ఓటీటీలోకి ఇవాళ వచ్చిన మ్యూజికల్ ఎమోషనల్ మూవీ- యాంకర్, సింగర్ రియల్ లైఫ్ భార్యాభర్తలతో- మనసుకు హత్తుకునేలా సీన్లు!

ఓటీటీలోకి ఇవాళ తెలుగు మ్యూజికల్ ఎమోషనల్ హార్ట్ టచింగ్ మూవీ వచ్చేసింది. ఆ మూవీ పేరే సింధు భైరవి. రియల్ లైఫ్‌లో భార్యాభర్తలైన సింగర్ కృష్ణ చైతన్య కారంచేడు, యాంకర్ మృదుల అయ్యంగార్ జంటగా నటించిన మ్యూజికల్ ఎమోషనల్ సినిమా సింధు భైరవి ఓటీటీ స్ట్రీమింగ్ ఎక్కడో ఇక్కడ తెలుసుకుందాం.

ఓటీటీలో డిఫరెంట్ కాన్సెప్ట్ సినిమాలు ప్రతివారం ఎన్నో స్ట్రీమింగ్ అవుతున్నాయి. తెలుగులోనూ అధికంగా ఓటీటీ సినిమాలు రిలీజ్ అవుతున్నాయి. అయితే, ఇటీవల కాలంలో స్వచ్ఛమైన తెలుగు సినిమాలు ఎక్కువగా వస్తున్నాయి. ప్రతివారం సరికొత్తగా ఒక యూనిక్ కాన్సెప్ట్‌తో ఓటీటీ తెలుగు సినిమా రిలీజ్ అవుతోంది.

ఓటీటీలోకి ఇవాళ వచ్చిన మ్యూజికల్ ఎమోషనల్ మూవీ- యాంకర్, సింగర్ రియల్ లైఫ్ భార్యాభర్తలతో- మనసుకు హత్తుకునేలా సీన్లు!

దర్శకేంద్రుడి పర్యవేక్షణ

ఈ క్రమంలోనే ఇవాళ ఆదివారం (నవంబర్ 2) ఓటీటీలోకి వచ్చిన తెలుగు సినిమా సింధు భైరవి. తెలుగులో మ్యూజికల్ ఎమోషనల్ హార్ట్ టచింగ్ మూవీగా సింధు భైరవి తెరకెక్కింది. ఈ సినిమాకు దర్శకేంద్రుడు కె రాఘవేంద్ర రావు కథ, స్క్రీన్ ప్లే, నిర్మాతగా, దర్శకత్వ పర్యవేక్షణ వహించారు.

రియల్ లైఫ్ భార్యాభర్తలు

అలాగే, సింధు భైరవి సినిమాకు సాయి తేజ దర్శకత్వం వహించారు. శేఖర్ గంగమోని సినిమాటోగ్రఫీ బాధ్యతలు చేపట్టగా.. సాయి మధుకర్ సంగీతం అందించారు. ఇక ఈ మూవీలో కృష్ణ చైతన్య కారంచేడు, మృదుల అయ్యంగార్ ప్రధాన పాత్రలు పోషించారు. నిజానికి వీరిద్దరు రియల్ లైఫ్‌లో భార్యాభర్తలు.

సింగర్ అండ్ యాంకర్

కృష్ణ చైతన్య టాలీవుడ్‌లో మంచి సింగర్‌గా పేరు తెచ్చుకోగా.. మృదుల యాంకర్‌గా పాపులర్ అయింది. ఇలా యాంకర్, సింగర్ రియల్ లైఫ్ భార్యాభర్తలైన మృదుల, కృష్ణ చైతన్య నటించిన సింధు భైరవి సినిమా మనసుకు హత్తుకునే సీన్లతో తెరకెక్కించినట్లు మూవీ ట్రైలర్ చూస్తుంటే తెలుస్తోంది.

సంగీతమే ప్రపంచంగా

వీరిద్దరు సినిమాలో భార్యాభర్తలుగా నటించగా.. పరిణిత వీరికి కుమార్తెగా యాక్ట్ చేసింది. ఈ సినిమాలో సంగీతం, ఎమోషన్, ఫ్యామిలీ డ్రామా వంటి ఎలిమెంట్స్ ఉన్నట్లు తెలుస్తోంది. సంగీతమే ప్రపంచంగా బతికే దంపతులకు ఒక కుమార్తె ఉంటుంది. కూతురును అతి గారాబంగా పెంచుతారు.

సింధు భైరవి ట్విస్టులు

అయితే, ఓ సమయంలో వీరిద్దరిని ఆ కూతురు వదిలిపెట్టి వెళ్లిపోతుంది. ఆ తర్వాత ఏం జరిగింది?, అందుకు గల కారణాలు ఏంటీ? అనే ట్విస్టులతో సింధు భైరవి సినిమా తెరకెక్కింది.

తన జీవితం తాను

అయితే, సంగీతమే ప్రపంచం అనుకునే ఆ భార్యాభర్తలు తమ కూతురు కూడా తమలాగే మ్యూజిక్‌పై పట్టు సాధించాలనుకుంటారని, కానీ అది కాదని తన జీవితం తాను చూసుకునేందుకు కుమార్తె ఇల్లు వదిలి వెళ్లిపోయినట్లుగా సింధు భైరవి మూవీ ట్రైలర్‌లో చూపించారు.

ఈటీవి విన్ ఓటీటీలో

ఇక సింధు భైరవి ఓటీటీలో స్ట్రీమింగ్ అవుతోంది. ప్రముఖ తెలుగు డిజిటల్ స్ట్రీమింగ్ ప్లాట్‌ఫామ్ ఈటీవీ విన్‌లో ఇవాళ సింధు భైరవి ఓటీటీ రిలీజ్ అయింది. 37 నిమిషాల 32 సెకన్ల రన్‌టైమ్ ఉన్న సింధు భైరవి సినిమాను ఈటీవీ విన్ ఓటీటీలో ఎంచక్కా నేటి నుంచి చూసేయొచ్చు.

చాలా స్పెషల్

కాగా, ఈటీవీ విన్‌ ఓటీటీలో ప్రతి వారం సరికొత్త సినిమాను అతి తక్కువ రన్‌టైమ్‌తో డిజిటల్ ప్రీమియర్ చేస్తున్న విషయం తెలిసిందే. ఈటీవీ విన్ ప్లాట్‌ఫామ్‌లో కథా సుధా అనే వీక్లి సిరీస్ టైటిల్‌తో ప్రతి వారం ఓ తెలుగు సినిమా ఓటీటీ రిలీజ్ అవుతోంది. అయితే, ఇలా సింగర్, యాంకర్‌తో సంగీతం నేపథ్యంతో ఓటీటీ సినిమా రావడం చాలా స్పెషల్ అని చెప్పుకోవచ్చు.