This Week Top OTT Releases: ప్రతి వారం ఓటీటీలో క్రేజీ సినిమాల జాతర నడుస్తోంది. వీకెండ్ వస్తుందంటే చాలు.. ఇంట్లోనే ఫ్యామిలీతో కలిసి టీవీ ముందు కూర్చుని సినిమాలు చూసేందుకే ప్రేక్షకులు ఎక్కువగా ఆసక్తి చూపిస్తున్నారు. అందుకే అన్ని ఓటీటీ ప్లాట్‌ఫామ్స్ పోటీ పడి మరీ కొత్త కంటెంట్ ను తీసుకొస్తున్నాయి. ఈ వారం ఏకంగా 9 క్రేజీ ప్రాజెక్టులు వేర్వేరు ఓటీటీ ప్లాట్‌ఫామ్స్ లో మన ముందుకు రాబోతున్నాయి.
సన్ నెక్స్ట్ లో ఊర మాస్ యాక్షన్
ముఖ్యంగా తెలుగు ప్రేక్షకులను ఆకర్షించేందుకు అనకాపల్లి (Anakapalli) సినిమా రెడీ అయింది. సన్ నెక్స్ట్ (SunNXT) ఓటీటీలో రాబోతున్న ఈ సినిమాపై సోషల్ మీడియాలో మంచి బజ్ నడుస్తోంది. పక్కా ఊర మాస్ ఎంటర్టైనర్ గా రాబోతున్న ఈ మూవీ కచ్చితంగా టాలీవుడ్ ఆడియన్స్ కు, యూత్ కు బాగా కనెక్ట్ అవుతుందని ట్రేడ్ వర్గాలు అంటున్నాయి.
నెట్ఫ్లిక్స్ లో వరల్డ్ క్లాస్ వెబ్ సిరీస్
ఇక ఇంటర్నేషనల్ కంటెంట్ ఇష్టపడే వారికి 'బ్లాక్ డోవ్స్ సీజన్ 2' (Black Doves S2) నెట్ఫ్లిక్స్ లో ఈ వారం బిగ్గెస్ట్ ట్రీట్ అని చెప్పొచ్చు. మొదటి సీజన్ కు వచ్చిన భారీ రెస్పాన్స్ తో, యాక్షన్ అండ్ థ్రిల్లర్ నేపథ్యంతో వస్తున్న రెండో సీజన్ పై అంచనాలు అమాంతం పెరిగాయి. దీనికి తోడు బాలీవుడ్ నుంచి ఫ్యామిలీ ఆడియన్స్ కోసం 'దిల్వాలీ దీవాళీ' (#DilwaliDiwali) కూడా నెట్ఫ్లిక్స్ లోనే స్ట్రీమింగ్ కు వస్తోంది.
సోనీ లివ్, జీ5, జియోహాట్‌స్టార్‌లో క్రేజీ కంటెంట్..
స్పోర్ట్స్, థ్రిల్లర్ జానర్లలో ఎప్పుడూ విభిన్నమైన కంటెంట్ ఇచ్చే జియోహాట్‌స్టార్ (JioHotstar) ఈ వారం ఐయామ్ గేమ్ మూవీని తీసుకొస్తోంది. దుల్కర్ సల్మాన్ హీరోగా నటించిన ఈ మలయాళ ఫాంటసీ థ్రిల్లర్ ఓటీటీ రిలీజ్ పై హైప్ నెలకొంది.
{{/usCountry}}స్పోర్ట్స్, థ్రిల్లర్ జానర్లలో ఎప్పుడూ విభిన్నమైన కంటెంట్ ఇచ్చే జియోహాట్‌స్టార్ (JioHotstar) ఈ వారం ఐయామ్ గేమ్ మూవీని తీసుకొస్తోంది. దుల్కర్ సల్మాన్ హీరోగా నటించిన ఈ మలయాళ ఫాంటసీ థ్రిల్లర్ ఓటీటీ రిలీజ్ పై హైప్ నెలకొంది.
{{/usCountry}}అలాగే యూత్ లో సూపర్ క్రేజ్ తెచ్చుకున్న మ్యూజికల్ హిట్ 'మీసయ మురుక్కు 2' (Meesaya Murukku 2) సోనీ లివ్ (SonyLIV) లో సందడి చేయనుంది. కోలీవుడ్ నుంచి వస్తున్న మరో ఫీల్ గుడ్ డ్రామా 'నూరు కోడి వానవిల్' (#NooruKodiVaanavil) జీ5 (ZEE5) వేదికగా ప్రేక్షకులను పలకరించనుంది.
రెంట్ విధానంలో యాక్షన్ చిత్రాలు
కొన్ని క్రేజీ హాలీవుడ్, పాన్ ఇండియా చిత్రాలు డైరెక్ట్ గా ఫ్రీ స్ట్రీమింగ్ కాకుండా ముందుగా రెంటల్ విధానంలో వస్తుంటాయి. అలా ఈ వారం అమెజాన్ ప్రైమ్ (Prime Video - RENT) లో ది వాన్ (TheVvaan) అందుబాటులోకి రాబోతోంది. తమన్నా హీరోయిన్ గా నటించిన హారర్ థ్రిల్లర్ ఇది.
ఇక యాక్షన్ లవర్స్ కు ఆల్ టైమ్ ఫేవరెట్ అయిన ‘రెసిడెంట్ ఈవిల్’ (Resident Evil) తో పాటు సస్పెన్స్ థ్రిల్లర్ ‘ప్రైమ్ టైమ్’ (PrimeTime) సినిమాలు పీవీఓడీ (PVOD) లో అందుబాటులోకి రానున్నాయి. మరి ఇంకెందుకు ఆలస్యం.. ఈ వీకెండ్ కి మీ వాచ్ లిస్ట్ రెడీ చేసుకోండి!