Podarillu Serial Today Episode: పొదరిల్లు సీరియల్ ఈరోజు ఎపిసోడ్లో మాధవకు రాత్రి అనుకున్న కాపల డ్యూటీ గురించి చెబుతాడు కన్నా. దాంతో మాధవ నవ్వుతాడు. మీ అమాయకత్వం చూస్తే నవ్వొస్తుంది. మీ అందరిని వదిలి ఎక్కడికి వెళ్లను. వెళ్లిన ఉండలేను అని మాధవ చెబుతాడు.
మనీషా బాగానే ఉందా
తర్వాత మనీషా ఇంటికి చక్రి వెళ్తాడు. మీరా అని మనీషా అంటే.. నీకు తెలుగు వచ్చా అని షాక్ అవుతాడు. కొంచెం కొంచెం అని మనీషా అంటుంది. బన్సీతో చక్రి మాట్లాడుతాడు. మనీషా తనలో తనే నవ్వుకోవడం చూసి బన్సీని అడుగుతాడు. తను బాగానే ఉందని అంటాడు బన్సీ. మాధవ గురించి చెబుతాడు చక్రి.
అన్నయ్య మీరు ఏం మాట్లాడుకున్నారు. మీ చెల్లి నవ్వుకు కారణం ఉన్నట్లే మా అన్నయ్య మాధవ నవ్వుకు కారణం ఉందా అని చక్రి అంటాడు. ఉంది. మా మనీషాను పెళ్లి చేసుకుంటావా అని మీ అన్నయ్యను అడిగాను అని బన్సీ చెబుతాడు. దాంతో షాకైన చక్రి.. తెగ సంతోషిస్తాడు. దీని వెనుక ఇంత బ్రహ్మాండమైన, అద్భుతమైన కారణం ఉందా. నార్త్ ఇండియా అమ్మాయి సౌతిండియా కోడలు కాబోతుందా అని తెగ సంబరపడిపోతాడు చక్రి.
మరి అన్నయ్య ఓకే చెప్పాడా అని చక్రి అంటే.. ఏం చెప్పలేదు. అలా నవ్వుకుంటూ వెళ్లిపోయాడని బన్సీ అంటాడు. ఒప్పుకుంటాడు అని చక్రి వెళ్లిపోతాడు. మరోవైపు చక్రి గురించి కేశవ అడిగితే.. కన్నా పంచ్లు వేస్తాడు. దాంతో కన్నా చెవిమెలిపెట్టి తనతో తిరిగి బాగా వెటకారం ఎక్కువైపోయిందిరా అని కేశవ అంటాడు.
మనీషా గురించి చెప్పిన చక్రి
ఆ మాటలు మహాలక్ష్మి విని నన్నేగా అన్నారని నిలదీస్తుంది. దాంతో కేశవ తెగ భయపడిపోతాడు. తన గురించి ఇంకోసారి అనొద్దని మహా వార్నింగ్ ఇస్తుంది. ఇంతలో చక్రి వచ్చి డ్యాన్స్ చేస్తాడు. నారాయణకు చక్కిలిగింతలు పెడతాడు. అంతా ఏమైందని అడుగుతారు. ఈ అవకాశాన్ని వాడుకోవాలనుకున్న చక్రి మహాను వారం రోజుల పాటు తనను తిట్టొద్దని కండిషన్ పెడతాడు.
{{/usCountry}}ఆ మాటలు మహాలక్ష్మి విని నన్నేగా అన్నారని నిలదీస్తుంది. దాంతో కేశవ తెగ భయపడిపోతాడు. తన గురించి ఇంకోసారి అనొద్దని మహా వార్నింగ్ ఇస్తుంది. ఇంతలో చక్రి వచ్చి డ్యాన్స్ చేస్తాడు. నారాయణకు చక్కిలిగింతలు పెడతాడు. అంతా ఏమైందని అడుగుతారు. ఈ అవకాశాన్ని వాడుకోవాలనుకున్న చక్రి మహాను వారం రోజుల పాటు తనను తిట్టొద్దని కండిషన్ పెడతాడు.
{{/usCountry}}నేను గ్యారెంటీ ఇవ్వలేను. నాకేం అవసరం అని మహా అంటుంది. దాంతో కేశవ, నారాయణ చెప్పమని బలవంతం చేస్తారు. బన్సీ ఇంటికి మాధవ అన్నయ్య వెళ్లాడు. అక్కడ ఒక మహా మలుపుకి నాంది పడింది అని చక్రి అంటాడు. దాంతో చక్రి గొంతు పట్టుకుని చెప్పమంటారు కేశవ, నారాయణ. దాంతో మనీషాను పెళ్లి చేసుకోవడం గురించి బన్సీ అడిగాడని, ఇద్దరు సిగ్గుపడి ప్రేమగా చూసుకున్నారట అని చక్రి చెబుతాడు.
ఇది చెప్పడానికా ఇంత సాగదీశావ్. ఆ పిల్ల ఈ పప్పుగాడిని ప్రేమిస్తుందని నాకు ఎప్పుడో తెలుసు అని నారాయణ ట్విస్ట్ ఇస్తాడు. ఆ కళ్లలో ప్రేమ చూసే మా మాధవను పెళ్లి చేసుకుంటావా అని అడిగాను. గుర్తులేదా అని గ్రామదేవత గుడిలో జరిగింది గుర్తు చేస్తాడు నారాయణ. వాడి జీవితంలో కూడా ఆ దేవుడు సంతోషం రాశాడా. గమ్మత్తుగా ఉందని నారాయణ ఎమోషనల్ అవుతాడు.
ఖానో ఖావో జీ
బయటకు వెళ్తాడు నారాయణ. మాధవ ఇంటికి వస్తాడు. ఆవో ఆవో.. బైఠో బైఠో అంటూ అంతా హిందీలోనే మాట్లాడుతారు. మాధవను ఆటపట్టిస్తారు. ఉప్పెన సినిమాలోని ఇష్క్ సిపాయా పాట పాడతారు. అంతా కలిసి చక్కిలిగింతలు పెడతారు. ఎందుకురా నాతో ఆడుకుంటున్నారు అని మాధవ అడుగుతాడు. బన్సీ ఇంటి దగ్గర ఏం జరిగిందని అడుగుతారు.
మాధవ చెప్పకుండా నవ్వుతాడు. పోని మనీషా ఏం చెప్పింది. మైనే ప్యార్ కియా అందా అని ఏడిపిస్తారు. దాంతో మాధవ వెళ్లిపోతాడు. జీ జీ అంటూ ఏడిపిస్తారు. బృందావనం సంతోషంగా విరిసిల్లి పోతుంది. మరోవైపు కేశవ షాప్లో హిందీ సాంగ్స్ పెట్టడం గురించి అసిస్టెంట్ అడిగితే.. సంతోషకరమైన రోజు అని కేశవ అంటాడు. ఇంతలో బుస్సు శైలు వస్తుంది.
అసిస్టెంట్ వెళ్లిపోతాడు. కేశవతో గొడవ పడుతుంది శైలు. మాధవ పెళ్లి గురించే గొడవ పడతారు. నేను పెళ్లి చేసుకోమంటే ఎవరిని పడితే వాళ్లను పెళ్లి చేసుకుంటాడా. ఏది మంచో ఏది చెడో మీ అన్నయ్యకు తెలియదా. ఆయనేమైనా చిన్న పిల్లాడా. ఆమాత్రం బుద్ధి కూడా లేదా తనకు అని నోరు జారుతుంది శైలు. దాంతో కేశవ మరింత కోపంతో ఊగిపోతాడు.
విడాకుల కోసం కోర్టుకు చక్రి, మహా
పళ్లు రాలతాయ్ అంటాడు. నీకోసం ఆమెను పెళ్లి చేసుకోవాలనుకుంటే నువ్వు ఇలా అంటావా. ఇంకోసారి మాట్లాడితే అస్సలు క్షమించను. ఇక్కడి నుంచి వెళ్లిపోమ్మని అంటాడు కేశవ. మీ అన్నయ్య మీద అంత ప్రేమ ఉన్నప్పుడు నన్నెందుకు ప్రేమించడం. నీకోసం రావడం నాదే బుద్ధి తక్కువ అని కోపంగా వెళ్లిపోతుంది శైలు.
మరోవైపు మహాలక్ష్మికి లాయర్ కాల్ చేసి రేపు కోర్టులో హియరింగ్ ఉందని, రావాలని చెబుతాడు. చక్రికి కూడా కాల్ చేసి కోర్టులో కౌన్సిలింగ్ ఉందని, మీ ఆవిడ విడాకులు కావాలని పట్టుబట్టి కూర్చుందని, కోర్టుకు రావాలని లాయర్ చెబుతాడు. అక్కడితో నేటి పొదరిల్లు సీరియల్ ఎపిసోడ్ ముగుస్తుంది.