Singer Shaan Recalls School Girls Incident: భారతీయ చలనచిత్ర పరిశ్రమలో ప్లేబ్యాక్ సింగర్ షాన్కు ఉన్న క్రేజ్ గురించి ప్రత్యేకంగా చెప్పాల్సిన అవసరం లేదు. దశాబ్దాలుగా తన అద్భుతమైన గాత్రంతో కోట్ల మంది అభిమానులను సంపాదించుకున్నారాయన.
హీరోలకు ఉన్నంత క్రేజ్ సింగర్స్కు ఉండదు
హిందీతో పాటు తెలుగు, బెంగాలీ వంటి పలు ప్రాంతీయ భాషల్లోనూ ఎన్నో సూపర్ హిట్ సాంగ్స్ పాడి సంగీత ప్రియులను అలరించారు సింగర్ షాన్. సాధారణంగా వెండితెరపై కనిపించే హీరోలకు ఉండే ఫ్యాన్ ఫాలోయింగ్, క్రేజ్ సింగర్లకు కాస్త అరుదుగానే కనిపిస్తుంది.
ముంబై లాంటి నగరాల్లో సింగర్ సెలబ్రిటీలు తిరుగుతున్నా జనం పెద్దగా పట్టించుకోరు. అయితే తన జీవితంలో ఎదురైన ఒక విచిత్రమైన, సరదా సంఘటనను షాన్ ఇటీవల గుర్తుచేసుకున్నారు. ఒకసారి అభిమానులు తనను చుట్టుముట్టారని, కానీ వారు తన కోసం కాకుండా బాలీవుడ్ బాద్షా షారుఖ్ ఖాన్ అనుకుని వచ్చారని తెలిసి షాక్ అయ్యానని చెప్పారు.
హ్యూమన్స్ ఆఫ్ బాంబే టాక్ షోలో
'హ్యూమన్స్ ఆఫ్ బాంబే' టాక్ షోలో పాల్గొన్న సింగర్ షాన్ తన కెరీర్ ఆరంభంలో జరిగిన ఈ ఆసక్తికర విషయాన్ని వెల్లడించారు. "నేను అప్పుడప్పుడే కొత్తగా మారుతి 800 కారు కొన్నాను. ఒకరోజు పెట్రోల్ పోయించడానికి బంక్ దగ్గర ఆగాను" అని సింగర్ షాన్ తెలిపారు.
"సాధారణంగా పెట్రోల్ పోసేటప్పుడు కారు దిగమంటారు కాబట్టి నేను బయట నిలబడ్డాను. సరిగ్గా అదే సమయానికి స్కూల్ పిల్లలతో ఉన్న ఒక బస్సు అక్కడికి వచ్చింది. అందులోని విద్యార్థినులంతా నన్ను చూడగానే బస్సు దిగి ఒక్కసారిగా నా చుట్టూ చేరి పెద్ద హడావుడి చేశారు. నాకేమీ అర్థం కాలేదు. కానీ కొద్దిసేపటికే వారంతా మళ్లీ బస్సు ఎక్కేసి వెళ్లిపోయారు" అని షాన్ నాటి జ్ఞాపకాలను పంచుకున్నారు.
అసలు విషయం తెలిసి నవ్వులు
ఆ విద్యార్థినులు అంత వేగంగా చుట్టుముట్టి, అంత వేగంగా వెళ్లిపోడానికి గల కారణాన్ని వివరిస్తూ షాన్ నవ్వుకున్నారు. "వారంతా బస్సు ఎక్కి వెళ్తుండగా ఒకరితో ఒకరు మాట్లాడుకోవడం విన్నాను. వాళ్లు నన్ను షారుఖ్ ఖాన్ అనుకుని పొరబడ్డారు. ఆ పిల్లలంతా ముంబై వెలుపల నుంచి రావడంతో షారుఖ్ ఖాన్ లాంటి పెద్ద స్టార్ మారుతి 800 కారులో వచ్చి పెట్రోల్ బంకులో స్వయంగా నిలబడడనే కనీస విషయం వాళ్లకు తెలీదు" అని షాన్ చెప్పుకొచ్చారు.
{{/usCountry}}ఆ విద్యార్థినులు అంత వేగంగా చుట్టుముట్టి, అంత వేగంగా వెళ్లిపోడానికి గల కారణాన్ని వివరిస్తూ షాన్ నవ్వుకున్నారు. "వారంతా బస్సు ఎక్కి వెళ్తుండగా ఒకరితో ఒకరు మాట్లాడుకోవడం విన్నాను. వాళ్లు నన్ను షారుఖ్ ఖాన్ అనుకుని పొరబడ్డారు. ఆ పిల్లలంతా ముంబై వెలుపల నుంచి రావడంతో షారుఖ్ ఖాన్ లాంటి పెద్ద స్టార్ మారుతి 800 కారులో వచ్చి పెట్రోల్ బంకులో స్వయంగా నిలబడడనే కనీస విషయం వాళ్లకు తెలీదు" అని షాన్ చెప్పుకొచ్చారు.
{{/usCountry}}"బస్సులో ఎవరో ఒకరు నన్ను చూసి తప్పుగా గుర్తుపట్టారు. దాంతో మిగిలిన వాళ్లంతా నిజమే అనుకుని వెనుక పరిగెత్తుకుంటూ వచ్చారు. ఆ తర్వాత పొరపాటు గ్రహించి సైలెంట్గా వెళ్లిపోయారు. అంతవరకు నా క్రేజ్ చూసి నేనే ఆశ్చర్యపోయాను. ఆ ఆనందం కొద్దిసేపే ఉన్నా చాలా బాగా అనిపించింది" అని షాన్ వివరించారు.
షారుఖ్ ఖాన్ సినిమాలో షాన్ పాడిన సాంగ్స్
యాదృచ్ఛికంగా షాన్ తన కెరీర్లో షారుఖ్ ఖాన్ నటించిన ఎన్నో బ్లాక్బస్టర్ సినిమాలకు అద్భుతమైన పాటలు పాడారు. 'డాన్' సినిమాలోని టైటిల్ ట్రాక్ 'మై హూన్ డాన్', 'ఓం శాంతి ఓం' చిత్రంలోని 'దీవాంగి దీవాంగి', 'దాస్తాన్-ఎ-ఓం శాంతి ఓం', 'మొహబ్బతీన్' లోని 'ఆంఖేన్ ఖులీ', 'కల్ హో నా హో' లోని 'కుచ్ తో హువా... హై' వంటి చార్ట్బస్టర్ సాంగ్స్ షారుఖ్ కోసం షాన్ పాడినవే కావడం విశేషం.