Prabhas vs Balakrishna: థియేటర్లు, ఓటీటీ కాదు.. ఈసారి ఇద్దరు స్టార్ హీరోల ఫైట్ బుల్లితెరపై జరగనుంది. తెలుగులో రెండు లీడింగ్ ఛానెల్స్ అయిన స్టార్ మా, జీ తెలుగు రెండు భారీ బడ్జెట్ సినిమాలను ఒకే రోజు, ఒకే సమయానికి టెలికాస్ట్ చేయబోతున్నాయి. స్టార్ మాలో ఆదివారం (ఏప్రిల్ 26) సాయంత్రం 5. 30 గంటలకు ది రాజా సాబ్, అదే సమయానికి జీ తెలుగులో అఖండ 2 రాబోతున్నాయి.
జీ తెలుగులో అఖండ 2 ప్రీమియర్
నందమూరి బాలకృష్ణ, బోయపాటి శ్రీను క్రేజీ కాంబినేషన్లో వచ్చిన మాస్ బ్లాక్ బస్టర్ 'అఖండ 2' బుల్లితెరపై సందడి చేయనుంది. ఏప్రిల్ 26న జీ తెలుగు ఛానల్లో ఈ సినిమా వరల్డ్ టెలివిజన్ ప్రీమియర్ ప్రసారం కానుంది. ఈ హై వోల్టేజ్ మూవీ ఆ రోజు సాయంత్రం 5:30 గంటలకు టెలికాస్ట్ అవుతుంది.
దేశం ప్రమాదంలో ఉన్నప్పుడు.. అఖండ రాక తప్పదు
ఈసారి అఖండ కేవలం దుష్టశిక్షణే కాదు, దేశాన్ని పెను ముప్పు నుండి కాపాడే సాహసోపేతమైన పోరాటం చేయబోతున్నాడు. కుంభమేళా వేదికగా శత్రువులు బయోవార్ దాడికి కుట్ర పన్నుతారు. ఈ విపత్తు నుండి కోట్లాది మంది ప్రాణాలను కాపాడేందుకు డీఆర్డీఓ శాస్త్రవేత్త జనని ఒక శక్తివంతమైన విరుగుడును కనిపెడుతుంది.
అయితే ఆమె ప్రాణాలకు హాని తలపెట్టే శత్రువుల నుండి అఖండ ఎలా రక్షించాడు? తన మాట కోసం ప్రాణాలకు తెగించి దేశాన్ని ఎలా కాపాడాడు? అన్నదే ఈ సినిమా అసలు కథ. అఘోరాగా బాలయ్య చేసే విన్యాసాలు, చెప్పే డైలాగులు బుల్లితెరపై మరోసారి ప్రకంపనలు సృష్టించడం ఖాయం.
స్టార్ మాలో ది రాాజా సాబ్
అయితే బాలయ్య అఖండ 2కి స్టార్ మా నుంచి గట్టి పోటీ ఉంది. అందులో ప్రభాస్ నటించిన హారర్ కామెడీ మూవీ ది రాజా సాబ్ అదే సమయానికి రానుంది. బాక్సాఫీస్ దగ్గర డిజాస్టర్ గా నిలిచి, తర్వాత ఓటీటీలో మంచి రెస్పాన్స్ సొంతం చేసుకున్న ఈ సినిమా.. ఇప్పుడు టీవీలో సత్తా చాటడానికి సిద్ధమవుతోంది.
{{/usCountry}}అయితే బాలయ్య అఖండ 2కి స్టార్ మా నుంచి గట్టి పోటీ ఉంది. అందులో ప్రభాస్ నటించిన హారర్ కామెడీ మూవీ ది రాజా సాబ్ అదే సమయానికి రానుంది. బాక్సాఫీస్ దగ్గర డిజాస్టర్ గా నిలిచి, తర్వాత ఓటీటీలో మంచి రెస్పాన్స్ సొంతం చేసుకున్న ఈ సినిమా.. ఇప్పుడు టీవీలో సత్తా చాటడానికి సిద్ధమవుతోంది.
{{/usCountry}}మారుతి డైరెక్షన్ లో వచ్చిన ఈ సినిమా కూడా ఆదివారం సాయంత్రం 5.30 గంటలకు టెలికాస్ట్ అవుతుంది. ఒక రోజు ముందే ఈ విషయాన్ని స్టార్ మా అనౌన్స్ చేసింది. ప్రస్తుతం జియోహాట్స్టార్ ఓటీటీలో స్ట్రీమింగ్ అవుతున్న ఈ సినిమా బుల్లితెరపై టీఆర్పీ రికార్డుల వేటకు సిద్ధమవుతోంది.
అయితే ఈసారి టీఆర్పీ రికార్డులు బ్రేకవడం అంత సులువైన పనిలా కనిపించడం లేదు. రెండు టాప్ ఛానెల్స్, రెండు పెద్ద సినిమాలను ఒకే రోజు ఒకే సమయానికి వేస్తుండటంతో ఆ మేరకు టీఆర్పీ రేటింగ్స్ పై ప్రభావం పడనుంది. మరి ఈ రెండు సినిమాల్లో ఏది పైచేయి సాధిస్తుంది? ఈ ఇద్దరు స్టార్లలో ఎవరిని ప్రేక్షకులు ఎక్కువగా ఆదరిస్తారో చూడాలి.