ఈవెన్ టార్గెట్ అందుకుందని అంటున్నారు.

పెద్దిని ఫ్యామిలీతో చూడొచ్చా?

పెద్ది మూవీని ఫ్యామిలీతో చూడొచ్చు. సినిమాలోని వివాదాస్పద ముద్దు సీన్ లాంటి వాటిని డైరెక్టర్ తొలగించాడు.

పెద్ది కథ ఏంటీ?

ఇది విజయనగరం సరిహద్దుల్లోని ఒక వెనుకబడిన గ్రామానికి చెందిన యువకుడి కథ. క్రీడల (Sports) ద్వారా తన సమాజానికి దక్కాల్సిన హక్కులను, కనీస వసతులను ఒక లీగల్ పోరాటం ద్వారా ఎలా సాధించాడనేదే ఈ సినిమా ముఖ్య కథాంశం.