టాక్సిక్ బాయ్‌ఫ్రెండ్‌తో వేరే ఇష్యూస్ కూడా ఉంటాయి, రష్మిక తప్పా మరో హీరోయిన్ న్యాయం చేయదనిపించింది: హీరో దీక్షిత్ శెట్టి

రష్మిక మందన్నా, దీక్షిత్ శెట్టి జోడీ కట్టిన రొమాంటిక్ థ్రిల్లర్ సినిమా ది గర్ల్‌ఫ్రెండ్. హీరో అండ్ డైరెక్టర్ రాహుల్ రవీంద్రన్ దర్శకత్వం వహించిన ఈ సినిమా నవంబర్ 7న థియేటర్లలో విడుదల కానుంది. ఈ సందర్భంగా ప్రమోషన్స్‌లో నిర్వహించిన మీడియా ఇంటర్వ్యూలో హీరో దీక్షిత్ శెట్టి ఇంట్రెస్టింగ్ విషయాలు చెప్పాడు.

దసరా సినిమాతో మంచి పేరు తెచ్చుకున్నాడు దీక్షిత్ శెట్టి. దసరా తర్వాత దీక్షిత్ శెట్టి నటించిన సినిమా ది గర్ల్‌ఫ్రెండ్. ఈ సినిమాలో గర్ల్‌ఫ్రెండ్‌గా నేషనల్ క్రష్ రష్మిక మందన్నా, బాయ్‌ఫ్రెండ్‌గా అంటే హీరోగా దీక్షిత్ శెట్టి పర్ఫామెన్స్ చేశారు. ఇక ఈ సినిమాకు హీరో అండ్ డైరెక్టర్ రాహుల్ రవీంద్రన్ దర్శకత్వం వహించారు.

రెండు తేదీల్లో రిలీజ్

టాక్సిక్ బాయ్‌ఫ్రెండ్‌తో వేరే ఇష్యూస్ కూడా ఉంటాయి, రష్మిక తప్పా మరో హీరోయిన్ న్యాయం చేయదనిపించింది: హీరో దీక్షిత్ శెట్టి

అల్లు అరవింద్ సమర్పణలో గీతా ఆర్ట్స్, ధీరజ్ మొగిలినేని ఎంటర్‌టైన్‌మెంట్ బ్యానర్స్ కలిసి నిర్మిస్తున్న ది గర్ల్‌ఫ్రెండ్ రొమాంటిక్ థ్రిల్లర్‌గా తెరకెక్కింది. ఈ సినిమా తెలుగు, హిందీలో నవంబర్ 7న.. తమిళం, మలయాళం, కన్నడలో నవంబర్ 14న థియేట్రికల్ రిలీజ్ కానుంది. ఈ సందర్భంగా నిర్వహించిన ఇంటర్వ్యూలో హీరో దీక్షిత్ శెట్టి ఇంట్రెస్టింగ్ విషయాలు చెప్పాడు.

మరో హీరోయిన్ చేయలేదేమో

-రష్మిక మందన్నా పర్‌ఫార్మెన్స్ చూశాక "ది గర్ల్‌ఫ్రెండ్" సినిమాకు మరో హీరోయిన్ న్యాయం చేయలేదేమో అనిపించింది. తను అంత బాగా పర్‌ఫార్మ్ చేసింది. మీరు మూవీ చూస్తున్నంత సేపు రష్మిక కనిపించదు, భూమా అనే పాత్రనే కనిపిస్తుంది.

స్టార్ హీరోయిన్‌తో ఉన్నామనే

-మా సినిమా షూటింగ్‌లో ఉన్నప్పుడే యానిమల్ మూవీ రిలీజ్ అయ్యి బ్లాక్ బస్టర్ అయ్యింది. రష్మికతో కలిసి నటిస్తున్నప్పుడు ఒక స్టార్ హీరోయిన్‌తో ఉన్నామనే ఫీలింగ్ కలగలేదు. తను చాలా ఫ్రెండ్లీగా యూనిట్ అందరితో ఉండేది.

ఫ్యామిలీ ఆడియెన్స్‌కు కూడా

-నేను ఆడియెన్‌గా ఇలాంటి క్యారెక్టర్‌ను లవ్ స్టోరీస్‌లో చూడలేదు. రాహుల్ రవీంద్రన్ మంచి రైటర్, డైరెక్టర్. అంతకంటే మంచి మనిషి. సెట్‌లో ఎవరినీ హర్ట్ చేయకుండానే తనకు కావాల్సిన వర్క్ తీసుకున్నారు.

-డైరెక్టర్స్ అంటే ఇలా కూడా ఫ్రెండ్లీగా అందరితో వర్క్ చేయించుకోవచ్చని రాహుల్‌ను చూశాక తెలిసింది. స్క్రిప్ట్, క్యారెక్టర్స్ విషయంలో ఆయనకు చాలా క్లారిటీ ఉంది.

ఆ ఇంప్రెషన్ కలుగుతోంది

-నేను చేసిన విక్రమ్ క్యారెక్టర్‌లో ఏదో నెగిటివ్ ఉంది. ఇతను టాక్సిక్ బాయ్‌ఫ్రెండ్ అనే ఇంప్రెషన్ ది గర్ల్‌ఫ్రెండ్ ట్రైలర్ రిలీజ్ తర్వాత అందరిలో కలుగుతోంది. అయితే విక్రమ్ నెగిటివ్ క్యారెక్టర్ అనేది ఎప్పుడూ ఫీల్ కావొద్దని రాహుల్ చెప్పేవారు.

ఆ బ్యాక్‌గ్రౌండ్ నుంచి

-నేను స్టేజ్, ఫిలిం స్కూల్ బ్యాక్‌గ్రౌండ్ నుంచి వచ్చాను కాబట్టి ఈ పాత్రకు ఎలా సన్నద్ధమవ్వాలో అలా అయ్యాను. ఏ సినిమా చేసినా స్క్రిప్ట్ నాకు పర్సనల్‌గా నచ్చాలని భావిస్తా.