ఫుకెట్ నుంచి ఢిల్లీ వస్తున్న ఎయిర్ ఇండియా (AI2379) ఎయిర్బస్ A320 విమానం ఆగస్టు 4న గాల్లో ప్రయాణిస్తుండగా ఒక్కసారిగా కిందకు పడిపోవడంతో పలువురు ప్రయాణికులు గాయపడిన సంగతి తెలిసిందే. ఈ ఘటనపై AAIB అధికారులు విమాన కెప్టెన్ను గంటకు పైగా సుదీర్ఘంగా ప్రశ్నించారు. వైద్య పరీక్షల్లో సదరు పైలట్ గంజాయి వాడినట్లు పాజిటివ్గా తేలడం సంచలనం సృష్టించింది.
విచారణ సమయంలో పైలట్ తన వ్యక్తిగత సమస్యల కారణంతో తీవ్ర నిద్రలేమితో బాధపడుతున్నానని తెలిపాడు. ఫుకెట్ లేఓవర్ సమయంలోనూ నిద్ర పట్టకపోవడంతో ఫ్యామిలీ డాక్టర్ ఇచ్చిన మందులు వాడినట్లు పేర్కొన్నాడు. అయితే డిజిసిఎ (DGCA) నిబంధనల ప్రకారం పైలట్లు ఏవైనా వైద్యుల మందులు వాడుతుంటే ఆ విషయాన్ని ముందే తమ విమానయాన సంస్థకు తెలియజేయాలి. ఈ పైలట్ ఆ వివరాలను యాజమాన్యానికి వెల్లడించలేదని తెలుస్తోంది.
కాక్పిట్లో ఏం జరిగింది?
ప్రయాణ సమయంలో తాత్కాలికంగా విమానాన్ని నడిపే బాధ్యతను ఫస్ట్ ఆఫీసర్కు అప్పగించి, తాను 30 నుంచి 35 నిమిషాల పాటు నిద్రపోయానని కెప్టెన్ విచారణలో అంగీకరించాడు. ఆ తర్వాత లేచి వాష్రూమ్కి వెళ్లి వచ్చి, ఫస్ట్ ఆఫీసర్ వెనుక నిలబడి ఎయిర్ కండిషనింగ్ సిస్టమ్ గురించి మాట్లాడుతున్న సమయంలో ఈ ప్రమాదం జరిగింది.
"విమానం ఒక్కసారిగా తీవ్ర తీవ్రతతో కిందకు పడిపోవడంతో నేను కాక్పిట్ ఫ్లోర్పై పడిపోయాను" అని కెప్టెన్ విచారణాధికారులకు తెలిపాడు.
అక్కడ ఉన్న క్యాబిన్ క్రూ సిబ్బంది కింద పడిపోయిన కెప్టెన్ను పైకి లేపారు. ఈ ఘటన జరిగిన సమయంలో ఫస్ట్ ఆఫీసర్ విమానాన్ని నియంత్రిస్తుండగా, కెప్టెన్ మానిటరింగ్ రోల్లో ఉన్నట్లు అధికారులు గుర్తించారు.
360 అడుగులు కిందకు.. సాంకేతిక ఆధారాలు ఏం చెప్తున్నాయి?
విమానంలో రికార్డైన డేటా ప్రకారం, ఉదయం 9:32 గంటలకు ఒడిశా తీరప్రాంతం దాటుతున్న సమయంలో కేవలం ఒక్క నిమిషంలోనే 9 హెచ్చరిక మెసేజ్లు వచ్చాయి. విమానంలోని హైడ్రాలిక్ సిస్టమ్స్లో తీవ్ర ఒత్తిడి తగ్గడం, ఆటోపైలట్ డిస్కనెక్ట్ కావడం, ఎలివేటర్ ఫ్లైట్ కంట్రోల్లో లోపాలు తలెత్తినట్లు రికార్డులు చూపిస్తున్నాయి.
ఫ్లైట్రాడార్24 (Flightradar24) డేటా ప్రకారం:
{{/usCountry}}విమానంలో రికార్డైన డేటా ప్రకారం, ఉదయం 9:32 గంటలకు ఒడిశా తీరప్రాంతం దాటుతున్న సమయంలో కేవలం ఒక్క నిమిషంలోనే 9 హెచ్చరిక మెసేజ్లు వచ్చాయి. విమానంలోని హైడ్రాలిక్ సిస్టమ్స్లో తీవ్ర ఒత్తిడి తగ్గడం, ఆటోపైలట్ డిస్కనెక్ట్ కావడం, ఎలివేటర్ ఫ్లైట్ కంట్రోల్లో లోపాలు తలెత్తినట్లు రికార్డులు చూపిస్తున్నాయి.
ఫ్లైట్రాడార్24 (Flightradar24) డేటా ప్రకారం:
{{/usCountry}}విమానం 36,160 అడుగుల ఎత్తులో ప్రయాణిస్తోంది. ఉదయం 9:33 గంటలకు ఒక్కసారిగా 360 అడుగుల కిందకు పడిపోయి 35,800 అడుగుల ఎత్తుకు చేరుకుంది.
హైడ్రాలిక్ వ్యవస్థలు పూర్తిగా విఫలం కాకపోయినప్పటికీ, విమానం తీవ్రస్థాయిలో అకస్మాత్తుగా కిందకు పడిపోవడం వల్ల ఉత్పన్నమైన ఒత్తిడితోనే ఈ సాంకేతిక హెచ్చరికలు వచ్చి ఉండవచ్చని విశ్లేషకులు భావిస్తున్నారు. ఈ పరిణామాలపై ఎయిర్ ఇండియా యాజమాన్యం అధికారికంగా స్పందించాల్సి ఉంది.