Thaai Kizhavi: కోలీవుడ్ స్టార్ హీరో, ప్రొడ్యూసర్ శివకార్తికేయన్ తన ఉదారతతో మరోసారి వార్తల్లో నిలిచారు. సీనియర్ నటి రాధికా శరత్కుమార్ లీడ్ రోల్ లో తనే స్వయంగా నిర్మించిన 'థాయ్ కిళవి' (Thaai Kizhavi) సినిమా సంచలన విజయం సాధించి 100 రోజులు పూర్తి చేసుకున్న సందర్భంగా, ఆ చిత్ర డెబ్యూ డైరెక్టర్ శివకుమార్ మురుగేషన్కు రూ. 20 లక్షల విలువైన లగ్జరీ మహీంద్రా BE6 కార్ గిఫ్ట్ గా ఇచ్చి సర్ప్రైజ్ చేశారు.
బుధవారం (జులై 8)నాడు శివకార్తికేయన్ ప్రొడక్షన్స్ అఫీషియల్ పేజీలో ఈ కార్ డెలివరీకి సంబంధించిన ఎమోషనల్ వీడియో, ఫొటోస్ షేర్ చేయడంతో అవి కాస్తా సోషల్ మీడియాలో విపరీతంగా ట్రెండ్ అవుతున్నాయి.
డైరెక్టర్ కంటతడి.. థాయ్ కిళవి 100 రోజుల జాతర
ఫిబ్రవరి 27న థియేటర్లలోకి వచ్చిన 'థాయ్ కిళవి' బాక్సాఫీస్ వద్ద రికార్డ్ కలెక్షన్లతో దూసుకుపోయింది. 100 రోజుల సక్సెస్ సెలబ్రేషన్స్ లో భాగంగా మూవీ టీమ్ అంతా కలిసి డైరెక్టర్ శివకుమార్ను ఈవెంట్ వెన్యూ వెలుపలికి తీసుకెళ్లారు. అక్కడ రిబ్బన్ కట్టి సిద్ధంగా ఉన్న సరికొత్త లగ్జరీ కార్ చూసి డైరెక్టర్ ఒక్కసారిగా ఎమోషనల్ అయ్యారు.
రాధికా శరత్కుమార్ స్వయంగా ఆ కార్ కవర్లను అన్కవర్ చేయగా, శివకుమార్ ఆనందంతో టీమ్ మొత్తాన్ని హగ్ చేసుకుని థాంక్స్ చెప్పారు. ఆ వెంటనే శివకార్తికేయన్తో కలిసి కొత్త కార్ లో చిన్న లాంగ్ డ్రైవ్ కూడా వెళ్లారు.
శివకార్తికేయన్ గొప్పతనం
"ప్రతి మైల్స్టోన్కు ఒక స్పెషల్ సెలబ్రేషన్ అవసరం. మా ప్రియమైన డైరెక్టర్ విజన్, డెడికేషన్ వల్లే ఈ అద్భుతమైన జర్నీ సక్సెస్ అయింది" అంటూ ప్రొడక్షన్ హౌస్ పెట్టిన పోస్ట్ ఫ్యాన్స్ మనసులు గెలుచుకుంటోంది.
శివకార్తికేయన్ కు టాలెంట్ ను ఎంకరేజ్ చేయడం కొత్తేమీ కాదు, గతంలో కూడా తన బ్యానర్ లో హిట్ కొట్టిన ఎంతోమంది యంగ్ టాలెంట్ కు ఇలాంటి కాస్ట్లీ గిఫ్ట్స్ ఇచ్చి సపోర్ట్ చేశారు.
బాక్సాఫీస్ ను షేక్ చేసిన రాధికా 'గోల్డ్' స్టోరీ
{{/usCountry}}శివకార్తికేయన్ కు టాలెంట్ ను ఎంకరేజ్ చేయడం కొత్తేమీ కాదు, గతంలో కూడా తన బ్యానర్ లో హిట్ కొట్టిన ఎంతోమంది యంగ్ టాలెంట్ కు ఇలాంటి కాస్ట్లీ గిఫ్ట్స్ ఇచ్చి సపోర్ట్ చేశారు.
బాక్సాఫీస్ ను షేక్ చేసిన రాధికా 'గోల్డ్' స్టోరీ
{{/usCountry}}ఈ సినిమా కథ విషయానికి వస్తే, వృద్ధాప్యంలో ఉన్న ఒక వడ్డీ వ్యాపారి పావనుథాయ్ (రాధికా శరత్కుమార్) చుట్టూ తిరుగుతుంది. గుర్తుపట్టలేనంత రా అండ్ రస్టిక్ మేకోవర్ లో రాధిక తన నటనతో ఊపిరి పోశారు. ఆమెకు ఆరోగ్యం క్షీణించి చనిపోయే స్టేజ్ కి వచ్చినప్పుడు, ఆమె ఎక్కడో బంగారం దాచిపెట్టిందని తెలుసుకున్న ముగ్గురు కొడుకులు ఆమెను కాపాడుకోవడానికి చేసే ప్రయత్నాలు, వాటి చుట్టూ నడిచే బ్లాక్ కామెడీ ఆడియన్స్ ను పొట్టచెక్కలయ్యేలా నవ్వించాయి. సింగంపులి, అరుల్దాస్, బాల శరవణన్, మునీష్కాంత్ ల కామెడీ టైమింగ్ సినిమాకు బిగ్గెస్ట్ అసెట్ గా నిలిచింది.
ట్రేడ్ విశ్లేషకుల సమాచారం ప్రకారం, కేవలం ఇండియాలోనే రూ. 62.62 కోట్ల నెట్ కలెక్షన్స్ సాధించిన ఈ మూవీ.. వరల్డ్ వైడ్ గా ఏకంగా రూ. 82.02 కోట్ల గ్రాస్ వసూలు చేసి ఈ ఏడాది కోలీవుడ్ లో వన్ ఆఫ్ ది బిగ్గెస్ట్ బ్లాక్బస్టర్స్ లో ఒకటిగా నిలిచింది. థియేటర్లలో సంచలనం సృష్టించిన ఈ కల్ట్ కామెడీ డ్రామా ప్రస్తుతం జియోహాట్స్టార్ (JioHotstar) ఓటీటీ ప్లాట్ఫామ్లో డిజిటల్ ఆడియన్స్ కు కూడా ఫుల్ ఎంటర్టైన్మెంట్ ఇస్తోంది.
శివకార్తికేయన్, రాధిక అప్ కమింగ్ లైనప్
ప్రస్తుతం హీరో శివకార్తికేయన్ కెరీర్ పీక్స్ లో ఉంది. ఏఆర్ మురుగదాస్ డైరెక్షన్ లో వచ్చిన 'మద్రాసి', ఈ సంక్రాంతికి సుధా కొంగర కాంబోలో వచ్చిన 'పరాశక్తి' సినిమాలతో బ్యాక్ టు బ్యాక్ హిట్స్ అందుకున్నాడు. ప్రస్తుతం కమల్ హాసన్ హోమ్ బ్యానర్ రాజ్ కమల్ ఫిల్మ్స్ ఇంటర్నేషనల్ ప్రొడక్షన్ లో, ఇదే డైరెక్టర్ శివకుమార్ మురుగేషన్ డైరెక్షన్ లో 'సేయోన్' (Seyon) అనే భారీ పాన్ ఇండియా ప్రాజెక్ట్ చేస్తున్నాడు. ఇటు సీనియర్ నటి రాధికా శరత్కుమార్ కూడా సూర్యతో కలిసి 'విశ్వనాథ్ అండ్ సన్స్', నయనతారతో కలిసి 'హై' (Hi) లాంటి క్రేజీ సినిమాలతో ఫుల్ బిజీగా ఉన్నారు.