Dhurandhar 2 OTT: ధురంధర్ 2 ఓటీటీ రిలీజ్ ఎప్పుడు? లీగల్ కేసుతో బయటపడ్డ అసలు ప్లాన్.. మేకర్స్ ఏం చెెప్పారంటే?

Dhurandhar 2 OTT: బాక్సాఫీస్ రికార్డులను తిరగరాసిన ర‌ణ్‌వీర్ సింగ్‌ సింగ్ మూవీ 'ధురంధర్ 2' ఓటీటీ రిలీజ్ పై బిగ్ అప్ డేట్. ఒక పాట వివాదంపై జరిగిన కోర్టు విచారణలో చిత్ర నిర్మాతలు స్ట్రీమింగ్ వివరాలను వెల్లడించారు. ఆ వివరాలు మీకోసం.

Dhurandhar 2 OTT: బాలీవుడ్ బాక్సాఫీస్ వద్ద ప్రభంజనం సృష్టించిన 'ధురంధర్: ది రివెంజ్' (ధురంధర్ 2) విడుదలై ఏడు వారాలు గడుస్తున్నా, థియేటర్ల వద్ద ఇంకా దీని జోరు తగ్గలేదు. ఆదిత్య ధర్ దర్శకత్వంలో ర‌ణ్‌వీర్ సింగ్‌ హీరోగా వచ్చిన ఈ చిత్రం ఇండియన్ సినీ హిస్టరీలోనే అతిపెద్ద విజయాల్లో ఒకటిగా నిలిచింది. ఈ నేపథ్యంలో ఈ స్పై థ్రిల్లర్ ఎప్పుడు ఓటీటీలోకి వస్తుందా అని ప్రేక్షకులు ఎంతో ఆసక్తిగా ఎదురుచూస్తున్నారు.

ర‌ణ్‌వీర్ సింగ్‌ (HT_PRINT)

ధురంధర్ 2 ఓటీటీ

బాక్సాఫీస్ ను షేక్ చేసి, అత్యధిక వసూళ్లు సాధించిన రెండో ఇండియన్ మూవీగా హిస్టరీ క్రియేట్ చేసిన ధురంధర్ 2 ఓటీటీ రిలీజ్ పై ఓ క్లారిటీ వచ్చింది. సినిమాకు సంబంధించిన ఒక న్యాయ వివాదం కారణంగా స్ట్రీమింగ్ ప్లాన్స్ బయటకు వచ్చాయి. ఈ సినిమా డిజిటల్ స్ట్రీమింగ్ హక్కులను జియోహాట్‌స్టార్ దక్కించుకుంది.

పాట వివాదం

ధురంధర్ 2 క్లైమాక్స్‌లో ప్రసిద్ధ పాత పాట 'తిర్చి టోపీవాలే'ను రీమిక్స్ చేసి 'రంగ్ దే లాల్' పేరుతో ఉపయోగించారు. శాశ్వత్ సచ్‌దేవ్ ఈ పాటను స్వరపరిచాడు. అయితే, అసలు సాంగ్ ఉన్న 'త్రిదేవ్' సినిమా దర్శకుడు, నిర్మాత రాజీవ్ రాయ్ తన అనుమతి లేకుండా పాటను వాడుకున్నారంటూ ధురంధర్ 2 నిర్మాతలపై ఢిల్లీ హైకోర్టులో కేసు వేశాడు. ఈ వివాదాన్ని మధ్యవర్తిత్వం ద్వారా పరిష్కరించుకోవాలని కోర్టు గతంలో సూచించింది. అయితే బుధవారం (మే 6) జరిగిన విచారణలో, ఆ చర్చలు విఫలమైనట్లు కోర్టుకు సమాచారం అందింది.

ఓటీటీ రిలీజ్ ఎప్పుడంటే?

ఈ విచారణ సమయంలోనే ధురంధర్ 2 ఓటీటీ స్ట్రీమింగ్ తేదీలపై స్పష్టత వచ్చింది. ఈ సినిమా ఆడియో హక్కులను కలిగి ఉన్న సూపర్ క్యాసెట్స్ (టీ-సిరీస్), పిటిషనర్ కోరిన మధ్యంతర రిలీఫ్ ను వ్యతిరేకించింది. ఇదే సమయంలో సినిమాను నిర్మించిన B62 ఫిల్మ్స్ కీలక విషయాలను కోర్టుకు వివరించింది. ఈ చిత్రం ప్రస్తుతం థియేటర్లలో విజయవంతంగా ప్రదర్శితమవుతోందని, మే నెల మధ్య వరకు ఓటీటీలో విడుదల చేసే అవకాశం లేదని వెల్లడించింది.

మే రెండో వారంలో

సాధారణంగా పెద్ద సినిమాలు థియేటర్లలో విడుదలైన 8 నుండి 10 వారాల తర్వాతే ఓటీటీలోకి వస్తుంటాయి. ధురంధర్ 2 సినిమా మే 14 నాటికి థియేటర్లలో ఎనిమిది వారాలను పూర్తి చేసుకుంటుంది. దీనిని బట్టి చూస్తే మే రెండో వారంలో లేదా నెలాఖరులోగా ఈ చిత్రం డిజిటల్ ప్లాట్‌ఫామ్‌పై సందడి చేయనుంది. గతంలో 2025 డిసెంబర్‌లో వచ్చిన 'ధురంధర్' మొదటి భాగం 8 వారాల తర్వాత జనవరి 30న నెట్‌ఫ్లిక్స్‌లో విడుదలైంది. అయితే ఈ సీక్వెల్ మాత్రం ‘జియోహాట్‌స్టార్’లో స్ట్రీమింగ్ కానుంది.

రికార్డుల వేటలో 'ధురంధర్ 2'

ఆదిత్య ధర్ దర్శకత్వం వహించిన ధురంధర్ 2 చిత్రాన్ని జియో స్టూడియోస్, B62 స్టూడియోస్ సంయుక్తంగా నిర్మించాయి. కరాచీలో భారతీయ గూఢచారిగా ర‌ణ్‌వీర్ సింగ్‌ తన నటనతో మెప్పించాడు. ఈ ఫ్రాంచైజీలోని రెండు సినిమాలు కలిసి ప్రపంచవ్యాప్తంగా రూ. 3100 కోట్లకు పైగా వసూళ్లు సాధించడం విశేషం. ఈ చిత్రంలో అక్షయ్ ఖన్నా, అర్జున్ రాంపాల్, ఆర్. మాధవన్, సంజయ్ దత్, రాకేష్ బేడీ, సారా అర్జున్ కీలక పాత్రలు పోషించారు.

భారతదేశంలో రూ. 1000 కోట్ల నెట్ వసూళ్లు సాధించిన ఏకైక హిందీ చిత్రంగా ధురంధర్ 2 చరిత్ర సృష్టించింది. ప్రపంచవ్యాప్తంగా దాదాపు రూ.1800 కోట్లను కొల్లగొట్టిన ఈ మూవీ, భారతీయ సినిమా చరిత్రలో అత్యధిక వసూళ్లు రాబట్టిన రెండో చిత్రంగా నిలిచింది. బాక్సాఫీస్ వద్ద ఇన్ని రికార్డులు సృష్టించిన ఈ సినిమా ఓటీటీలో ఎలాంటి సంచలనాలు నమోదు చేస్తుందో చూడాలి.

తరచుగా అడిగే ప్రశ్నలు (FAQ)

ప్రశ్న: ధురంధర్ 2 ఓటీటీలో ఎప్పుడు విడుదలవుతుంది?

జవాబు: అధికారిక తేదీ వెల్లడించనప్పటికీ, మే నెల మధ్యలో (మే 14 తర్వాత) ఈ చిత్రం ఓటీటీలోకి వచ్చే అవకాశం ఉందని కోర్టు విచారణ ద్వారా తెలిసింది.

ప్రశ్న: ధురంధర్ 2 ఏ ఓటీటీ ప్లాట్‌ఫామ్‌లో స్ట్రీమింగ్ అవుతుంది?

జవాబు: ఈ చిత్రం జియోహాట్‌స్టార్ (JioHotstar) ప్లాట్‌ఫామ్‌లో అందుబాటులోకి రానుంది.

ప్రశ్న: ధురంధర్ 2 సినిమాపై ఉన్న వివాదం ఏమిటి?

జవాబు: ఈ చిత్రంలోని 'రంగ్ దే లాల్' సాంగ్ కోసం పాత 'తిర్చి టోపీవాలే' పాటను అనుమతి లేకుండా వాడారంటూ నిర్మాత రాజీవ్ రాయ్ కోర్టులో కేసు వేశారు.