ప్రముఖ ఈ-కామర్స్ దిగ్గజం అమెజాన్.. మరోమారు లేఆఫ్స్కి సిద్ధమవుతోందని సమాచారం. మంగళవారం నుంచే దాదాపు 30,000 కార్పొరేట్ ఉద్యోగులను తొలగించేందుకు రెడీ అవుతోందని ఓ ప్రముఖ అంతర్జాతీయ వార్తా సంస్థ నివేదించింది. ఈ విషయమై తెలిసిన ముగ్గురు వ్యక్తులను ఉటంకిస్తూ రాయిటర్స్ ఈ నివేదికను వెలువరించింది.
కరోనా మహమ్మారి సమయంలో భారీగా విస్తరించిన సంస్థ, ప్రస్తుతం ఖర్చులను తగ్గించుకునే ప్రయత్నాల్లో భాగంగానే ఈ నిర్ణయం తీసుకున్నట్లు తెలుస్తోంది.
అమెజాన్ లేఆఫ్స్- 2022 తర్వాత అతిపెద్దది..
ప్రస్తుతం అమెజాన్లో సుమారు 3.5 లక్షల మంది కార్పొరేట్ ఉద్యోగులు ఉన్నారు. వీరిలో దాదాపు 10 శాతం మందిని తొలగించాలని సంస్థ యోచిస్తోంది. కాగా, ప్రపంచవ్యాప్తంగా అమెజాన్లో పనిచేస్తున్న మొత్తం 15.5 లక్షల (1.55 మిలియన్) మంది సిబ్బందిలో ఇది ఒక చిన్న భాగం!
ఈ లేఆఫ్స్ గనక ఖరారైతే, 2022 సంవత్సరం చివరిలో దాదాపు 27,000 ఉద్యోగాలను తొలగించిన తర్వాత సంస్థ చేస్తున్న అతిపెద్ద కోత ఇదే అవుతుంది.
ఈ అంశంపై వ్యాఖ్యానించడానికి అమెజాన్ ప్రతినిధి నిరాకరించారని రాయిటర్స్ పేర్కొంది.
అమెజాన్ లేఆఫ్స్- ఆ విభాగాలపై ప్రభావం!
ఉద్యోగుల తొలగింపులు సంస్థలోని పలు విభాగాల్లో ఉండవచ్చని సమాచారం. ముఖ్యంగా, ఆర్థికపరమైన ప్రాధాన్యతలు మారుతున్న నేపథ్యంలో పీపుల్ ఎక్స్పీరియన్స్ అండ్ టెక్నాలజీ (మానవ వనరులు), డివైసెస్ అండ్ సర్వీసెస్, ఆపరేషన్స్ విభాగాల్లోని ఉద్యోగాలకు ఎక్కువగా ప్రమాదం పొంచి ఉందని నివేదిక తెలిపింది.
గత రెండేళ్లుగా అమెజాన్.. డివైసెస్, కమ్యూనికేషన్స్, పాడ్కాస్టింగ్, ఇతర చిన్న చిన్న టీమ్లలో కొంతమంది ఉద్యోగులను తగ్గించింది.
కాగా ఉద్యోగుల తొలగింపుకు సంబంధించిన నోటిఫికేషన్ ఈమెయిల్లు అతి త్వరలో బయటకు వెళతాయి. దీనికి సన్నద్ధం కావడానికి, ప్రభావితమయ్యే వ్యాపార విభాగాల మేనేజర్లు సోమవారం శిక్షణలో పాల్గొన్నట్లు ఆ నివేదిక వెల్లడించింది.
{{/usCountry}}కాగా ఉద్యోగుల తొలగింపుకు సంబంధించిన నోటిఫికేషన్ ఈమెయిల్లు అతి త్వరలో బయటకు వెళతాయి. దీనికి సన్నద్ధం కావడానికి, ప్రభావితమయ్యే వ్యాపార విభాగాల మేనేజర్లు సోమవారం శిక్షణలో పాల్గొన్నట్లు ఆ నివేదిక వెల్లడించింది.
{{/usCountry}}అమెజాన్ సీఈఓ ఆండీ జస్సీ.. సంస్థలో "అధికంగా ఉన్న బ్యూరోక్రసీ"ని తగ్గించేందుకు, నిర్వహణ స్థాయిలను కుదించేందుకు ఒక ప్రత్యేక డ్రైవ్ను ప్రారంభించారు. సంస్థలో ఎక్కడైనా సమర్థత లోపాలు ఉంటే వాటిని అనామకంగా తెలియజేయడానికి ఆయన ఒక అంతర్గత వ్యవస్థను ఏర్పాటు చేశారు. దీని ద్వారా ఇప్పటివరకు దాదాపు 1,500 దరఖాస్తులు అందగా, 450కి పైగా ప్రక్రియల్లో మార్పులు జరిగాయి.
పునరావృతమయ్యే పనులను ఆటోమేట్ చేయడానికి ఆర్టిఫిషియల్ ఇంటెలిజెన్స్ (ఏఐ) టూల్స్ను ఎక్కువగా ఉపయోగించడం వల్ల కూడా భవిష్యత్తులో ఉద్యోగుల సంఖ్య మరింత తగ్గే అవకాశం ఉందని జస్సీ ఈ సంవత్సరం ప్రారంభంలోనే చెప్పారు.
కోతల సంఖ్య మారే అవకాశం!
అమెజాన్ ఆర్థిక వ్యూహం నిరంతరం మారుతున్నందున, చివరికి తొలగించే ఉద్యోగుల సంఖ్యలో మార్పులు ఉండవచ్చని రాయిటర్స్కు సంబంధిత వర్గాలు తెలిపాయి.
మరోవైపు సోమవారం మార్కెట్ ముగిసే సమయానికి అమెజాన్ షేర్లు 1.3% పెరిగి 227.11 డాలర్ల వద్ద ట్రేడయ్యాయి.