Sonam Kapoor: రెండో కుమారుడి పేరు చెప్పిన హీరోయిన్ సోనమ్ కపూర్- వేదాల ఆధారంగా ఇద్దరి కొడుకులకు నామకరణం- లోతైన అర్థంతో!

Sonam Kapoor Second Son Name Reveal: బాలీవుడ్ హీరోయిన్ సోనమ్ కపూర్ తన రెండో కుమారుడి పేరును సోషల్ మీడియా వేదికగా ప్రకటించారు. తన ఇద్దరు బిడ్డల పేర్ల మధ్య ఉన్న ఆధ్యాత్మిక సంబంధాన్ని వివరిస్తూ సోనమ్ కపూర్ పెట్టిన పోస్ట్ ప్రస్తుతం ఇంటర్నెట్‌లో వైరల్ అవుతోంది.

Sonam Kapoor Second Son Name Reveal: బాలీవుడ్ వెండితెర 'మసక్కలి' సోనమ్ కపూర్ ఇంట మళ్లీ వేడుక మొదలైంది. హీరోయిన్ సోనమ్ కపూర్, ఆనంద్ అహుజా దంపతులు మార్చి 29, 2026న రెండోసారి తల్లిదండ్రులైన సంగతి తెలిసిందే. కాగా, తాజాగా తమ రెండో కుమారుడికి 'రుద్రలోక్ కపూర్ అహుజా' అని నామకరణం చేసినట్లు ఈ జంట అధికారికంగా వెల్లడించింది.

రెండో కుమారుడి పేరు చెప్పిన హీరోయిన్ సోనమ్ కపూర్- వేదాల ఆధారంగా ఇద్దరి కొడుకులకు నామకరణం- లోతైన అర్థంతో!

విష్ణువు కటాక్షం.. ఏకాదశి శుభవేళ

కేవలం పేరు ప్రకటించడమే కాకుండా, ఆ పేరు వెనుక ఉన్న లోతైన ఆధ్యాత్మిక అర్థాన్ని, పురాణ ప్రాశస్త్యాన్ని వివరిస్తూ సోనమ్ కపూర్ షేర్ చేసిన సందేశం నెటిజన్ల మనసు గెలుచుకుంటోంది.

తమ రెండో కుమారుడు ఏకాదశి వంటి అత్యంత పవిత్రమైన రోజున జన్మించాడని, ఇది విష్ణుమూర్తి కృప వల్ల జరిగిన అద్భుతమని సోనమ్ కపూర్ పేర్కొన్నారు.

"మా జీవితాలను మరోసారి దైవిక శక్తి మార్చేసింది. రుద్రలోక్ రాక ఒక దైవిక సంకేతంలా, తన అన్నయ్య వాయుతో ఉన్న ఒక ఆధ్యాత్మిక అనుబంధంలా మాకు కనిపిస్తోంది" అని సోనమ్ కపూర్ భావోద్వేగానికి లోనయ్యారు. తన ఇద్దరు కుమారులు వాయు, రుద్రలోక్ మధ్య ఉన్న సంబంధాన్ని ఆమె వేదాల ఆధారంగా వివరించారు.

వాయు - రుద్ర: ప్రాణవాయువుకు, శక్తికి ప్రతీకలు

వేదాల ప్రకారం 'రుద్ర' అంటే గర్జించేవాడు, అత్యంత శక్తిమంతుడు. బాధలను మూలాల నుంచి తొలగించేవాడని అర్థం. "మా పెద్ద కుమారుడు 'వాయు' పేరు విష్ణుమూర్తికి, జీవనాధారమైన గాలికి ప్రతీక. ఇప్పుడు 'రుద్ర' పేరుతో ఆ బంధం పూర్తయింది. శ్వాస, శక్తి.. రక్షణ, పరివర్తన.. ఒకరినొకరు బలపరుచుకునే శక్తుల్లా మా ఇద్దరు బిడ్డలు ఎదుగుతారని ఆశిస్తున్నాం" అని సోనమ్ కపూర్ తన పోస్ట్‌లో రాసుకొచ్చారు.

రుద్రుడు నిర్భయంగా, కరుణతో, వెలుగును పంచే శక్తిలా ఎదగాలని బాలీవుడ్ హీరోయిన్, సీనియర్ స్టార్ హీరో అనిల్ కపూర్ కూతురు సోనమ్ కపూర్ ఆకాంక్షించారు. సోనమ్ కపూర్ సోదరి రియా కపూర్ రుద్ర లోక్ మొదటి గ్లింప్స్‌ను షేర్ చేస్తూ.. సోనమ్ మాతృత్వాన్ని కొనియాడారు.

మురిసిపోతున్న కపూర్ కుటుంబం

"ప్రేమతో పాటు సోనమ్ దగ్గర అపారమైన మాతృశక్తి ఉంది" అంటూ రియా కపూర్ హర్షం వ్యక్తం చేశారు. కాగా, 2018లో వివాహం చేసుకున్న సోనమ్-ఆనంద్ దంపతులకు 2022లో మొదటి కుమారుడు వాయు జన్మించాడు. ఇప్పుడు రుద్రలోక్ రాకతో అనిల్ కపూర్ ఇల్లు మనవళ్లతో కోలాహలంగా మారింది. టాలీవుడ్ నుంచి బాలీవుడ్ వరకు సినీ ప్రముఖులు సోనమ్ కపూర్ దంపతులకు శుభాకాంక్షలు తెలుపుతున్నారు.

తరచుగా అడిగే ప్రశ్నలు (FAQs)

1. సోనమ్ కపూర్ రెండో కుమారుడి పేరు ఏమిటి?

సోనమ్ కపూర్, ఆనంద్ అహుజా తమ రెండో కుమారుడికి 'రుద్రలోక్ కపూర్ అహుజా' అని పేరు పెట్టారు.

2. సోనమ్ కపూర్ రెండో బిడ్డ ఎప్పుడు జన్మించారు?

సోనమ్ కపూర్ మార్చి 29, 2026న తన రెండో కుమారుడికి జన్మనిచ్చారు.

3. సోనమ్ ఇద్దరు కుమారుల పేర్లకు ఉన్న సంబంధం ఏమిటి?

పెద్ద కుమారుడు 'వాయు' పేరు విష్ణువుకు, జీవనాధారమైన గాలికి ప్రతీక కాగా, రెండో కుమారుడు 'రుద్ర' పేరు శక్తికి, పరివర్తనకు చిహ్నం. ఈ రెండు పేర్లు వేద కాలం నాటి శ్వాస, శక్తి అనుబంధాన్ని సూచిస్తాయని సోనమ్ వివరించారు.