Podarillu Serial Today Episode: స్టార్ మా సీరియల్ పొదరిల్లు ఈరోజు ఎపిసోడ్ బృందావనంలో దీపావళి వేడుకల చుట్టూ తిరిగింది. ఈ క్రమంలో కన్నా ప్రమాదంలో పడగా.. నారాయణ కాపాడే సీన్ తో ఎపిసోడ్ ముగిసింది. అయితే చక్రి తన స్టేటస్ విషయంలో ఒక అనుకుంటే మరొకటి జరుగుతుంది.
చక్రి స్టేటస్.. భయపెట్టిన కన్నా, కేశవ
మహాతో ఉన్న ఫొటోను చక్రి స్టేటస్ లో పెట్టి నా భార్యతో తొలి దీపావళి అని క్యాప్షన్ పెట్టే సీన్ తో సీరియల్ శనివారం (నవంబర్ 14) ఎపిసోడ్ మొదలైంది. అది చూసి తానే మురిసిపోతుంటాడు. తర్వాత మాధవకు చూపిస్తాడు. తాను ఏం రాశానో కూడా అతనికి వివరిస్తాడు. అది విని కన్నా, కేశవ షాకవుతారు.
ఇంటి గోడలు బలంగానే ఉన్నాయి కదా.. ఆ స్టేటస్ చూసి మహా ఎగిరి తంతే వీడు బయటికెళ్లి పడతాడు అని కేశవ భయపెడతాడు. అటు కన్నా కూడా ఆ స్టేటస్ వదిన చూడకుండా హైడ్ చేశావా అని అడుగుతాడు. లేదు.. ఆమె కూడా చూస్తుంది.. చూసి చాలా సంతోషిస్తుంది చూస్తూ ఉండండి అని చక్రి అంటాడు.
మహా రియాక్షన్ చూసి అందరూ షాక్
తర్వాత మహా బయటకు వస్తుంది. ఫోన్ చూశారా అని కన్నా అడిగితే.. వెంటనే వెళ్లి చూస్తుంది. ఫోన్ చూడగానే ఆమె రియాక్షన్ మారిపోతుంది. దీంతో అందరూ ఆమె స్టేటస్ చూసేసిందేమో అనుకుంటారు. బయటకు వచ్చి చక్రిని తిట్టడంతో అదే జరిగిందేమో అని ఫిక్సవుతారు.
కానీ తన ఫోన్ కు చాలా మెసేజ్ లు వచ్చాయని, ముందే చెప్పొచ్చు కదా అని అనడంతో ఇంతసేపూ మెసేజ్ ల గురించి మాట్లాడుతున్నారా అని కన్నా అంటాడు. స్టేటస్ లు చూడలేదా.. అన్నీ జాగ్రత్తగా చూడండి అని అనడంతో సరే చూస్తానని గదిలోకి వెళ్లి డోర్ వేస్తుంది.
చక్రి స్టేటస్ పట్టించుకోని మహా
{{/usCountry}}కానీ తన ఫోన్ కు చాలా మెసేజ్ లు వచ్చాయని, ముందే చెప్పొచ్చు కదా అని అనడంతో ఇంతసేపూ మెసేజ్ ల గురించి మాట్లాడుతున్నారా అని కన్నా అంటాడు. స్టేటస్ లు చూడలేదా.. అన్నీ జాగ్రత్తగా చూడండి అని అనడంతో సరే చూస్తానని గదిలోకి వెళ్లి డోర్ వేస్తుంది.
చక్రి స్టేటస్ పట్టించుకోని మహా
{{/usCountry}}గదిలో అందరి స్టేటస్ లు చూస్తూ ఉంటుంది మహా. బయట చక్రితోపాటు కన్నా, కేశవ కూడా ఆతృతగా ఎదురు చూస్తూ ఉంటారు. అది చూసి ఆమె ఎలా రియాక్ట్ అవుతుందో అని అనుకుంటారు. వరుసగా స్టేటస్ లు చూస్తూ సరిగ్గా చక్రి స్టేటస్ వచ్చే సరికి ఫోన్ అలాగే పక్కన పెట్టి బయటకు వస్తుంది. ఇటు చక్రికి ఆమె తన స్టేటస్ చూసేసినట్లుగా చూపిస్తుంది.
నిజానికి ఆమె చూడకుండా పక్కన పెడుతుంది. బయటకు వచ్చి చక్రికి ఓ సీరియస్ లుక్ ఇచ్చి కిచెన్ లోకి వెళ్తుంది. తిరిగి వెళ్తుండగా కన్నా పిలుస్తాడు. అందరి స్టేటస్ లు చూశారా అని అడిగితే.. చూశాను కొన్నింటికి లైక్ కూడా కొట్టాను అని అంటుంది. అది విని చక్రి తెగ సంతోషిస్తాడు. ఆమె వెళ్లిపోగానే చూశారా.. ఆమె తన స్టేటస్ చూసి కూడా ఏమీ అనలేదు అని చక్రి మురిసిపోతాడు.
బృందావనంలో దీపావళి.. మనీషాకు కొత్త పేరు.. నారాయణ ఎమోషనల్
ఆ తర్వాత బృందావనానికి దీపావళి కళ వస్తుంది. ఇల్లంతా దీపాలతో మెరిసిపోతూ ఉంటుంది. ఇంటి బయట మనీషా పూలతో అందంగా అలంకరించి మధ్యలో దీపాలు పెడుతుంది. అది చూసిన నారాయణ చాలా సంతోషిస్తాడు. ఈ ఇంటికి వచ్చిన తొలి కోడలివి నువ్వు.. అందుకే నీ పేరు ఇక నుంచి ఒకటి అని అంటాడు. అది విన్న మనీషా పేరు బాగుంది అని అంటుంది.
ఇంట్లో వెళ్లి చూస్తే అందరూ కొత్త బట్టలు వేసుకొని ఆనందంగా ఉండటం చూస్తాడు నారాయణ. ఎమోషనల్ అవుతాడు. ఇంటికి నిజమైన పండగ వచ్చినట్లుంది అని మాధవతో అంటాడు. మహా వచ్చినప్పటి నుంచే ఇల్లు ఇలా కళకళలాడుతోంది అని మాధవ చెబుతాడు.
కన్నా కోసం మాధవ టపాసులు.. ఫ్యామిలీ సంబరాలు
ఆ తర్వాత కన్నా డల్లుగా కూర్చొంటాడు. అతన్ని చూసి ఏం జరిగిందని చక్రి అడుగుతాడు. దీపావళి రోజు టపాసులు ఎక్కడ అని అడుగుతాడు. నీకోసం అన్నయ్య తీసుకొచ్చాడు కదా.. అన్నీ అప్పుడే కాల్చేశావా అని అనడంతో కన్నా ఎగిరి గంతేస్తాడు. మాధవ తీసుకొచ్చిన పటాకులను బయటకు తీసుకెళ్తాడు. ఫ్యామిలీ మొత్తం ఎంతో సంతోషంగా వాటిని కాలుస్తూ పండగ చేసుకుంటుంది. అది చూసిన నారాయణ చాలా మురిసిపోతాడు.
చక్రిని లోనికి లాక్కెళ్లిన మహా.. కన్నా, నారాయణను కలిపే ప్లాన్
అందరూ టపాసులు కాలుస్తుండగా.. చక్రిని మహా లోనికి తీసుకెళ్తుంది. ఆమె చక్రిని చేయి పట్టుకొని లాక్కెళ్లడం చూసిన మాధవ, కేశవ, నారాయణ ఆశ్చర్యంగా చూస్తూ ఉండిపోతారు. వాళ్లు ఇలాగే ఉంటే ఈ ఇల్లు ఎప్పుడూ సంతోషంగా ఉంటుందని మాధవ అంటాడు. లోనికి వెళ్లిన తర్వాత చక్రి సిగ్గు పడుతుంటాడు. ఆమె దేనికోసం లోనికి తీసుకొస్తుందో అర్థం కాదు. కానీ చేయి పట్టుకొని తీసుకు రావడంతో చక్రి ఆనందానికి అవధులు ఉండవు. కానీ ఇప్పటికే చాలా టైమ్ వేస్ట్ చేశారు.. సుపుత్రుడిని, కన్నాను కలుపుతా అన్నారు కదా.. ఏమైంది అని చక్రిని అడగడంతో అతడు ఉసూరు మంటాడు. దీనికోసమేనా తీసుకొచ్చింది అంటాడు. తన ప్లాన్ చెబుతాడు. కానీ మహాకు అది నచ్చదు. అతన్ని తిడుతుంది.
కన్నాను కాపాడిన నారాయణ
ఇటు బయట అందరూ ఎవరి పనుల్లో వాళ్లు బిజీ అవుతారు. కన్నా ఒక్కడే టపాసులు కాలుస్తూ ఉంటాడు. జాగ్రత్త అని నారాయణ చెప్పినా పట్టించుకోడు. షాట్స్ కాలుస్తూ ఉంటే.. అది కాస్తా కింద పడుతుంది. పైకి వెళ్లాల్సినవి కన్నా మీదికి దూసుకొస్తాయి. అది చూసి నారాయణ వెంటనే అతనికి అడ్డుగా వెళ్లి కన్నాను గట్టిగా పట్టుకుంటాడు.
అవన్నీ నారాయణ వీపుకు గుచ్చుకొని అతడు గాయపడినా కన్నాను వదలడు. దీంతో కన్నా ప్రమాదం నుంచి బయటపడతాడు. అందరూ బయటకు వచ్చే చూసే సరికి కన్నాను నారాయణ కాపాడుతూ ఉంటాడు. అక్కడితో పొదరిల్లు సీరియల్ ఈరోజుఎపిసోడ్ ముగుస్తుంది.