హీరోల కంటే త‌క్కువ రెమ్యున‌రేష‌న్‌-ప్రియమణి సంచలన వ్యాఖ్యలు-మార్కెట్ వాల్యూ బ‌ట్టి డిమాండ్ చేస్తా-నార్త్‌లో టైమ్‌కు రారు

సినిమా ఇండస్ట్రీలో హీరోల కంటే హీరోయిన్లకు రెమ్యునరేషన్ తక్కువే. ఇది ఎప్పటి నుంచో హాట్ టాపిక్ గా కొనసాగుతూనే ఉంది. దీనిపై రీసెంట్ గా ప్రియమణి సంచలన వ్యాఖ్యలు చేసింది.

సినీ ఇండస్ట్రీలో ఎప్పటి నుంచో ఉన్న బర్నింగ్ టాపిక్ రెమ్యునరేషన్ పై ప్రియమని తాజాగా సంచలన వ్యాఖ్యలు చేసింది. హీరోయిన్ల కంటే హీరోలకు ఎక్కువ పారితోషికం ఇవ్వడంపై స్పందించింది. ప్రియమణి తమిళం, తెలుగు, కన్నడ, మలయాళం వంటి అనేక భాషల సినిమాల్లో అద్భుతమైన ప్రదర్శనలతో తనకంటూ ఒక బలమైన స్థానాన్ని ఏర్పరుచుకుంది. ఒక నేషనల్ అవార్డ్ విన్నర్ అయిన ఈ నటి న్యూస్18 కి ఇచ్చిన ఇంటర్వ్యూలో మేల్ కో స్టార్ కంటే తక్కువ రెమ్యునరేషన్ అందుకోవడంపై రియాక్టయింది.

ప్రియమణి కామెంట్లు

ప్రియమణి

ఇంటర్వ్యూలో ప్రియమణి సంచలన వ్యాఖ్యలు చేసింది. రెమ్యునరేషన్ లో పక్షపాతాన్ని ఒప్పుకొంది.

“అది నిజమే. కానీ పర్వాలేదు. మీ మార్కెట్ విలువ ఎంత ఉంటే, మీరు దాన్ని బట్టి రెమ్యునరేషన్ అడగాలి. అంత మీకు లభిస్తుంది అని నేను నమ్ముతా. కొన్నిసార్లు నా పురుష సహనటుడి కంటే నాకు తక్కువ పారితోషికం ఇచ్చారు. అయితే, అది నన్ను ఇబ్బంది పెట్టదు. నా మార్కెట్ విలువ, నా అర్హత నాకు తెలుసు. ఇది నా అభిప్రాయం, నా అనుభవం. నేను దేనికైతే అర్హురాలిని అని నమ్ముతానో, అదే డిమాండ్ చేస్తాను. అనవసరమైన పెంపును అడగను" అని ప్రియమణి చెప్పింది.

షూటింగ్ టైమ్

8 గంటల షిఫ్ట్ మాత్రమే పని చేస్తాననే దీపికా పదుకొణె వివాదంతో షూటింగ్ టైమ్ పై చర్చ మొదలైన సంగతి తెలిసిందే. ఈ షూటింగ్ టైమ్ గురించి కూడా ప్రియమణి మాట్లాడింది.

“రెండు చోట్లా (సౌత్ , నార్త్) పని చేసే విధానం భిన్నంగా ఉంటుంది. సౌత్‌లో వారు సాధారణంగా సమయానికి ప్రారంభిస్తారు. ఉదయం 7 లేదా 8 గంటలకు స్టార్ట్ చేస్తారు. మేము 8 గంటలు అంటే, ఏమైనా సరే మేము 8 గంటలకే ప్రారంభిస్తాము. ఇక్కడ (నార్త్‌లో) మీరు 8 గంటలు అంటే, ఆ సమయానికి ప్రజలు సెట్‌కి వస్తారు అని నేను గమనించా" అని ఆమె చెప్పింది.

రాబోయే ప్రాజెక్ట్‌లు

మనోజ్ బాజ్‌పాయితో కలిసి 'ది ఫ్యామిలీ మ్యాన్' మూడవ సీజన్‌లో కూడా ప్రియమణి కనిపించనుంది. రాజ్ అండ్ డికె రూపొందించిన ఈ సిరీస్‌లో షారిబ్ హష్మి, జైదీప్ అహ్లావత్, నిమ్రత్ కౌర్, ఆశ్లేషా ఠాకూర్, వేదాంత్ సిన్హా కూడా నటిస్తున్నారు. ఇది త్వరలో ప్రైమ్ వీడియోలో విడుదల కానుంది.