Vijay Deverakonda: సినిమాల టికెట్ రేట్లపై విజయ్ దేవరకొండ బోల్డ్ స్టేట్‌మెంట్.. రాజమౌళితో చేస్తేనే.. ఫ్యాన్స్ ఖుష్!

Vijay Deverakonda: రౌడీ హీరో విజయ్ దేవరకొండ మరోసారి బోల్డ్ కామెంట్స్ చేశారు. ముఖ్యంగా సినిమా టికెట్ల విషయంలో ఆయన మాటలు సోషల్ మీడియాలో వైరల్ గా మారాయి. తన సినిమా టికెట్ల గురించి విజయ్ దేవరకొండ చేసిన ప్రకటనతో ఫ్యాన్స్ ఫుల్ ఖుష్ అవుతున్నారు. ఇంతకీ విజయ్ దేవరకొండ ఏమన్నాడో ఇక్కడ చూసేయండి.

Vijay Deverakonda: టాలీవుడ్ రౌడీ హీరో విజయ్ దేవరకొండ తన తాజా చిత్రం 'రణబాలి' (Ranabaali) ప్రమోషన్స్‌లో మూవీ లవర్స్‌ను ఆశ్చర్యపరిచే ఒక పెద్ద ప్రకటన చేశారు. తన పరిధిలో ఉన్నంత వరకు, ఇకపై తన సినిమాలకు ఎలాంటి టికెట్ ధరల పెంపు (Ticket Price Hikes) ఉండబోదని ఆయన స్పష్టం చేశారు.

సినిమాల టికెట్ రేట్లపై విజయ్ దేవరకొండ బోల్డ్ స్టేట్‌మెంట్.. రాజమౌళితో చేస్తేనే.. ఫ్యాన్స్ ఖుష్!

రాజమౌళి సినిమా అయితేనే

విజయ్ దేవరకొండ, రష్మిక మందన్న జంటగా నటించిన మూవీ రణబాలి. అక్టోబర్ 16న ఈ చిత్రం రిలీజ్ కానుంది. ఈ నేపథ్యంలో మూవీ ప్రమోషన్ ఈవెంట్లో విజయ్ దేవరకొండ సంచలన వ్యాఖ్యలు చేశారు. సినిమా టికెట్ ధరల గురించి మాట్లాడారు.

తన సినిమాల టికెట్ రేట్లు పెంచబోనని విజయ్ తేల్చిచెప్పారు. అయితే అందులో ఒకే ఒక్క మినహాయింపు ఉందని సరదాగా పేర్కొన్నారు. ఎప్పుడైనా స్టార్ డైరెక్టర్, మాస్టర్ స్టోరీటెల్లర్ ఎస్.ఎస్.రాజమౌళితో భారీ ప్రాజెక్ట్ గనుక వర్కౌట్ అయితే, ఆ స్కేల్ దృష్ట్యా మాత్రమే టికెట్ ధరల పెంపు ఆలోచన ఉంటుందని విజయ్ దేవరకొండ వెల్లడించారు.

సినీ లవర్స్ కు గుడ్ న్యూస్

గత కొన్నేళ్లుగా థియేటర్లలో పెరిగిన టికెట్ ధరల కారణంగా సామాన్య ప్రేక్షకులు, ఫ్యామిలీ ఆడియెన్స్ థియేటర్లకు రావడం బాగా తగ్గిపోయింది. థియేటర్ ఫుట్‌ఫాల్స్ పడిపోతున్న ఈ సమయంలో విజయ్ దేవరకొండ తీసుకున్న ఈ నిర్ణయం సినీ ప్రేమికులకు పెద్ద ఊరటనిస్తోంది. ఇండస్ట్రీలో ఇది అత్యంత ఆహ్వానించదగ్గ పరిణామంగా సినీ విశ్లేషకులు ప్రశంసిస్తున్నారు.

రెండోసారి క్రేజీ కాంబో

విజయ్ దేవరకొండ, దర్శకుడు రాహుల్ సాంకృత్యన్ కాంబినేషన్‌లో గతంలో వచ్చిన 'టాక్సీవాలా' సూపర్ హిట్ సాధించింది. ఇప్పుడు వీరిద్దరి కలయికలో వస్తున్న రెండో చిత్రం కావడంతో 'రణబాలి' పై ఆడియెన్స్ లో భారీ అంచనాలు ఏర్పడ్డాయి.

పీరియాడిక్ డ్రామాగా రణబాలి

ఈ పీరియాడిక్ యాక్షన్ డ్రామా రణబాలిలో విజయ్ దేవరకొండ సరసన ఆయన భార్య, నేషనల్ క్రష్ రష్మిక మందన్న హీరోయిన్ గా నటిస్తున్నారు. టాలీవుడ్ టాప్ ప్రొడక్షన్ హౌస్ మైత్రీ మూవీ మేకర్స్ పతాకంపై నవీన్ యెర్నేని, వై. రవిశంకర్ ఈ చిత్రాన్ని అత్యంత ప్రతిష్టాత్మకంగా నిర్మించారు.

దసరా రేసులో నిలవబోతున్న ఈ రణబాలి మూవీపై భారీ అంచనాలున్నాయి. గీతా గోవిందం, డియర్ కామ్రేడ్ తర్వాత విజయ్, రష్మిక కలిసి నటిస్తున్న మూడో సినిమా ఇది. టీజర్, ట్రైలర్, సాంగ్స్ తో ఈ చిత్రంపై హైప్ మరింత పెరిగింది. మరి థియేటర్లలో రణబాలి మూవీ ఎలాంటి ప్రదర్శన చేస్తుందో చూడాలి.