Top 5 Horror Thrillers OTT: ఓటీటీలో హారర్ థ్రిల్లర్లు చాలా ఉన్నాయి. అయితే వీటిలో ఈ టాప్ 5 సౌత్ ఇండియా మూవీస్ మాత్రం చాలా స్పెషల్. ఐఎండీబీలో టాప్ రేటింగ్ తో ఉన్న ఈ సినిమాలు చూస్తే వెన్నులో వణుకు పుట్టడం గ్యారెంటీ అని చెప్పొచ్చు.
మసూద (Masooda)
ఒక సాఫ్ట్‌వేర్ ఉద్యోగి, అతని పక్కింట్లో ఉండే ఓ తల్లి, కూతురు చుట్టూ ఈ కథ తిరుగుతుంది. ఆ పాప ప్రవర్తనలో అనుకోకుండా భయంకరమైన మార్పులు వస్తాయి. ఆ పాపను దుష్టశక్తి నుంచి రక్షించే క్రమంలో వారు ఎదుర్కొనే ఊహించని, భయానక సంఘటనలే 'మసూద' కథ.
తిరువీర్, సంగీత, కావ్య కళ్యాణ్ రామ్ తదితరులు నటించిన ఈ తెలుగు హారర్ థ్రిల్లర్ అమెజాన్ ప్రైమ్ వీడియోతో పాటు ఆహా ఓటీటీలో స్ట్రీమింగ్ అవుతోంది. ఈ చిత్రానికి 7.2 ఐఎండీబీ రేటింగ్ ఉంది.
విరూపాక్ష (Virupaksha)
1990ల కాలంలో రుద్రవనం అనే ఊరి నేపథ్యంలో ఈ కథ సాగుతుంది. చేతబడి చేశారనే అనుమానంతో ఒక కుటుంబాన్ని ఊరి జనం సజీవ దహనం చేస్తారు. ఆ ఘటన తర్వాత ఊళ్లో వరుసగా దారుణమైన మరణాలు సంభవిస్తుంటాయి. సరిగ్గా అదే సమయానికి ఊరికి వచ్చిన సూర్య.. ఈ మరణాల వెనుక ఉన్న అసలు కారణాన్ని కనిపెట్టే ప్రయత్నం చేస్తాడు.
బ్లాక్ మ్యాజిక్ కాన్సెప్ట్‌తో తెరకెక్కిన ఈ చిత్రం ప్రేక్షకులకు థ్రిల్లింగ్ ఎక్స్‌పీరియన్స్ ఇస్తుంది. దీనికి ఐఎమ్‌డీబీలో 7.2 రేటింగ్ ఉంది. విరూపాక్ష సినిమా నెట్‌ఫ్లిక్స్ (Netflix)లో ఉంది.
మా ఊరి పొలిమేర (Maa Oori Polimera)
పల్లెటూరి నేపథ్యంలో చేతబడి, క్షుద్ర పూజలు, మిస్టరీ ఘటనల చుట్టూ ఈ సినిమా సాగుతుంది. ఆ ఊళ్లో ఎవరూ ఊహించని విధంగా వింత, భయానక మరణాలు జరగడం మొదలవుతాయి. అసలు ఇదంతా ఎవరు చేస్తున్నారు? ఎందుకు చేస్తున్నారు? అని అందరూ అయోమయంలో పడతారు.
{{/usCountry}}పల్లెటూరి నేపథ్యంలో చేతబడి, క్షుద్ర పూజలు, మిస్టరీ ఘటనల చుట్టూ ఈ సినిమా సాగుతుంది. ఆ ఊళ్లో ఎవరూ ఊహించని విధంగా వింత, భయానక మరణాలు జరగడం మొదలవుతాయి. అసలు ఇదంతా ఎవరు చేస్తున్నారు? ఎందుకు చేస్తున్నారు? అని అందరూ అయోమయంలో పడతారు.
{{/usCountry}}కథ ముందుకు సాగే కొద్దీ ఒళ్లు గగుర్పొడిచే నిజాలు బయటపడతాయి. హారర్‌కు సస్పెన్స్‌ను జోడించి ప్రేక్షకులను చివరి వరకూ కట్టిపడేసే పక్కా రా అండ్ రస్టిక్ మూవీ ఇది. ఐఎమ్‌డీబీ రేటింగ్ 7.2గా ఉంది. జియోహాట్‌స్టార్ (JioHotstar)లో ఈ సినిమాను చూడొచ్చు.
అంధకారం (Andhaghaaram)
ఇదొక డిఫరెంట్ హారర్-సైకలాజికల్ థ్రిల్లర్. ఒకరికొకరు ఏమాత్రం సంబంధం లేని ముగ్గురు వ్యక్తుల జీవితాల చుట్టూ ఈ కథ నడుస్తుంది. కథలో రివీల్ అయ్యే ట్విస్టులు సినిమా సస్పెన్స్‌ను అమాంతం పెంచేస్తాయి. మైండ్ బెండింగ్ థ్రిల్లర్స్ ఇష్టపడేవారికి ఇది పర్ఫెక్ట్ ఛాయిస్. 7.5 ఐఎమ్‌డీబీ రేటింగ్ ఉన్న ఈ మూవీ నెట్‌ఫ్లిక్స్ లో ఉంది.
యావరుమ్ నలం (Yavarum Nalam)
ఒక కుటుంబం కొత్త ఇంట్లోకి మారిన తర్వాత జరిగే పరిణామాలే ఈ సినిమా. ఆ ఇంట్లో (ఫ్లాట్ నెం: 13B) మెల్లగా వింత సంఘటనలు మొదలవుతాయి. ఆ కుటుంబ సభ్యులు ప్రతిరోజూ టీవీలో ఒక సీరియల్ చూస్తుంటారు. ఆశ్చర్యకరంగా, ఆ సీరియల్‌లో ఏది జరిగితే.. వీరి నిజ జీవితంలోనూ అదే జరుగుతుంటుంది.
సైకలాజికల్ హారర్ జానర్‌లో వచ్చిన ఈ కల్ట్ క్లాసిక్‌ హిందీలో ‘13B’ పేరుతో రిలీజై ఘనవిజయం సాధించింది. 7.4 ఐఎమ్‌డీబీ రేటింగ్ ఉన్న ఈ చిత్రం అమెజాన్ ప్రైమ్ వీడియోలో స్ట్రీమింగ్ అవుతోంది.