Sing Geetham OTT: కొన్ని సినిమాలు కేవలం ఎంటర్ టైన్మెంట్ పర్పస్ కోసమే థియేటర్లకు వస్తాయి. కానీ కొన్ని మాత్రం డిఫరెంట్ ఎక్స్ పరిమెంట్ తో ఆడియన్స్ మైండ్ లో తిష్ఠ వేస్తాయి. అలాంటి సినిమానే ‘సింగ్ గీతం’. 94 ఏళ్ల సింగీతం శ్రీనివాస రావు తీసిన ఈ మ్యూజికల్ వండర్ ఇప్పుడు డిజిటల్ స్ట్రీమింగ్ కు రెడీ అయింది.
సింగ్ గీతం ఓటీటీ
తెలుగు సినిమాలోనే కాదు ఇండియన్ మూవీ ఇండస్ట్రీలోనే గర్వంగా చెప్పుకునే డైరెక్టర్ పేరు సింగీతం శ్రీనివాస రావు. అలాంటి లెజండరీ డైరెక్టర్ 94 ఏళ్ల వయసులో తీసిన మూవీ ‘సింగ్ గీతం’. ఈ చిత్రం ఓటీటీలోకి రాబోతుంది. జూలై 9 నుంచి పాపులర్ ఓటీటీ ప్లాట్ ఫామ్ నెట్ఫ్లిక్స్లో ఇది స్ట్రీమింగ్ కానుంది. ఈ ఓటీటీ ప్లాట్ ఫామ్ కమింగ్ సూన్ సెక్షన్ లో సింగ్ గీతం పేరు చేర్చారు.
నాలుగు భాషల్లో
సింగ్ గీతం మూవీ ఓటీటీలో నాలుగు భాషల్లో రిలీజ్ కానుంది. తెలుగుతో పాటు తమిళం, మలయాళం, కన్నడ భాషల్లో ఈ చిత్రం ఆడియన్స్ కు అందుబాటులోకి రానుంది. ఈ ఏడాది జూన్ 12న ప్రపంచవ్యాప్తంగా థియేటర్లలో విడుదలైన ఈ సినిమా, బాక్సాఫీస్ వద్ద తనదైన ముద్ర వేసింది. థియేటర్లలో విమర్శకుల ప్రశంసలు అందుకుంది.
నాగ్ అశ్విన్ నిర్మాణంలో
తెలుగు చలనచిత్ర పరిశ్రమలో 'ఆదిత్య 369', 'పుష్పక విమానం' వంటి అద్భుత ప్రయోగాలకు కేరాఫ్ అడ్రస్గా నిలిచిన సింగీతం శ్రీనివాసరావు.. ఈ వయసులోనూ తనదైన శైలిలో సింగ్ గీతం చిత్రాన్ని అద్భుతంగా తెరకెక్కించారు.
ఈ విలక్షణ కథాంశాన్ని నమ్మి, టాలీవుడ్ టాప్ ప్రొడక్షన్ హౌస్ వైజయంతీ మూవీస్, స్వప్న సినిమా బ్యానర్లపై స్టార్ డైరెక్టర్ నాగ్ అశ్విన్ ఈ చిత్రాన్ని నిర్మించాడు. సరికొత్త ప్రయోగాలను ప్రోత్సహించడంలో వైజయంతీ మూవీస్ ఎప్పుడూ ముందుంటుందని ఈ చిత్రం మరోసారి నిరూపించింది.
ఎందుకు చూడాలంటే?
- నేచురల్ యాక్టింగ్
ఈ విలక్షణ కథాంశాన్ని నమ్మి, టాలీవుడ్ టాప్ ప్రొడక్షన్ హౌస్ వైజయంతీ మూవీస్, స్వప్న సినిమా బ్యానర్లపై స్టార్ డైరెక్టర్ నాగ్ అశ్విన్ ఈ చిత్రాన్ని నిర్మించాడు. సరికొత్త ప్రయోగాలను ప్రోత్సహించడంలో వైజయంతీ మూవీస్ ఎప్పుడూ ముందుంటుందని ఈ చిత్రం మరోసారి నిరూపించింది.
ఎందుకు చూడాలంటే?
- నేచురల్ యాక్టింగ్
ఈ సింగ్ గీతం సినిమాలో ప్రధాన పాత్రలు పోషించిన అహిల్య, అయాన్, శాలిని కొండెపూడి తమ సహజసిద్ధమైన నటనతో ప్రేక్షకులను ఆకట్టుకున్నారు. క్లిష్టమైన పాత్రలైనప్పటికీ ఎంతో పరిణతితో నటించి విమర్శకుల ప్రశంసలు దక్కించుకున్నారు. వీరితో పాటు తులసి శివమణి, శివనారాయణ, అగు స్టాన్లీ చిడోజీ వంటి ప్రతిభావంతులైన నటీనటులు తమ సహాయ పాత్రలతో సినిమాకు మరింత బలాన్ని చేకూర్చారు.
- దేవి శ్రీ ప్రసాద్ మ్యూజిక్ మ్యాజిక్
ఈ చిత్రానికి టాలీవుడ్ రాక్స్టార్ దేవి శ్రీ ప్రసాద్ అందించిన సంగీతం ప్రధాన ఆకర్షణగా నిలిచింది. "సింగీతం రాసుకున్న వైవిధ్యమైన కథా గమనానికి దేవి శ్రీ ప్రసాద్ తన బ్యాక్గ్రౌండ్ స్కోర్తో ప్రాణం పోశారు" అని సినీ విమర్శకులు కొనియాడారు.
- కొత్త ప్రయోగం
సింగ్ గీతం మూవీ తెలుగులోనే కాదు ప్రపంచ సినీ చరిత్రలోనే ఎవరూ చేయని కొత్త ప్రయోగం అని చెప్పొచ్చు. ఈ మూవీలో డైలాగ్ లు డైలాగ్ ల్లా ఉండవు. అన్నీ పాటల రూపంలోనే ఉంటాయి. ప్రతి ఒక్క క్యారెక్టర్ పాటల రూపంలోనే మాట్లాడుతుంది.
థియేటర్లలో క్లాస్ ఆడియన్స్ను మెప్పించిన ఈ ప్రయోగాత్మక చిత్రం, సరికొత్త కథలను ఆదరించే ఓటీటీ ప్రేక్షకులను ఏ మేరకు ఆకట్టుకుంటుందో చూడాలి.