ఫరియా అబ్దుల్లా బెల్లీ డ్యాన్స్, మంచు మనోజ్ లవ్ ప్రపోజల్.. ఇవాళ, రేపు జీ తెలుగు కుటుంబం అవార్డ్స్ 2025 పార్ట్ 2

జీ తెలుగు కుటుంబం అవార్డ్స్ 2025 పార్ట్ 2 ఈవెంట్ ఇవాళ, రేపు ప్రసారం కానుంది. అక్టోబర్ 17, 18 రెండు తేదీల్లో ప్రసారం అయ్యే ఈ వేడుకలో హీరోయిన్ ఫరియా అబ్ధుల్లా బెల్లీ డ్యాన్స్‌తో గ్లామర్ ట్రీట్ ఇవ్వనుండగా.. హీరో మంచు మనోజ్ తన భార్యకు లవ్ ప్రపోజ్ చేయడం ఆసక్తిగా ఉండనున్నాయి.

తెలుగు ప్రేక్షకులకు నిరంతరం వినోదాన్ని అందించే ఛానల్ జీ తెలుగు. నటీనటులను ప్రోత్సహించేందుకు ప్రతి సంవత్సరం మాదిరిగానే 2025 సంవత్సరానికిగానూ ప్రతిష్టాత్మక జీ తెలుగు కుటుంబం అవార్డ్స్‌ను అందించనుంది. టాలీవుడ్ ప్రముఖులు, జీ తెలుగు తారల సందడితో కోలాహలంగా జరిగిన ఈ కార్యక్రమం మొదటి భాగం ఇప్పటికే ప్రసారం అయింది.

ఫరియా అబ్దుల్లా బెల్లీ డ్యాన్స్, మంచు మనోజ్ లవ్ ప్రపోజల్.. ఇవాళ, రేపు జీ తెలుగు కుటుంబం అవార్డ్స్ 2025 పార్ట్ 2

సిద్ధమైన జీ తెలుగు

ఇక తాజాగా జీ తెలుగు కుటుంబం అవార్డ్స్ 2025 రెండో భాగాన్ని ప్రసారం చేయనుంది జీ తెలుగు. ఈ మెగా ఈవెంట్ రెడ్​ కార్పెట్​ పార్ట్-2 శుక్రవారం, అవార్డుల ప్రదానోత్సవ కార్యక్రమం పార్ట్​ 2ను శనివారం మీ ముందుకు తెచ్చేందుకు సిద్ధమైంది జీ తెలుగు ఛానెల్.

రెండు తేదీల్లో

అలరించే ప్రదర్శనలు, హృదయాన్ని హత్తుకునే క్షణాలు, మరపురాని అనుభవాలతో తెలుగు టెలివిజన్ స్ఫూర్తిని ప్రతిబింబించే జీ తెలుగు కుటుంబం అవార్డ్స్ 2025 రెడ్​ కార్పెట్​, పార్ట్-2 అక్టోబర్ 17,18 తేదీల్లో సాయంత్రం 5 గంటలకు జీ తెలుగులో ప్రసారం కానున్నాయని ప్రకటించారు.

ఇవాళ, రేపు ప్రసారం

అంటే, ఈ ఈవెంట్ ఇవాళ, రేపు ప్రసారం కానున్నాయి. తెలుగు ప్రేక్షకులు ఆసక్తిగా ఎదురుచూస్తున్న జీ తెలుగు కుటుంబం అవార్డ్స్ 2025 పార్ట్ 2 అద్భుతమైన ప్రదర్శనలు, అలరించే సంభాషణలు, కన్నీళ్లు పెట్టించే ఉద్వేగ క్షణాలతో మీ ముందుకు రానుంది.

ఫరియా అబ్ధుల్లా బెల్లీ డ్యాన్స్

ఎనర్జిటిక్ యాంకర్స్ సుధీర్, రవి ఈ కార్యక్రమానికి వ్యాఖ్యాతలుగా వ్యవహరించనున్నారు. దశావతారం ప్రేరణతో చేసిన నృత్యం, నాస్టాల్జిక్​ రెట్రో సాంగ్స్​ ఫెర్ఫామెన్స్​, మెగాస్టార్​ చిరంజీవి ఐకానిక్​ సాంగ్స్‌​కి సీరియల్​ హీరోయిన్లతో కలిసి సుధీర్​ చేసిన డాన్స్​, ఫరియా అబ్దుల్లా బెల్లీ డాన్స్​ ప్రేక్షకులను అలరించనున్నాయి.

ప్రియురాలి కోసం పాట

సీరియల్​ టీమ్​స్‌తో రవి, సుధీర్​ ఆడించే బంతి ఆట అందరినీ కడుపుబ్బా నవ్విస్తుంది. ఆటో విజయశాంతి సీరియల్​ నుంచి చిరంజీవి (స్వామినాథన్​) తన ప్రియురాలి కోసం పాడే పాట అందరినీ ఆశ్చర్యపరుస్తుంది. జగద్ధాత్రిగా జీ తెలుగు ప్రేక్షకులను అలరిస్తున్న దీప్తి మన్నె పెళ్లి ప్రకటించడంతో అందరూ కలిసి పెళ్లికూతురుని చేస్తారు.

తల్లిదండ్రులకు ఎమోషనల్ ట్రిబ్యూట్

పడమటి సంధ్యారాగం జంట రఘురాం (సాయి కిరణ్), జానకి (జయశ్రీ) తమ భావాలను మంచి పాటతో పంచుకుంటారు. అమ్మాయిగారు సీరియల్​ ఫేమ్ యశ్వంత్ తన తల్లిదండ్రులకు ఎమోషనల్ ట్రిబ్యూట్‌తో ప్రేక్షకులను కదిలిస్తాడు. సరిగమప గాయనీగాయకుల ప్రదర్శన అందరి హృదయాలను తాకుతుంది.

మంచు మనోజ్ ప్రపోజ్

మంచు మనోజ్ తన భార్యకు పాటను అంకితం చేస్తూ జీ తెలుగు కుటుంబం అవార్డ్స్​ 2025 వేదికపై మరోసారి ప్రపోజ్​ చేస్తాడు. మిరాయి సినిమా నుంచి హిలేరియస్ బ్లాక్ స్వార్డ్ స్కిట్, రాజా అవార్డు గెలుచుకున్న మూమెంట్ స్పూఫ్‌తో డ్రామా జూనియర్స్ పిల్లలు నవ్వులు పూయిస్తారు. సరదాలు, సంతోషాలు, సంబరాలు, ఉద్వేగాల సమాహారంగా జీ తెలుగు కుటుంబం అవార్డ్స్​ 2025 పార్ట్​ 2 సాగనుంది.