బంగారం, వెండి ధరలకు రెక్కలు: ఎమ్‌సీఎక్స్‌లో 1% జంప్

అంతర్జాతీయ మార్కెట్లలో సానుకూల పవనాలు, స్థానిక కొనుగోళ్లు పుంజుకోవడంతో బుధవారం ఎంసీఎక్స్‌లో (MCX) బంగారం, వెండి ధరలు 1 శాతం వరకు పెరిగాయి. అమెరికా ద్రవ్యోల్బణ గణాంకాలు వెలువడనున్న నేపథ్యంలో పసిడి మళ్లీ మెరుపులు మెరిపిస్తోంది.

గ్లోబల్ మార్కెట్లలో సానుకూల ధోరణికి తోడు, స్పాట్ మార్కెట్‌లో డిమాండ్ ఊపందుకోవడంతో బుధవారం (ఆగస్టు 12) దేశీయ విపణిలో బంగారం, వెండి ధరలు భారీగా పెరిగాయి. మల్టీ కమోడిటీ ఎక్స్ఛేంజ్‌లో (MCX) ప్రారంభ ట్రేడింగ్‌లోనే పసిడి, వెండి సూచీలు దాదాపు 1 శాతం వరకు లాభపడ్డాయి.

ఎమ్‌సీఎక్స్‌లో పసిడి, వెండి ధరలు ఎంతంటే?

బంగారం, వెండి ధరలకు రెక్కలు: ఎమ్‌సీఎక్స్‌లో 1% జంప్

ఉదయం 9:10 గంటల సమయానికి ఎమ్‌సీఎక్స్‌లో అక్టోబర్ గోల్డ్ ఫ్యూచర్స్ 0.61 శాతం పెరిగి 10 గ్రాములకు ₹1,54,700 వద్ద ట్రేడ్ అయింది. అదే సమయంలో, సెప్టెంబర్ సిల్వర్ ఫ్యూచర్స్ 0.89 శాతం లాభపడి కిలో ₹2,37,749 స్థాయికి చేరింది.

గ్లోబల్ ట్రెండ్, అమెరికా ద్రవ్యోల్బణ ప్రభావం

అంతర్జాతీయ మార్కెట్లో డిసెంబర్ పసిడి ఫ్యూచర్స్ ఒప్పందాలు దాదాపు 1 శాతం పెరిగి ట్రాయ్ ఔన్స్‌కు $4,474 వద్దకు చేరుకున్నాయి. అమెరికా కేంద్ర బ్యాంక్ ఫెడరల్ రిజర్వ్ ముందస్తు ద్రవ్య విధాన దిశను అంచనా వేసేందుకు ఇన్వెస్టర్లు నేడు వెలువడే అమెరికా వినియోగదారుల ధరల సూచీ (CPI) ద్రవ్యోల్బణ డేటా కోసం ఆసక్తిగా ఎదురుచూస్తున్నారు.

చమురు ధరల మంట, భౌగోళిక రాజకీయ భయాలు

మధ్యప్రాచ్యంలో నెలకొన్న ఘర్షణలు చమురు సరఫరాను దెబ్బతీసేలా ఉండటంతో చమురు ధరలు పెరిగి ద్రవ్యోల్బణం మళ్లీ తీవ్రమయ్యే ప్రమాదం కనిపిస్తోంది. బ్రెంట్ క్రూడ్ బ్యారెల్ ధర 1 శాతం పెరిగి దాదాపు $90 సమీపంలో ట్రేడ్ అవుతోంది.

"అమెరికా తమ షరతులకు అంగీకరించే వరకు హార్ముజ్ జలసంధి మూసే ఉంటుంది" అని ఇరాన్ ప్రకటించగా, "హార్ముజ్ జలసంధిపై అమెరికాకు పూర్తి నియంత్రణ ఉంది" అని అమెరికా అధ్యక్షుడు డోనాల్డ్ ట్రంప్ స్పష్టం చేశారు.

పసిడిపై వడ్డీ రేట్ల ప్రభావం