E-Paper
Sobhita Dhulipala Dating: వాటిని పట్టుకుని ఊగిసలాడితే మనల్నే కోల్పోతాం: డేటింగ్ కామెంట్స్‌పై శోభిత ధూళిపాళ కామెంట్స్
Sobhita Dhulipala On Never Married An Actor: అక్కినేని నాగ చైతన్యను వివాహమాడిన హీరోయిన్ శోభిత ధూళిపాళ, గతంలో నటులను డేటింగ్ చేయనని, పెళ్లి చేసుకోనని చెప్పిన కామెంట్స్‌పై స్పందించారు. కాలంతో పాటు మనుషుల ఆలోచనలు మారడం సహజమని, నాటి అభిప్రాయంపై స్పష్టత ఇచ్చిన శోభిత కామెంట్స్ వైరల్ అవుతున్నాయి.
Prefer HTon Google
Sobhita Dhulipala On Never Married An Actor: అక్కినేని హీరో నాగ చైతన్యను పెళ్లాడిన తర్వాత హీరోయిన్ శోభిత ధూళిపాళ వ్యక్తిగత, వృత్తిపరమైన జీవితానికి సంబంధించిన ప్రతి వార్తా సోషల్ మీడియాలో విశేష ఆదరణ పొందుతోంది. తాజాగా ఓ అంతర్జాతీయ మీడియా సంస్థకు ఇచ్చిన ఇంటర్వ్యూలో తన పాత కామెంట్స్‌పై శోభితా స్పందించడం సినీ వర్గాల్లో ఆసక్తికరంగా మారింది.
ఒక సినీ నటుడిని ప్రేమించను
గతంలో 'నేను ఎప్పటికీ ఒక నటుడిని ప్రేమించను, డేటింగ్ చేయను, పెళ్లి చేసుకోను' అని శోభితా చెప్పిన మాటలను నెటిజన్లు తరచూ ప్రస్తావిస్తుంటారు. 'ది హాలీవుడ్ రిపోర్టర్ ఇండియా' ఇంటర్వ్యూలో ఈ విషయంపై శోభిత ధూళిపాళ నేరుగా వివరణ ఇచ్చారు.
భయపడేవారు ఎప్పటికీ మారరు
"మానవ ఆలోచనా విధానం కాలక్రమేణా మారుతూ ఉంటుంది. ఆ సమయంలో నా చుట్టూ ఉన్న పరిస్థితులను చూసి ఒక నిర్ణయానికి వచ్చాను. అభిప్రాయాలు మార్చుకోవడానికి భయపడేవారే ఎప్పటికీ మారరు. కాలంతో పాటు మన ఆలోచనలను మార్చుకోవడం, కొత్త పరిస్థితులకు అలవాటు పడటం ఆరోగ్యకరమైన సంకేతం" అని శోభిత ధూళిపాళ తెలిపారు.
సమాజంలో వచ్చే విమర్శలపై స్పందన
నాగ చైతన్యతో బంధం బయటపడినప్పటి నుంచి సోషల్ మీడియాలో వీరిపై రకరకాల చర్చలు సాగాయి. గతంలో సమంతతో నాగ చైతన్య విడిపోయిన తర్వాత వీరి ప్రేమకథ మొదలవ్వడంతో అందరి దృష్టి వీరిపైనే నిలిచింది. పబ్లిక్ లైఫ్‌లో ఎదురయ్యే ఇలాంటి పరిస్థితులపై శోభితా స్పష్టమైన దృక్పథాన్ని వ్యక్తం చేశారు.
అభిప్రాయాలు రుతువుల లాంటివి
"సమాజంలో వచ్చే అభిప్రాయాలు రుతువుల లాంటివి, వస్తుంటాయి పోతుంటాయి. మారే వాతావరణాన్ని పట్టుకుని ఊగిసలాడితే మన అస్తిత్వాన్ని కోల్పోతాం. వాస్తవాన్ని గ్రహించి, మనసును ప్రశాంతంగా ఉంచుకోవడమే ముఖ్యం" అని శోభిత వివరించారు.
హైదరాబాద్ టూ ముంబై.. లాంగ్ డిస్టెన్స్ లైఫ్
2024 ఆగస్టు 8న నిశ్చితార్థం చేసుకున్న చైతూ, శోభితా జంట, అదే ఏడాది డిసెంబర్ 4న హైదరాబాద్‌లోని అన్నపూర్ణ స్టూడియోస్‌లో వేదమంత్రాల సాక్షిగా సాంప్రదాయబద్ధంగా వివాహబంధంలోకి అడుగుపెట్టారు. పెళ్లి తర్వాత నాగ చైతన్య హైదరాబాద్‌లో, శోభిత ముంబైలో షూటింగ్‌లతో బిజీగా ఉంటున్నప్పటికీ, ఒకరికొకరు సమయం కేటాయించుకుంటూ దాంపత్య జీవితాన్ని కొనసాగిస్తున్నారు.
'వెట్టువమ్' చిత్రంతో బిజీ
ప్రస్తుతం శోభిత తన కెరీర్‌పై కూడా పూర్తి దృష్టి సారించారు. తమిళ దర్శకుడు పా రంజిత్ తెరకెక్కిస్తున్న 'వెట్టువమ్' అనే సైన్స్ ఫిక్షన్ డ్రామాలో శోభిత ధూళిపాళ కీలక పాత్ర పోషిస్తున్నారు. ఆర్య హీరోగా నటిస్తున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నారు.
వృషకర్మతో నాగ చైతన్య
వెట్టువమ్ సినిమా డిసెంబర్‌లో తెలుగు, తమిళ, హిందీ, మలయాళ, కన్నడ భాషల్లో ప్రేక్షకుల ముందుకు రానుంది. ఇక మరోవైపు నాగ చైతన్య వృషకర్మ సినిమాతో బిజీగా ఉన్న విషయం తెలిసిందే.
